Morgunblaðið - 19.05.2000, Side 16

16 FÖSTUDAGUR 19. MAÍ 2000
AKUREYRI
MORGUNBLAÐIÐ
Jarðgöng, 7,2 km ■ wbfk
VetLðliðasta^ir
Igg&aÖir "y
^ÍAkureyrorwtf]l jf
M políur \%Jr ? \
wjj \\Akureyrar-
yk\y/agvöjlur
Leifsstaða
fell
Fjárhagsaðstoð á vegum Akureyrar-
bæjar fyrstu 4 mánuði ársins
63% hækkun miðað
við sama tíma í fyrra
FJÁRHAGSAÐSTOÐ á vegum Ak-
ureyrarbæjar hækkaði um 63% á
fyrstu fjórum mánuðum þessa árs
miðað við sama tíma á síðasta ári.
Aðstoðin er 23% hærri nú þegar mið-
að er við árið 1998.
Oktavía Jóhannesdóttir, formaður
félagsmálaráðs,. sagði fjárhagsað-
stoð rokka mikið milli mánaða og
ekki kæmi í ljós fyrr en þegar árið
yrði gert upp í heild hvort og þá hver
hækkunin yrði. Hún sagði að ekki
væri nákvæmlega vitað hverju þessi
hækkun nú sætti. Alls lágu 73 um-
sóknir um fjárhagsaðstoð fyrir í síð-
asta mánuði og voru veittir 68 styrk-
ir að upphæði rúmlega 1,5 milljónir
króna auk þess sem veitt voru 5 lán
að upphæð rúmlega 150 þúsund
krónur.
Oktavía sagði að ævinlega leituðu
fleiri aðstoðar en vant væri í kring-
um fermingar, páska og jól. „Þeir
sem eru á lægstu bótunum hafa ekk-
ert svigrúm til að mæta kostnaði um-
fram það vanalega," sagði Oktavía.
Hún nefndi að flestir hefðu það
nokkuð gott um þessar mundir, en
þó væri nokkur hópur fólks sem sæti
eftir. Ekki væri um að ræða stóran
hóp, en hann ætti ekki margra kosta
völ.
Skákþing
Norðlend-
ingaá
Húsavík
SKÁKÞING Norðlendinga 2000
verður haldið á Húsavík helgina 26.
til 28. maí nk. Mótið er haldið í tilefni
af 75 ára afmælis Taflfélags Húsavík-
ur og 50 ára afmælis Húsavíkur-
kaupstaðar. Fyrsta daginn verða
tefldar 4 atskákir og síðan 3 kapp-
skákir hina dagana. Teflt verður eftir
monrad-kerfi.
Sextíu og fimm ár eru síðan fyrsta
Skákþing Norðlendinga fór fram,
fyrst á Akureyri 1935 og hefur verið
haldið óslitið síðan. Fimm keppendur
hafa unnið titilinn oftast, eða fimm
sinnum, en það eru; Jón Þorsteins-
son, Jónas Halldórsson, Júlíus Boga-
son, Gylfi Þórallsson og Rúnar Sig-
urpálsson. Núverandi skákmeistari
Norðlendinga er Halldór Brynjar
Halldórsson, 15 ára og sá næst yngsti
sem hefur unnið titilinn. Sá yngsti
var Pálmi R. Pétursson, en hann var
14 ára þegar hann sigraði 1979.
Keppni í öðrum flokkum, ungl-
ingaflokkum og kvennaflokki, hefst
laugardaginn 27. maí kl 14. Tefldar
verða 11 umferðir, 7 á laugardag og 4
á sunnudag.
Hraðskákmót Norðlendinga fer
fram á sunnudag 28. maí kl. 14.
Veitt verða verðlaun í hverjum
flokki. í öllum flokkum er keppt um
farandgrip og nafnbótina Norður-
landsmeistari, í opnum flokki, ungl-
ingaflokki eldri og yngri og kvenna-
flokki. í opnum flokki verða veitt
peningaverðlaun, m.a. 30.000 kr. fyr-
ir sigur.
