Morgunblaðið - 20.07.2000, Side 2

2 FIMMTUDAGUR 20. JÚLÍ 2000
MORGUNBLAÐIÐ
FRÉTTIR
Afkoma ríkissjóðs betri en
áætlanir gerðu ráð fyrir
HEILDARTEKJUR ríkissjóðs
íyrstu sex mánuði ársins eru 10,6
milijörðum króna umfram gjöld, sam-
anborið við 8,6 milljarða króna afgang
á sama tíma í fyrra og 3,6 milljarða
afgang árið 1998, að því er fram kem-
ur í mánaðaryfirliti um fjárreiður rík-
issjóðs sem ijármálaráðuneytið sendi
frá sér í gær. Hreinn lánsfjárjöfnuður
var jákvæður um 10,7 milijarða
króna, tvöfalt meira en á sama tíma
árin 1998 og 1999, en þessi stærð gef-
ur til kynna hvaða fjármagn ríkissjóð-
ur hefur til ráðstöfunar tO að greiða
niður skuldir.
Á fyrstu sex mánuðum ársins
námu afborganir eldri lána ríkissjóðs
20,6 mUljörðum en nýjar lántökur 9,5
milljörðum. Var greiðsluafkoma rík-
isins því neikvæð um tæplega hálfan
milljarð króna, sem er 4,5 mUljörðum
hagstæðari niðurstaða en í fyrra.
Geir H. Haarde fjármálaráðherra
sagði í samtali við Morgunblaðið að í
mánaðaryfirlitinu kæmi fram að af-
koma ríkissjóðs væri um það bil 6,3
mUljörðum betri heldur en áætlanir
hefðu gert ráð fyrir á grundvelli fjár-
laganna. Það sem væri sérstaklega
ánægjulegt væri að breytingin frá
þeim áætlunum væri fyrst og fremst
tekjumegin en gjöld væru nokkum
vegin skv. áætlun.
„Stærsti hluti þessa tekjuauka er
síðan vegna tekjuskatta og það er líka
mjög athyglisvert, því það sýnir að
aukningin er ekki fyrst og fremst
veltuskattar eða virðisaukaskattur.
Hann er að vísu umfram áætlun en þó
ekki jafn mikið og í fyrra. Það er tákn
um að það sé heldur að draga úr
þenslu, sem við sjáum líka af ýmsu
öðru, minni bUainnflutningi og öðru
þess háttar," sagði Geir.
Sýnir að því fer fjarri að
ólag sé á ríldsfjármálunum
„Ég tel nú að þetta sýni að allt
þetta tal í mönnum, sem stendur hér
upp úr alls kyns fólki, að það sé eitt-
hvert ólag á ríkisfjármálunum, það er
einfaldlega rangt,“ sagði Geir. Bætti
hann því við að þetta fengist staðfest í
yfirliti yfir endanlega afkomu rOds-
sjóðs á síðasta ári sem senn yrði gert
opinbert. Fjármálaráðherra tók þó
fram að ýmsa fyrirvara þyrfti að setja
varðandi mánaðaryfirlitið, bæði
þýddu þessar tölur ekki að hægt væri
að fullyrða að þetta skUaði sér í betri
afkomu fyrir árið í heild. Jafnframt
væri rétt að gera sér grein fyrir því að
þessar tölur væru á greiðslugrunni og
því ekki sambærilegar við fjárlög, en
þau eru sett fram á rekstrargrunni.
I mánaðaryfirlitinu kemur annars
fram að heUdartekjur rUdssjóðs
námu alls 100,7 mUljörðum fyrstu sex
mánuði ársins, samanborið við 90,6
milljarða á sama tíma í fyrra og 79,3
milfjarða árið 1998. Nemur hækkunin
frá fyrra ári 11%, samanborið við 15%
árið áður. HeUdarútgjöld námu um 90
mUijörðum á fyrstu sex mánuðum
ársins og hækka um tæplega 8 milij-
arða, eða 9,9%, frá sama tíma í fyrra.
