Morgunblaðið - 20.06.2000, Blaðsíða 15

MORGUNBLAÐIÐ
PRIÐJUDAGUR 20. JÚNÍ 2000 15
AKUREYRI
Þjóðhátíð-
ardagur-
inn á
Akureyri
HÁTÍÐARHÖLD á Akureyri vegna
17. júní fóru fram með venju-
bundnum hætti. Farið var í skrúð-
göngu og síðan var boðið upp á
skemmtiatriði á Ráðhústorginu
fram á kvöld. Fjölmenni var í bæn-
um og fór allt vel fram að sögn
Lögreglunnar á Akureyri, þrátt
fyrir nokkra ölvun er líða tók á
kvöldið.
Tívolí var í bænum, sem án efa
heillaði margan af yngri kynslöð-
inni. Nýstúdentar úr MA marser-
uðu svo í gegnum miðbæinn fyrir
miðnættið eins og hefð er fyrir.
Þrátt fyrir að rignt hafi nokkuð
fram eftir degi þá stytti upp er leið
á kvöldið og því má með sanni
segja að ekki hafi þurft að kvarta
mikið yfir veðrinu.

fl';
Morgunblaðið/Rúnar þór
Maður rot-
aðist í hátíð-
arhöldunum
á Dalvík
MAÐUR fékk spýtu í höfuðið á há-
tíðarsvæðinu á Dalvík 17. júní og rot-
aðist við það. Að sögn lögreglunnar á
Dalvík kom spýtan úr einu leiktækj-
anna í skátatívolíinu. Maðurinn var
fluttur á sjúki-ahúsið á Akureyri og
lagður þar inn. Hann hafði vægan
heilahristing og einnig þótti vert að
athuga meiðsl hans nánar þar sem
spýtan lenti nálægt öðru auga hans.
Lögreglan á Dalvík þurfti einnig
að hafa afskipti af bílveltu fyrir ofan
bæinn á þjóðhátíðardaginn. Engin
slys urðu á fólki en grunur leikur á
að um ölvun hafi verið að ræða.
Einnig var stöðvaður ökumaður sem
var réttindalaus, en ökuskírteini
hans hafði runnið út. Vildi lögreglan
koma þeim tilmælum til fólks að það
athugaði vel hvort ökuskírteini þess
væri ekki örugglega í gildi.
Morgunblaðið/Rúnar Þór
Frá kvennahlaupinu á Akureyri.
Kvennahlaupið tókst
vel á Akureyri
KONUR á Akureyri og í ná-
grannabyggðum hlupu kvenna-
hlaup síðastliðinn sunnudag líkt
og kynsystur þeirra annars stað-
ar á landinu. Að sögn Guðmun-
dar Sigvaldasonar, eins af
skipuleggjendum hlaupsins, tóku
um 800 konur þátt í hlaupinu á
Akureyri og er það heldur minna
en verið hefur síðastliðin ár, en
þá hafa þátttakendur verið í
kringum þúsundið. Guðmundur
sagði að færri konur hefðu hlaup-
ið um land allt, en taldi enga eina
skýringu að fmna á fækkuninni.
Nefndi hann þó að veðrið hefði
ekki verið eins og best verður á
kosið og það að hlaupið hefði
núna verið daginn eftir þjóðhá-
tíðardaginn.
Að sögn Guðmundar gekk allt
mjög vel í sambandi við hlaupið
og konurnar voru mjög ánægðar.
En þess má geta að um 180 konur
tóku þátt í hlaupinu á Dalvík og
um 100 konur hlupu á Ólafsfirði.
---------------------------------
jlfmœUsþakkir
Innilegar þakkir sendi ég öllum þeim, sem
glöddu mig með heimsóknum, skeytum, blómum
og gjöfum á 85 ára afmœlisdaginn minn þann
2. júní síðastliðinn.
Páll Arason
Bug i Hörgárdal.
L
Landsvirkiun
Gott verslunar/skrifstofii-
húsnæði til leigu
Til leigu er 296 m2 rými á 1. hæð í Landsvirkjunar-
húsinu við Glerárgötu 30 á Akureyri.
Upplýsingar í síma 463 6300 eða á skrifstofu Lands-
virkjunar, 4. hæð, Glerárgötu 30.
Góð tenging við nýja verslunarsvæðið sem er að rísa
á Gleráreyrum.
Menntaskólanum
slitið í 120. sinn
enntaskounn
á akureyri
1380-200C i *
4 akurE''41'
■riJTiiK'it U mÍ'iW ÍWiViv WW M
Morgunblaðið/Þórhallur Jónsson
Hér tekur einn nýstúdentanna við skírteini sínu.
MENNTASKÓLANUM á Akureyri
var slitið í 120. sinn á þjóðhátíðardag-
inn, 17. júní, þar sem brautskráðir
voru 118 stúdentar. Stúlkur í hópnum
voru alls 69 eða 58,4% og piltar 49
talsins. Nemendur skiptust þannig
að átta voru brautskráðir af eðlis-
íræðibraut, 36 af félagsfræðibraut,
23 af málabraut, 48 af náttúruíræði-
braut, einn af myndlistarbraut og
tveir af tónlistarbraut. Einn nemandi
brautskráðist bæði af mála- og nátt-
úrufræðibraut og einn af eðlisfræði-
og tónlistarbraut. Arnhildur Eyja
Sölvadóttir frá Húsavík hlaut hæstu
einkunn í fjórða bekk, 9,7. Alls hafa
5.736 nemendur verið brautskráðir
frá Menntaskólanum á Akureyri.
