Morgunblaðið - 29.07.2000, Side 18

18 LAUGARDAGUR 29. JÚLÍ 2000
URVERINU
ERLENT
MORGUNBLAÐIÐ
Morgunblaðið/Helgi Bjamason
Guðni Ásgrímsson aðstoðar Guðbjörgu Garðarsddttur við að landa vænum þorski rétt utan við þorpið á Vopna-
firði og ekki má á milli sjá hvort er ánægðara.
Býður ferðafólki
á hákarlaveiðar
„ÞAÐ er ekkert annað að gera í
kvótaleysinu, maður verður að gera
eitthvað og mig langaði að bjóða
upp á þessa þjónustu," segir Guðni
Asgrímsson trillukarl á Vopnaíirði.
Hann býður ferðafólki að fara með
sér á hákarlaveiðar og býður einnig
upp á sjóstangaveiði.
Guðni hefur verið smábátasjó-
maður í tuttugu ár og á nú tveggja
ára gamlan ellefu brúttólesta bát,
Ólöfu NS-69. Hann er á netaveið-
um á vetrum og grásleppu á vorin.
Kvótinn klárast snemma og er bát-
urinn því verkefnalítill á sumrin,
eða þar til nýtt kvótaár hefst.
Guðni ákvað að gera tilraun með að
gera út á ferðamenn í júlí og reikn-
ar með að tilraunin standi eitthvað
fram í ágúst.
Skemmtileg upplifun
Hákarlaveiðin er nýstárlegasta
þjónustan hjá Guðna. Hann er með
hákarlalínu í mynni Vopnafjarðar
og vitjar um einu sinni í viku, á
laugardagskvöldum. Ákvað hann að
gefa ferðafólki kost á að fara með í
vitjun í júlí. Hann getur ekki lofað
veiði, fékk þó hákarl í fyrstu ferð-
inni í júlí en því miður höfðu gest-
irnir afboðað þátttöku og naut hann
því ævintýrisins einn. Hákarlaveiði-
ferðirnar hafa verið að spyrjast út
Verkefnalítill
trillusjómaður á
Vopnafirði
og reiknar Guðni með að halda
þeim áfram eitthvað fram í ágúst.
Þótt ekki sé hægt að tryggja að
hákarl veiðist getur Guðni lofað
skemmtilegri upplifun. Lagt er í
hann klukkan níu á laugardags-
kvöldi og tekur ferðin fímm til sex
klukkutíma. Hann segir að oftast
sé rennisléttur sjór á kvöldin og
þótt tilgangurinn sé ekki að skoða
hvali bregðist það varla að fjöldi
háhyrninga og hrefna sjáist í ferð-
inni. Þegar komið er á hákarlaslóð-
ina segir Guðni að spennandi sé að
vita hvort hákarl sé á, fólkið fylgist
með hvort eitthvað grátt sé að
koma upp. Og þótt enginn sé há-
karlinn sé alla vega hægt að bjóða
gestunum upp á verkaðan hákarl
og brennivínssnafs með. Á heim-
leiðinni segist Guðni fara inn með
Suðurlandinu svo fólkið geti skoðað
landið og rennt fyrir fisk. „Mér
fínnst alveg rosalega gaman í þess-
um ferðum og þegar ég er einn
tími ég varla að fara heim, ég tala
nú ekki um ef hákarl er á,“ segir
Guðni.
Meira hefur verið að gera á sjó-
stönginni og segist Guðni vera
búinn að fá inn fyrir stöngunum
sem hann keypti í vor. Meiri kröfur
hafí hann ekki gert. Hann fer rétt
út fyrir höfnina á Vopnafirði og þar
er alls staðar hægt að fá þorsk. Áll-
ir gestirnir hafi verið ánægðir og
sumir lent í svo mikilli veiði að
hann hafi haft áhyggur af heilsu
þeirra.