Ljósmynd/Jón Sig.
Gæsir fangaðar til merkinga
Grunur
um fölsun
LÖGREGLAN hyggst rannsaka
hvort málverk sem boðið var til sölu
hjá galleríi í Reykjavík og eignað Ás-
grími Jónssyni sé falsað. Ólafur Ingi
Jónsson forvörður telur að svo sé og
segir að heldur klaufalega hafi verið
að verki staðið í þeim efnum.
Ólafur vakti fyrst athygli á mál-
verkinu í gær, en á því er ártalið
1903. ,;Það ber engin höfundarein-
kenni Ásgríms að mínu mati og nafn-
skrift þess ber sömu einkenni og er
sömu gerðar og á öðrum málverkum
sem eignuð eru Ásgrími Jónssyni, en
talin eru fölsuð,“ segir hann.
„Allur annar umbúnaður hnígur í
þá átt að hér sé um fölsun að ræða.
Myndin hefur verið skorin á hliðum,
nýlega römmuð inn og ber þess ekki
merki að hafa verið undir kartoni eða
ramma,“ segir Ólafur Ingi ennfrem-
ur og segir sterkar líkur á að Einar
Jónsson, alþýðumálari frá Fossi í
Mýrdal, hafi málað myndina, en
hann var samtímamaður Ásgríms.
Eigandi málverksins hafði sótt
það þegar lögreglan reyndi að skoða
það í gær, en um er að ræða vatns-
litaverk sem metið var á 850 þúsund
krónur.
Málið er enn í rannsókn og mun
lögreglan hafa óskað eftir að fá mál-
verkið afhent til nánari skoðunar.
HÓPUR manna undir forystu Arn-
órs Þóris Sigfússonar fuglafræð-
ings hjá Náttúrufræðistofnun Is-
lands smalaði saman 170 gæsum á
Flóðinu í Vatnsdal í gær til merk-
ingar. Þetta er liður í og jafnframt
lokaár fimm ára samstarfs við
Breta í merkingum á grágæs og
að sögn Arnórs er þetta besti
árangur í smölun gæsa á Flóðinu
fram til þessa.
Allar gæsirnar voru merktar á
fótum og eldri gæsirnar fengu
hálsmerki. Leiðangursmenn gerðu
ráð fyrir því að fara til Blönduóss í
dag og reyna að fanga og merkja
gæsir, því þar hefur grágæsum
fjölgað mikið undanfarin ár.
Ölvunarakstur árla
dags í Reykjavík
Þrír
ökumenn
stöðvaðir
fyrir hádegi
LÖGREGLAN stöðvaði þrjá öku-
menn vegna gruns um ölvunarakst-
ur í gærmorgun. Allir voru þeir á
miðjum aldri. Lögreglan segir það
sé fremur sjaldgæft að svo margir
séu stöðvaðir vegna gruns um ölv-
unarakstur í miðri viku. Það sé
ennfremur óvenjulegt að ökumenn
séu undir áhrifum svo snemma
morguns en sá fyrsti var stöðvaður
þegar klukkan var um fimmtán
mínútur gengin í tíu. Lögreglan
segir að erfitt sé að meta hvort
áfengið í blóði ökumannanna hafi
verið þar næturlangt eða hvort
þeir hafi sest að drykkju svo árla
morguns. Það sé hins vegar ekki of
oft brýnt fyrir ökumönnum að aka
ekki bifreið hafi þeir minnsta grun
um að enn leynist áfengi í blóði
þeirra.
Lögreglan hefur í framhaldi af
tíðum ölvunarakstri að undanförnu
ákveðið að herða eftirlit með öku-
mönnum með það að markmiði að
fækka þeim sem aka ölvaðir.
--------------
Brenndist
illa á andliti
og höndum
MAÐUR á sjötugsaldri brenndist
illa á andliti og höndum í sumarbú-
stað í Seldal í Norðfirði í fyrrakvöld.
