Morgunblaðið - 13.05.2000, Side 22

22 LAUGARDAGUR 13. MAÍ 2000
MORGUNBLAÐIÐ
LANDIÐ
Náttúrustofa
Norðurlands vestra
formlega opnuð
Sauðárkróki - Á síðastliðnum
fímm árum hafa verið opnaðar
fjórar Náttúrufræðistofur, hin
fyrsta í Neskaupstað fyrir Aust-
urland árið 1995, en síðar voru
stofur opnaðar í Vestmennaeyjum
fyrir Suðurland, í Bolungarvík
fyrir Vestfirði og í Stykkishólmi
fyrir Vesturland. Þriðjudaginn 9.
maí var Náttúrustofa Norður-
lands vestra opnuð á Sauðár-
króki. Rekstur Náttúrustofunnar
er sameiginlegt verkefni ríkisins
annars vegar en sveitarfélaganna
Skagafjarðar og Akrahrepps
hinsvegar.
Fjölmargir gestir voru við-
staddir opnunina sem hófst með
því að Pétur Pétursson stjórnar-
formaður ávarpaði gesti og bauð
þá vclkomna en síðan klippti Siv
Friðieifsdóttir umhverfísráðherra
á borða og lýsti stofuna formlega
tekna til starfa.
Dr. Þorsteinn Sæmundsson
jarðfræðingur var ráðinn for-
stöðumaður Náttúrustofunnar og
tók hann til starfa í byrjun febr-
úar á þessu ári en þá var að
mestu lokið endurgerð gamla
Barnaskólans við Kirkjutorg en
þar er Náttúrustofa til húsa. í
ávarpi sínu lýsti Þorsteinn
ánægju sinni með að vera kominn
til starfa við þessa stofnun og lýsi
hann húsakosti stofunnar og
þakkaði öllum sem að því komu
að endurgera þetta gamla hús
svo glæsilega sem raun bæri
vitni.
Spanna yfír flest
svið náttúruvísinda
Þá skýrði Þorsteinn frá starf-
semi stofunnar en hún spannar
yfir flest svið náttúruvísinda á
Islandi þó sérsvið viðkomandi
forstöðumanns afmarkaði alltaf á
einhvern hátt starfsemina. Hann
gerði grein fyrir lögum um starf-
semi Náttúrustofa og sagði að í
reglugerð um starfsemi NNV
væri kveðið á um: „Að stunda vís-
indalegar rannsóknir á náttúru
Norðurlands vestra. Að safna
gögnum og varðveita heimiidir
um náttúrufar og stuðla að al-
mennum náttúrurannsóknum og
skal einkum lögð áhersla á Norð-
urland vestra og sérstöðu nátt-
úrufars á þeim slóðum. Þá skyldi
stuðlað að landnýtingu, náttúru-
vernd og fræðslu um umhverfís-
Morgunblaðið/Bjöm Bjömsson
Fjölmargir gestir voru viðstaddir opnun Náttúrustofu Norðurlands vestra.
Morgunblaðið/Bjöm Bjömsson
Náttúrustofan er staðsett í gamla Barnaskólanum við Kirkjutorg.
mál, fyrir almenning, fyrirtæki
og skóla á svæðinu og hafa náið
samstarf við aðrar stofnanir sem
vinna að sömu málum."
Til máls tóku og færðu stofunni
gjafír þeir Kristinn J. Albertsson,
forstöðumaður Náttúrufræði-
stofnunar íslands á Akureyri, og
Árni Höskuldsson, forstöðumaður
Náttúrufræðistofu Suðurlands í
Vestmannaeyjum, og að lokum sr.
Gísli Gunnarsson, forseti sveitar-
stjórnar Skagafjarðar. Dr. Þor-
steinn þakkaði góðar gjafir og
góðar óskir og bauð gestum að
skoða húsnæði stofnunarinnar og
þiggja veitingar.
Morgunblaðið/Ágúst Blöndal
Fyrstu heiðursfélagar Verkalýðsfélags Norðfirðinga, Sigfínnur Karls-
son og Valgerður Ólafsdóttir.
Verkalýðsfélag Norðfirðinga
Fyrstu
heiðursfélagarnir
Neskaupstað - Á hátíðarfundi 1. maí
sl. voru Sigfinnur Karlsson og eigin-
kona hans Valgerður Ólafsdóttir gerð
að fyrstu heiðursfélögum Verkalýðs-
félags Norðfirðinga.
Sigfinnur hóf snemma afskipti af
verkalýðsmálum eða árið 1942 er
hann var kosinn formaður Vélstjóra-
félagsins Gerpis í Neskaupstað. Það
má segja að frá þeim tíma og fram til
ársins 1994 hafi Sigfinnur óslitið
starfað að verkalýðsmálum og þá allt-
af í forystusveitinni. Hann sat í stjóm
Verkalýðsfélags Norðfirðinga í 41 ár,
þar af formaður í 25 ár. Þá sat hann
lengi í stjóm Alþýðusambands Aust-
urlands og var forseti þess í 17 ár.