Aðeins er greitt keppnisgjald í
opnum flokki og er það 2.000 krónur.
Skákþingið fer fram á Hótel Húsavík
og í félagsmiðstöðinni Keldunni. Því
lýkur kl. 18 sunnudaginn 28. maí með
verðlaunaafhendingu og léttum
kvöldverði í boði afmælisbama.
Skráning fer fram hjá Tómstunda-
fulltrúa Húsavíkurkaupstaðar,
Sveini Hreinssyni, sími 464-1430 og
veitir hann jafnframt nánari upplýs-
ingai’ um mótið. Netfang hans er
sveinnhr@husavik.is. Skráningu í
opna flokkinn skal vera lokið fyrir kl.
17 föstudaginn 26. maí en skráning í
yngri flokka fer fram á mótsstað.
-----♦-4-4---
Snjómynda-
samkeppni í
Murmansk
NÝLEGA barst bréf frá bæjaryfir-
völdum í Murmansk í Rússlandi, sem
er einn af vinabæjum Akureyrar, þar
sem boðið er til alþjóðlegrar snjó-
myndasamkeppni og hátíðahalda um
miðjan desember í ár. Þeir sem
kynnu að hafa áhuga á þátttöku í
þessari keppni geta nálgast nánari
upplýsingar á skrifstofu menningar-
mála í Glerárgötu 26 á Akureyri.
Eltak sérhæfir sig í sölu
og þjónustu á vogum.
Bjóðum eitt mesta úrval
á íslandi af smáum
og stórum vogum.
Hafðu samband
Síðumúla 13, sími 588 2122
www.eltak.is
Mogunblaðið/Ingibjörg Ólafsdóttir
Árnesingakórinn í Reykjavík heldur sína árlegu vortónleika í tónlistar-
húsinu Ymi við Skógarhlíð á morgun
Arnesingakórinn á Norðurlandi
ÁRNESIN GAKÓRINN í Reykjavík
verður á ferð um Norðurland helg-
ina 19.- 21. maí. í kvöld heldur kór-
inn tónleika í Glerárkirkju kl. 20.30
og er efnisskráin fjölbreytt. Þar má
nefna vinsæl dægurlög, lög eftir
Sigfús Einarsson, Jón Ásgeirsson
og George Gershwin ásamt syrpu
af löguin úr Meyjarskemmunni eft-
ir Franz Schubert. Einsöngvarar
eru þeir Árni Sighvatsson og Þor-
steinn Þorsteinsson, undirleik ann-
ast Richard Simm og stjórnandi er
Sigurður Bragason.
Á laugardag heldur kórinn til
Grímseyjar og verður efnt til
skemmtunar með eyjarskeggjum.
Samkór Svarfdæla
Vortónleikar í
Dal víkur kir kj u
SAMKÓR Svarfdæla heldur vortón-
leika í Dalvíkurkirkju á morgun,
laugardaginn 20. maí og hefjast þeir
kl. 16.
Kórinn hefur æft af kappi vegna
Danmerkurferðar í júní nk. og býður
áheyrendum upp á hluta af efnisskrá
ferðarinnar. Sérstakir gestir á tón-
leikunum eru Kór Landsbanka ís-
lands undir stjóm Guðlaugs Viktors-
sonar ásamt sópransöngkonunni
Kirstin Emu Blöndal og hljóðfæra-
leikurum.
Efnisskráin er sérlega fjölbreytt
og má þar nefna trúarlega tónlist af
ýmsum toga, íslensk og erlend þjóð-
lög, atriði úr íslenskum söngdönsum
eftir Jón Ásgeirsson og norræn
vísnalög. Tónleikarnir em styrktar-
tónleikar ferðasjóðs Samkórsins.