Hann var fluttur á Fjórðungssjúkra-
húsið í Neskaupstað og í kjölfar þess
með sjúkraflugi á gjörgæslu Land-
spítalans. Maðurinn hlaut annars og
þriðja stigs brunasár.
Líðan mannsins var eftir atvikum
góð í gær, að sögn vakthafandi sér-
fræðings. Að öllu óbreyttu lítur út i
fyrir að hann verði fluttur á lýta-
lækningadeild Landspítalans í dag.
Að sögn lögreglu í Neskaupstað
virðist sem maðurinn hafi verið að
skerpa á eldi í kamínu í bústaðnum
með steinolíu. Út frá þessu kviknaði í
bústaðnum. íbúum í nærliggjandi
bústöðum og eiginkonu mannsins
tókst þó að ráða niðurlögum eldsins
áður en slökkvilið kom á staðinn.
Bústaðurinn er talsvert skemmdur.
Farþegar frá Madríd fá bætur frá Flugleiðum
Ferðin verður endurgreidd
FLUGLEIÐIR hafa ákveðið að greiða farþegum
félagsins bætur vegna þeirra óþæginda sem þeir
urðu fyrir þegar flugvél á vegum félagsins tafðist
á flugvelli í Madríd frá mánudegi fram á þriðju-
dag. Farþegarnir komu heim í fyrrakvöld og voru
margir lúnir eftir langa bið og vökur.
Að sögn Einars Sigurðssonar, framkvæmda-
stjóra stefnumótunar- og þróunarsviðs Flugleiða,
fá farþegarnir ferðina endurgreidda kjósi þeir það
en að öðrum kosti fá þeir annan farseðil sér að
kostnaðarlausu. Auk þess mun félagið greiða
kostnað sem farþegar urðu fyrir vegna tafanna.
„Þetta er í rauninni táknrænt og kemur ekki í
staðinn fyrir þær hremmingar sem fólk lenti í en
við vonum að þetta sýni að minnsta kosti að fyrir-
tækinu er annt um farþegana.“
Að sögn Einars takmarkast ábyrgð flugfélaga
við þær kringumstæður sem þau ráða við, þannig
falla atburðir eins og tafir vegna bilana eða verk-
falla utan þeirra ábyrgðar. Hins vegar hafi Flug-
leiðir það sem reglu að greiða tilfallandi kostnað
vegna gistingar, fæðis og annarra þarfa þegar far-
þegar að heiman lendi í töfum.
Einar segir að ákveðið hafi verið að ganga
lengra og endurgreiða fargjaldið vegna óþæginda
sem farþegar urðu fyrir. „Við gerum þetta að
þessu sinni vegna þess að við teljum að eitthvað
hafi farið úrskeiðis í upplýsingaveitu til farþega og
töfin því verið þeim erfiðari en ella,“ segir Einar.
Vélin sem tafðist var leiguvél frá Islandsflugi.
----hh----
*
Islendingur
lagður af stað
VÍKINGASKIPIÐ íslendingur og
fylgdarskip hans lögðu af stað frá
Narssaq á Grænlandi til L’Ans aux
Meadows á Nýfundnalandi klukkan
sex í gærmorgun. Áður en siglingin
hófst kom áhöfnin saman í kirkju
Þjóðhildar og baðst fyrir og íhugaði
áður en lagt var af stað til Nýfundna-
lands með viðkomu í Narssaq. Sigl-
ingin til Nýfundnalands er tæpar
700 sjómílur.
Búist við góðu skori
á St. Andrews/C4
•••••••••••••••••••••••••••••••••••••••••••
KR var ekki í vandræðum
með Birkirkara/C2

álmmttináafípirði
ssSmk
Viðskiptablað
Morgunblaðsins
Sérblad um vidskipti/atvinnnlíf
Fylgstu
með
nýjustu
fréttum
www.mbl.is