Morgunblaðið - 21.06.2000, Qupperneq 31

MORGUNBLAÐIÐ
MIÐVIKUDAGUR 21. JÚNÍ 2000 31
LISTIR
Vinahót við
hæfi höfðingja
Morgunblaðið /Arnaldur
Hætt er við að margt hafi setið eftir í minni heiðursgestsins, sem naut
vinahóta við hæfi sannra höfðingja, segir m.a. í dómnum.
TONLIST
S a 1 u r i n n
EINSÖNGSTÓNLEIKAR
Sönghátíð til heiðurs Halldóri Han-
sen. Söngvarar: Elly Ameling,
Garðar Cortes, Sólrún Bragadóttir,
Finnur Bjarnason, Margareta Hav-
erinen, Bergþór Pálsson, Lorraine
Nubar, Simon Chaussé, Violet
Chang, Ólöf Kolbrún Harðardóttir,
Þóra Einarsdóttir, Björn Jónsson,
Olivera Miljakovic. Pfanóleikarar:
Dalton Baldwin, Gerrit Schuil og
Jónas Ingimundarson. Skólakór
Kársness u. stj. Þórunnar Björns-
dóttur. Kynnir: Gunnar Eyjólfsson.
Mánudaginn 19.júnikl. 20.
MANNVINURINN, söngkerinn
og bai-nalæknirinn Halldór Hansen
var heiðraður með sérstökum tón-
leikum í Salnum á mánudagskvöld að
tilhlutan hins heimskunna ljóða-
söngspíanóleikara Daltons Baldwin,
sem verið hefur góðvinur Halldórs
um 40 ára skeið. Hvert sæti var skip-
að í Tónlistarhúsi Kópavogs, og
þurfti að grípa til aukastóla, þegar
rúm tylft íslenzkra og erlendra ein-
söngvara steig á svið til skiptis, allt
vinir og góðkunningjar heiðursgests-
ins, og fluttu honum og á 4. hundrað
öðrum hlustendum nokkur lög hver,
margir hverjir að viðbættu stuttu
þakklætisávarpi. Fremst í flokki og
fyrst í röðinni var hin heimskunna
hollenzka drottning ljóðasöngsins,
Elly Ameling, sem söng með Baldwin
Im Abendrot eftir Schubert og La
Raine de coeur eftir Poulenc, en með
Gerrit Schuil við slaghörpuna Selig-
keit Schuberts af ljúfri og lág-
stemmdri snilld. Eftir ávarp Sveins
Jónssonar fyrir hönd Tónlistarfé-
lagsins í Reykjavík gekk Skólakór
Kársness syngjandi inn salinn með
Vorvísu Atla Heimis Sveinssonar á
vörum og söng síðan við undirleik
Jónasar Ingimundarsonai' Fylgd
Sigursveins D. Kristinssonar og Ut
um græna grundu eftir Skúla Hall-
dórsson undir stjórn Þórunnar
Björnssonar; létt og hreint, eins og
einkennir flest hjá þessum ágæta
ungmennakór.
Garðar Cortes vakti mikla hrifn-
ingu með hlýrri og kíminni meðferð
sinni á söngvum úr Bangsímon-ljóða-
flokki A.A. Milnes við undirleik J.I.,
þó að byði ekki upp á mikil söngleg
tækifæri í sjáfu sér og textinn dytti
stundum svoh'tið niður í styrk. Sólrún
Bragadóttir söng, sömuleiðis við
undirl. J.I., Söng Sólveigar (Grieg)
og greifynjaaríuna Dove sono úr
Brúðkaupi Figaros af tignarlegri
reisn, enda þótt að virtist meðvituð
radd-dekking hennar drægi óhjá-
kvæmilega úr textaskilum og verkaði
dálítið eins og tónjafnari, þannig að
hver hending hafði tilhneigingu til að
verða annarri lík. Hinn stórefnilegi
ungi tenór og fyrrverandi barýton
Finnur Bjarnason söng með aðstoð
D.B. An Silvia (Schubert) og Stille
Tránen (Schumann) af músíkalskri
einlægni, en mætti að vitund undh--
ritaðs e.t.v. fara að huga aðeins að
fókusmálum og þéttun raddarinnar,
sem virtist heldur laus í sér að svo
komnu, enda hugsanlega ekki enn
rétt staðsett. Margareta Haverinen
söng með D.B. tvo heimsíræga
söngva eftir Sibelius, Fhckan kom
ifrán sin elsklings möte og Var det en
dröm? af seiðmagnaðri snilld, þar
sem dimm og hljómmikil mezzo-rödd
hennar túlkaði textann með mikilli
tilfinningu, sem einnig var upp á ten-
ingi í kyrrlátari og undirieikslausri
barnagælu frá Kiijálalandi, er hún
söng við mikla hrifningu salargesta.