Það er mikil breyting fyrir trillu-
karl að fara út í þjónustu við ferða-
fólk. Guðni segist hafa gaman af
þessu starfi. Þarna sé hann í góð-
um félagsskap með kátu fólki sem
komið er til að njóta lífsins. Hann
gaf sér júlímánuð til að láta reyna á
hvort þetta gengi og er ákveðinn í
að veita þjónustuna áfram næsta
sumar.
Ferðafólk af Héraði
Guðni telur að byggja ætti ferða-
þjónustuna í Vopnafirði einkum á
því að fá ferðafólk frá Egilsstöðum
og Héraði til að koma í dagsferðir.
Margt fólk sé þar í sumarbústöðum
sem vanti eitthvað skemmtilegt að
gera í sumarfríinu. Það geti til
dæmis komið yfir Hellisheiðina,
notið þar útsýnisins, farið í sund í
Selárdal og í hákarlavitjun að
kvöldi og svo til baka um nóttina.
Morgunblaðið/Helgi Bjarnason
Ólöf NS-69 siglir inn til hafnar í Vopnafirði eftir vel heppnaða sjóferð með ferðafólk.
Mo Mowlam í vanda
„Ráðherra-
kassinn“ á
glámbekk
London. The Daily Telegraph.
MO Mowlam, fyrrverandi Norður-
Irlandsmálaráðherra bresku stjóm-
arinnar, viðurkenndi í fyrrakvöld að
hún hefði skilið ráðherrakassa sinn
eftir á glámbekk í apríl - um það leyti
sem nokkrum minnisblöðum stjóm-
arinnar var lekið í fjölmiðla.
Mowlam kvaðst hafa skilið „rauða
kassann“ svokallaða, sem er fyrir
trúnaðarskjöl stjómarinnar, eftir í
lestarklefa sínum um stund þegar
hún hefði þurft að fara á salemið.
Hún neitaði hins vegar staðhæfingu
farþega í lestinni um að hún hefði
skilið eftir trúnaðarskjöl á sæti sínu.
„Endram og eins þegar ég er á
löngu lestarferðalagi getur salemis-
ferð þýtt að ég og ráðherrakassinn
minn séum ekld alltaf óaðskiljanleg,"
sagði Mowlam í bréfi til JamesGray,
þingmanns íhaldsflokksins. „Ég hef
aldrei skilið rauða kassann eftir op-
inn. Öll trúnaðarskjöl era alltaf læst
tryggilega niður og ég get fullvissað
þig um að engar öryggisreglur vora
brotnar."
Embættismaður sem var í lestinni
með Mowlam staðfesti þetta. „Við
skildum kassann eftir í stutta stund
og bratum engar öryggisreglur.
Kassinn var læstur. Ég fór til að fá
mér kaffi; Mo fór á salernið."
Mowlam sendi Gray bréfið eftir að
einn af kjósendum hans hélt því íram
að hann hefði séð skjöl ráðherrans
„liggja út um allan iestarklefann"
þegar hann hefði komið í lestina. Þeg-
ar hann hefði hitt Mowlam í veitinga-
vagni lestarinnar hefði hún sagt hon-
um að „hunskast í burtu“.
„Ég var með henni þegar hún hitti
þennan mann og Mo sýndi honum
fullkomna kurteisi," sagði hins vegar
embættismaðurinn.
Þótt ekkert bendi til þess að ein-
hver hafi átt við skjölin er þetta mjög
vandræðalegt mál fyrir Mowlam.
Breska stjómin sagði að minnisblaði
frá Tony Blair forsætisráðherra, sem
lekið var í breska fjölmiðla nýlega,
hefði verið dreift til ráðherra í apríl.
í minnisblaðinu kemur fram að
Blair telur að pólitísku rökin fyrir því
að Bretar taki upp evrana séu „yfir-
gnæfandi". Talsmaður forsætisráðu-
neytisins hefur sagt að dagsetningu
minnisblaðsins hafi verið breytt. Það
hafi ekki verið skrifað í desember,
eins og stóð í því eintaki sem lekið var
í fjölmiðla, heldur í apríl. Þá hafi hluta
minnisblaðsins verið sleppt. Birting
minnisblaðsins kom Blair í vanda þar
sem það bendir til þess að hann hafi
þegar gert upp hug sinn í evramálinu
og vilji að Bretar taki upp gjaldmiðil-
inn. Þetta er þriðja minnisblaðið sem
lekið hefur verið í tvö bresk dagblöð,
The Times og Sun, á tíu dögum.