Tryggvi Gíslason skólameistari
greindi m.a. frá því í ræðu sinni að til
stæði að minnast 120 ára afmælis
skólans með margvíslegum hætti á
árinu. Fyrst er þar til að nefna sýn-
ingu á verkum nemenda í húsum
skólans og þá var í tilefni afmælisins
afhjúpað nýtt listaverk á lóð skólans,
neðst á Olgeirstúni norðan Gamla
skóla. Það er eftir Jóhann Ingimars-
son, myndlistarmann, Nóa í Valbjörk
og nefnist Heimur vonar. Sigríður
Pálína Erlingsdóttir fyrrverandi
frönskukennari og vinkona lista-
mannsins afhjúpaði verkið.
Þá verður í haust gefinn út geislad-
iskur með söng nemenda, allt frá
söng MA-kvartettsins fyrir rúmum
60 árum og Kórs Menntaskólans á
Akureyri nú. Minningar úr mennta-
skóla er heiti á bók sem bókaútgáfan
Hólar gefur út af þessu tilefni næsta
haust.
I tilefni af 120 ára afmæli skólans
verður einnig gerð eirafsteypa af
hvalbeininu sem lengi hefur staðið
inni á skrifstofu skólameistara en
verður afsteypan afhjúpuð í nóvem-
ber og komið fyrir við aðalinngang
skólans til að minna á aga og reglu-
semi. Orðtakið „að taka á beinið“ er
frá þessu gamla beini komið.
Málstefna um stöðu
íslenskrar tungu
Loks má nefna að efnt verður til
málstefnu um stöðu íslenskrar tungu
í lok aldar 18. nóvember næstkom-
andi í samvinnu við menntamálaráðu-
neytið og „Dag íslenskrar tungu“.
Fram kom í máli Tryggva að á mál-
stefnunni væri ætlunin að meta
hvemig íslensk tunga, fomlegasta
tunga Evrópu, hefði gegnt hlutverki
sínu sem félagslegt tjáningartæki í
umróti ogumbyltingu 20. aldar þegar
þjóðfélagið breyttist úr einangruðu
og einhæfu bændaþjóðfélagi í marg-
skipt þjóðfélag á upplýsingaöld í nán-
um tengslum við umheiminn. Gerð
verður grein fyrir því hvemig mál-
hreinsun og málvemd á 19. öld þróað-
ist í málrækt á 20. öld þar sem allir
hafi lagst á eitt um að efla tunguna
sem samskiptatæki við ólíkar að-
stæður við síaukin erlend áhrif sem
gerðu kröfu um nýtt orð og nýtt orða-
lag. „Erlend áhrif hafa auðgað tung-
una og gert hana betur hæfa til þess
að gegna hlutverki sínu sem tjáning-
artæki í margskiptu þjóðfélagi á
tækniöld," sagði Tryggvi.
Hann sagði stóraukin samskipti
einstaklinga, stofnana og fyrirtækja
innanlands og við aðrar þjóðir reyna
á þol fámennra málsamfélaga og gera
kröfu um nýjar lausnir. A málstefn-
unni verður einnig litið fram á veginn
og spáð í framtíðina og reynt að svara
þeirri spurningu hvort unnt muni að
varðveita þjóðtunguna og stjórna
málþróun í landinu og þá hvemig.
Skólameistari vill opin-
bera styrki til námsfólks
TRYGGVI Gíslason skólameistari
Menntaskólans á Akureyri telur
brýnt að stjórnvöld komi á styrkjum
til námsfólks á aldrinum frá sextán
ára til tvítugs líkt og tíðkast í ná-
grannalöndum okkar, en styrkir
þessir komi í stað styrkja til jöfnun-
ar á námskostnaði sem tíðkast hafa
hér á landi undanfarinn aldarfjórð-
ung.
„Með því móti að greiða nemend-
um 30 þúsund króna styrk á mánuði
og heimila að þeir vinni sér fyrir
öðru eins án þess að greiða skatt er
unnt að gera auknar kröfur til nem-
enda um árangur í námi, ungt fólk
fær aukna ábyrgð og getur sjálft val-
ið sér búsetu og skóla. Til þess að
efla sjálfsaga verður að treysta fólki,
líka ungu fólki, og reynsla mín við
Menntaskólann á Akureyri í aldar-
fjórðung er sú að ungu fólki er hægt
að treysta,“ sagði Tryggvi í ræðu
sinn við skólaslit síðasta laugardag.
Skólameistari gerði þetta að um-
talsefni í tengslum við þau áform MA
að styrkja stöðu sína sem lands-
menntaskóla, þ.e. skóla þar sem
nemendur af öllu landinu geta stund-
að nám. Til þess að svo mætti verða
yrði að vera unnt að bjóða öllum að-
komunemendum aðgang að góðri
heimavist. „Skoðun mín er sú að
ungu fólki sé hollt að fara að heiman
og læra að standa á eigin fótum og
margir foreldrar hafa gott af því að
sjá á bak börnum sínum á þessum
aldri. Gamalt orðtak segir: Fjörður
milli frænda og vík milli vina. Návígi
foreldra og barna við sífellt auknar
kröfur af beggja hálfu getur leitt til
átaka sem ekki eru neinum til góðs.
Ef framhaldsskólum er gert kleift að
reka traustar heimavistir þar sem
fólk með þekkingu annast umsjá og
eftirlit má bæta margt í uppeldi okk-
ar og auka almennan aga og sjálfs-
aga,“ sagði Tryggvi.