Bergþór Pálsson virtist, ef nokkuð,
fremur birta barýton sinn en dekkja,
enda heyrðist hvert orð af textanum.
Hann söng með J.I. snöfurlega Víði-
söng Sveinbjöms Sveinbjömssonar
og hið þakkláta fimmhta túlkunar-
stykki Sigfúsar Halldórssonar, I dag,
með fjölbreyttum en þó hófstilltum
tilþrifum. Síðust fyrir hlé kom svo
Lorraine Nubar og söng með aðstoð
D.B. How fair the spot (Rachmanin-
off) og Le Colibri (Chausson) með að-
dáunarverðum þokka og vel stilltri
raddbeitingu þrátt fyrir langan
starfsaldur, sem líkt og með t.d. Oli-
vem Miljakovic í tónleikalok benti til
pottþéttrar undirstöðutækni allt frá
því snemma á ferlinum.
Hinn fransk-kanadíski Simon
Chaussé söng fyrst eftir hlé, sömu-
leiðis með D.B. við píanóið, En
Sourdine (Fauré) og Les Feuilles
mortes (Kosma; betur þekkt sem
Autumn Leaves, enda sungið á
ensku) með fallega þýðum barýton
og látlausri og nærri því hlédrægri
tjáningu. Kínverski sópraninn Violet
Chang heillaði marga með óþving-
aðri og ljúfri framkomu og söng hinn
náttúrulýríska Vetrardraum um
Jing-Lingborg eftir Shen Bing Gu-
ang og þjóðlag frá Yun Nan, „Wad-
ing in a Mountain Strearn", við mikla
hrifningu, sem sízt dró úr þegar hún
tók nokkur létt dansspor í „Flower
Bird Song“. D.B lék af innlifun í aust-
rænum stíl og tókst m.a. að framkalla
eins ósvikna eftirmynd af kínversk-
um „chin“-síterleik og hægt er á
vestrænan flygil.
Ólöf Kolbrún Harðardóttir fór
þokkafullt með Svanasöng á heiði
(Kaldalóns) með aðstoð J.I. og upp-
skar ljómandi undirtektir fyrir kraft-
mikla túlkun á lagi Jóns Þórarinsson-
ar, Jeg elsker dig. Næst á blaði átti
að vera Sigrún Hjálmtýsdóttir, en
féll niður vegna veikinda. Jónas Ingi-
mundarson sat áfram við slaghörp-
una þegar Þóra Einarsdóttir og
Björn Jónsson sungu Kirsubeija-
dúettinn úr Amico Fritz eftir
Mascagni af ástúð og yndisþokka, og
vakti ekki sízt þétt og áferðarþýð
tenórrödd Björns athygli undirrit-
aðs, sem ekki mundi eftir að hafa
heyrt söngvarann fyrr. Hefði maður
ekki vitað betur gæti maður eitt
augnablik látið ginnast til að halda að
upphafstónar Sylvu úr Czardasfurs-
tynju Kálmáns þar á eftir rynnu úr
barka Sieglinde Kahmanns á vel-
mektardögum, en það reyndist hins
vegar Olivera Miljakovic sem bar
ábyrgð á þeim ki’aftmikla gjallandi
söng, sem hreif marga upp úr skón-
um með blóðheitu ungversku accel-
erando poco a poco. Miljakovic leiddi
síðan samsöng í fyrsta lagi af þremur
með Dalton Baldwin við flygilinn, þar
sem allir þrettán söngvarar voru
komnir á sviðið og sungu til dýrðar
hverri af þremur uppáhaldsheims-
borgum Halldórs. Fyrst Vínarvals-
inn kunna, Wien, du Stadt meiner
Traume eftir Rudolf Sieczynsky, síð-
an hinn dáða Parísarvals Poulencs,
Les Chemins de l’Amour, og loks -
frá Jórvík hinni nýju - The Best of ti-
me úr „La Cage aux Folles“ eftir
Jerzy Herman; allt af miklu fjöri,
enda salurinn löngu kominn á suðu-
punkt. Hætt er við að margt hafi seU
ið eftir í minni almennra áheyrenda
eftir þessa litríku tónleika - hvað þá í
minni heiðursgestsins, sem naut þar
vinahóta við hæfi sannra höfðingja.
Ríkarður Ö. Pálsson
Hvergi betra
verð
Kr.3.995,-
Hudson úðabmsi
7.5 lítra.
^994,
Álstigi
5.2 metra.
Claber úðari
3ja arma
945.
Skráðu þig $)
í vefklúbbinn
www.husa.is

HUSASMIÐJAN
Sími 525 3000 • www.husa.is