Gíslataka á
Kennedy-velli
íork. AP.
LÖGREGLUYFIRVÖLD í New
York í Bandatíkjunum hófu í gær
rannsókn á því hvernig vopnaður
maður gat gengið um borð í þotu fulla
af farþegum þar sem hún stóð við
landgang á John F. Kennedy flugvelli
og haldið tveimur flugstjóram í gísl-
ingu í sex klukkustundir. Ein af kröf-
um flugræningjans var að honum yrði
flogið til Suðurheimskautslandsins.
Skelftngu lostnir farþegar vélar
National Airlines flugfélagsins þustu
út úr henni er byssumaðurinn hélt
innreið sína en að nokkram klukku-
stundum liðnum gaf hann sig á vald
lögreglu. Lögreglan í New York sagði
í gær að flugræninginn heiti Aaron
Commey og sé 22 ára gamall. Á hann
nú yfir höfði sér fjölmargar ákærur
vegna brota á alríkislögum.
Að sögn farþeganna hafði vélin taf-
ist um klukkustund vegna þoku á
flugvellinum en allt verið tilbúið fyrir
flugtak er Commey birtist inni í vél-
inni með byssu í hendi. „Ég heyrði ys
og þys fyrir aftan mig við dymar og
heyrði mann segja: Lokið dyranum,
lokið dyranum núna,“ sagði Frank
Clark, einn þeirra er náðu að flýja
vettvang. ,Á þeirri stundu gekk hann
afar hratt í gegnum fyrsta farrými að
flugstjómarklefanum. Fólk sem var
statt fyrir framan mig sagði: „Hann
er vopnaður." Þá varð allt vitlaust,"
sagði Clark. Mörgum farþeganna
tókst að komast undan og í gær sögðu
talsmenn lögreglunnar að maðurinn
hefði skipað flugstjóranum að koma
farþegum úr vélinni.
Samningamönnum lögreglunnar
tókst að sannfæra Commey um að
sleppa flugstjóram þotunnar og eftir
tveggja klst. þóf_gaf hann sig sjálfur á
vald lögreglu. Aður en að því kom
krafðist hann þess að verða flogið til
„ríkis í Suður-Ameriku“ og gat þá
sérstaklega Argentínu. Robert
Boyle, framkvæmdastjóri flug-
stöðvarinnar, sagði enn fremur að um
tíma hafi Commey krafist þess að
verða flogið til Suðurheimskauts-
landsins.
Faðir Commeys sagði í gær að son-
ur sinn hefði aldrei viljað þiggja að-
stoð sína nema ef um skólaverkefni
væri að ræða. Þá sagði faðirinn að
eitthvað gæti verið að syninum
andlega.
Fórnarlömb
alræðisins
Minnismerki um pólska liðsfor-
ingja, sem Jósef Stalín lét myrða,
var afhjúpað í Katynskógi í Rúss-
landi f gær að viðstöddum hundr-
uðum ættingja þeirra og rúss-
neskum og pólskum embættis-
mönnum. I Katynskógi voru
grafnir 4.000 pólskir liðsforingjar
af alls 15.000, sem leyniþjónusta
Stalíns myrti í apríl-maí 1940.
Gengust Rússar opinberlega við _
glæpaverkunum fyrir tíu árum. í
fyrradag var reistur kross til
minningar um 500 sovéska stríðs-
fanga, sem nasistar myrtu á þess-
um sama stað. í ræðu, sem Andr-
zej Przewoznik, formaður pólskra
minningarsamtaka, flutti, sagði
hann, að í Katynskógi hvíldu
jarðneskar leifar manna, Rússa
og Pólverja, sem orðið hefðu
fórnarlömb alræðiskerfanna á 20.
öld. Sagði hann, að minning
þeirra myndi aldrei gleymast.