Napurt
í norðan-
áttinni
ÞAÐ er heldur kuldalegt um að lit-
ast norðanlands um þessar mundir,
en víða snjóaði í fjöll og var hálka á
nokkrum fjallvegum, ökumönnum
til hrellingar. Fólagamir í Veður-
klúbbnum á Dalvík höfðu spáð þvf í
byrjun þessa mánaðar að bresta
myndi á með svonefndu kóngs-
bændahreti og miðuðu við 19. maí í
því sambandi. Þar hafa þeir eins og
oft áður reynst sannspáir. Þegar
ljósmyndari átti leið um
Kaupvangsstræti festi hann þetta
fólk sem var að bíða eftir strætó á
filmu, en eins og sjá má er vissara
að setja upp hettuna þegar hann
blæs svona napurt úr norðrinu.
þróun byggðar
ATVINNUMÁLANEFND Akur-
eyrar hefur beint því til bæjar-
stjómar að hún komi á fundi með
samgöngunefnd Alþingis þar sem
knúið verði á um að vinnu við hag-
kvæmnisathugun á jarðgöngum
undir Vaðlaheiði verði lokið hið
fyrsta.
Á fundi nefndarinnar nýlega
ræddi einn nefndarmanna, Hákon
Hákonarson, um göng undir Vaðla-
heiði, en um þau er fjallað í stefnu-
mótun atvinnumálanefndar frá því í
mars í fyrra, en lagt er til í skýrslu
nefndarinnar að hagkvæmnisathug-
un vegna þeirra verði gerð.
Nú rúmu ári seinna sé mönnum
orðið ljóst að göng undir Vaðlaheiði
munu hafa margfalt meiri áhrif á
þróun byggðar en önnur jarðganga-
gerð sem sé á teikniborði stjóm-
valda. Fyrir Akureyringa, Eyfirð-
inga og Norðlendinga alla sé þetta
hagsmunamál sem geti haft áhrif á
vöxt og viðgang svæðisins, sérstak-
lega þegar horft sé til þeirra verk-
efna sem sveitarfélögin á Norður-
landi eystra hafa sameinast um á
sviði orkuframleiðslu og nýtingar
hennar.
Kennarar!
Hrafnagilsskóli auglýsir
eftir kennurum
Okkur vantar kennara í eftirtaldar stöður:
Tvo við nýstofnaða sérdeild.
4—5 í almenna kennslu á miðstigi, stærðfræði,
raungreinar, sérkennslu, heimilisfræði og
smíðar.
Einn í tölvugreinar og fagstjórn í upplýsinga-
tækni.
Hrafnagilsskóli er í Eyjafjarðarsveit 12 km
sunnan Akureyrar (10 mín. akstur). Nemendur
eru 180 í 1. —10. bekk. Skólinn fékk styrk úr
Þróunarsjóði grunnskólanna til að þróa
verkefnabanka í lífsleikni. í haust tekur til starfa
sérdeild fyrir unglinga á meðferðarheimilinu að
Laugalandi.
Við skólann er gott íþróttahús, sundlaug og
íþróttavöllur í byggingu. Leikskóli er í næsta
nágrenni. í sveitinni er öflugt félagslíf, svo sem
leikfélag, kórar, karlaklúbbar, kvenfélög og
ungmennafélag, þar sem nýjum félögum er vel
tekið. Húsnæðishlunnindi í boði.
Umsóknarfrestur er til 30. maí 2000.
Nánari upplýsingar um vinnuaðstöðu og kjör
veita Karl Frímannsson, skólastjóri, í símum 463
1137, 463 1230 og 862 8754 og Anna
Guðmundsdóttir, aðstoðarskólastjóri, í símum
463 1137 og 463 1127.
Krummakot auglýsir eftir
leikskólakennurum
Leikskólakennarar óskast í tvær stöður að
leikskólanum Krummakoti.
Upplýsingar veitir Anna Gunnbjörnsdóttir,
leikskólastjóri, í símum 463 1231 og 463 1160.
Hagkvæmnisathugun á jarðgöngum undir Vaðlaheiði verði gerð
Mikil áhrif á
Sk % :
i\ m \'