Sigfinnur var í stjóm Verkamanna-
sambands íslands í 23 ár og átti einn-
ig lengi sæti í framkvæmdastjóm
þess. Þá var hann fyrsti formaður
fiskvinnsludeildar Verkamannasam-
bandsins. Sigfinnur sat í stjóm og
framkvæmdastjóm Sjómannasam-
bands íslands í um 20 ár. Þá má geta
þess að Sigfinnur beitti sér mjög fyr-
ir byggingu orlofshúsa verkalýðsfé-
laga á Austurlandi, á Einarsstöðum.
Valgerður, eiginkona Sigfinns, hef-
ur staðið þétt við hlið manns síns í
baráttunni gegnum árin eða eins og
Sigfinnur sagði á góðri stund fyrir
nokkmm árum, að í öllu þessu verka-
lýðsstarfi hefði oft gefið hressilega á
bátinn en að Valgerður hefði ávallt
verið til staðar til að ausa.
Unnið að úrvinnslu
viðar í Fljótsdal
Geitagerði - Síðastliðinn vetur hef-
ur allmikið verið unnið við grisjun
og úrvinnslu viðar á þeim bæjum í
Fljótsdal þar sem hafin var rækt-
un nytjaskóga upp úr 1970, sam-
kvæmt samningi Skógræktar rík-
isins og nokkurra bænda um svo-
kallaða Fljótsdalsáætlun. Sú
áætlun var síðar sameinuð Héraðs-
skógum, skógræktarverkefni sem
hófst fyrir einum áratug.
Upp úr 1950 vaknaði nokkur
áhugi bænda á Héraði á frekari
trjárækt, sem hafði verið stunduð í
venjulegum heimilisgörðum. Voru
þá gróðursettir stærri lundir á
nokkrum bæjum. Má þar nefna
fremstu bæina í Fellahreppi,
Hrafnsgerði og Skeggjastaði, og
Hrafnkelsstaði og Geitagerði í
Fljótsdal. Þessi ræktun gaf góðar
vonir og hefur vafalaust greitt
götu þeirrar ræktunar nytjaskóga
á bændabýlum sem síðar kom til
með Fljótsdalsáætlun og Héraðs-
skógum.
Heimafengið
parket
Héraðsskógar sjá um árlega
grisjun þessara nytjaskóga og
vinnslu efnis. í Fljótsdal hefur
skapast af þessu vinna um átta til
tíu manna í alls tvo mánuði í vetur.
í Geitagerði hófst grisjun í nóvem-
ber á ræktunarsvæðinu frá 1952 -
Morgunblaðið/Guttormur V. Pormar
Unnið í borðvið í Geitagerði. Helgi Bragason og Friðrik Ingólfsson við
flettisögina.
1960. Þar var fellt nokkuð af sitka-
greni og flett í borðvið en einnig
lerki sem unnið er í parket og
staura. Á þessum tíma var einnig
grisjað á Húsum og Brekku en í
mars og apríl var grisjað stórt
svæði í skóginum á Víðivöllum og
unnið í staura, parket og borðvið.
Allir staurar úr grisjun vetrarins í
Fljótsdal voru unnir á Víðivöllum,
yddaðir og birktir, og fengust um
3000 staurar. Umsjón með því
verki hafði Helgi Bragason frá
Droplaugarstöðum.
Eins og fram hefur komið í
Morgunblaðinu hefur annar bænd-
anna á Víðivöllum, Þórarinn Rögn-
valdsson, unnið og lagt parket á öll
gólf í nýsmíðuðu húsi sínu úr
heimafengnu efni.
I snjóbfl á Heklutopp
Hægt að skoða
ummerki gossins
Hellu - Nú geta einstaklingar og
hópar farið með snjóbíl á Heklutopp
en þar uppi er enn vetur, sem skartar
sínu fegursta með stórfenglegum
sjóndeildarhring af þessu tignarlega
eldfjalli.
Það er fyrirtækið Toppferðir á
Hellu sem býður upp á ferðir þessar,
sem reyndar þarf að skipuleggja með
tilliti til veðurs og skyggnis, en útsýni
í góðu veðri af þessu tæplega 1.500
metra háa eldfjalli er einstaklega
fagurt til allra átta. Þá gefst ágætt
tækifæri til að skoða og komast að
hinum nýju eldstöðvum og virða fyrir
sér hraunrennslið og nýja gíga sem
mynduðust í gosinu sl. vetur. Yfirleitt
er farið af Dómadalsleið inn í Skjól-
Það geta allir komist á Heklutopp í snjóbíl Toppferða á Hellu.
kvíar og upp fjallið að norðanverðu
og þarf þar að aka yfir nýtt hraun til
að komast á toppinn. Töluverður hiti
kraumar undir niðri og rýkur enn úr
hrauninu á nokkrum stöðum.
Að sögn Erlings Gíslasonar, bíl-
stjóra og eiganda snjóbílsins, er einn-
ig hægt að panta bfiinn í ýmsar sér-
ferðir upp á jökla og aðra staði sem
ekki er hægt að komast öðruvísi á, en
töluvert hefur verið um slíkar sér-
ferðir í vetur. „Það má reikna með að
hægt verði að komast á Heklu í snjó-
bflnum út maímánuð eða jafnvel
lengur, það fer allt eftir veðurfari og
hitastigi, en vera má að ég bjóði upp
á jöklaferðir einnig í sumar, það fer
allt eftir viðtökum markaðarins,"
sagði Erlingur.