Morgunblaðið - 09.08.2000, Page 23
MORGUNBLAÐIÐ
MIÐVIKUD AGUR 9. ÁGÚST 2000 2 3
VIÐSKIPTI
Tekist á um olíuborpalla
í Norðursjó
Rökke neit-
ar tilboði
Kværner
Morgunblaðið. Ósló.
NORSKI milljónamæringurinn
og meirihlutaeigandi fyrirtækis-
ins Aker Maritime, Kjell Inge
Rökke, hefur hafnað tilboði
norska stórfyrirtækisins Kværn-
er um að kaupa öll hlutabréf í
fyrrnefnda fyrirtækinu fyrir um
4,5 milljarða norska króna, sem
samsvarar rúmum 40 milljörðum
íslenskra króna. Þetta kemur
fram í Aftenposten.
Kværner lagði tilboðið fram á
mánudag og felst það í að hluthöf-
um í Aker Maritime bjóðast 0,79
hlutir í Kværner fyrir hvern hlut í
Aker Maritime eða um 80 norskar
krónur á hlut sem er hærra en
gengi bréfanna í Kauphöllinni í
Osló. Rökke hafnaði tilboðinu
seint á mánudag, en hann er eig-
andi fyrirtækisins Aker RGI sem
á 63% hlutafjár í Aker Maritime. í
Aftenposten kemur fram að aðrir
hluthafar í Aker Maritime telja
tilboðið ágætt en málið snúist um
valdabaráttu á milli stjórnenda
Kværner annars vegar og Rökke
hins vegar.
Stjórnendur teija að
botninum sé náð
Forstjóri Kværner, Kjell E.
Almskog, segir í fréttatilkynningu
að markmiðið með tilboðinu sé að
byggja upp sterkt alþjóðlegt
tæknifyrirtæki innan olíu- og gas-
iðnaðar. Velta sameinaðs fyrir-
tækis Kværner og Aker Maritime
á þessu ári yrði sem samsvarar
um 550 milljörðum króna og fyrir-
tækið yrði eitt stærsta sinnar teg-
undar í heiminum.
Kværner hefur sóst eftir kaup-
um á Aker Maritime í marga
mánuði og tilkynning sem barst
12. júlí sl. um kaup Aker Maritime
á 26,4% hlutafjár í Kværner fyrir
sem samsvarar um 24 milljörðum
íslenskra króna kom því flestum í
opna skjöldu. I Aftenposten kem-
ur fram að erlendir bankar kepp-
ast um að fjármagna kaup Rökke
á bréfunum í Kværner en norskir
bankar virðist aftur á móti tregir
til að lána fé. Afkoma Aker Mar-
itime á fyrri hluta ársins var enda
slök, þ.e. tap upp á rúmar 600
milljónir íslenskra króna. Dóttur-
fyiirtæki var selt á tímabilinu en
án þeirra tekna hefði tap Aker
Maritime orðið hátt í 2 milljarða
íslenskra króna á fyrstu sex mán-
uðum ársins. Stjórnendur fyrir-
tækisins telja að botninum sé náð
og reksturinn sé nú á uppleið.
Aker Maritime varð til árið
1996 eftir samruna Aker Oil &
Gas og Maritime Group. Fyrir-
tækið rekur m.a. olíuborpalla í
Norðursjó.
Auðkýfingurinn Rökke hefur
verið óvenju áberandi í fjölmið-
lum í Noregi undanfarið. Hann
hefur hingað til forðast sviðsljósið
en hefur ávallt fengið mikla at-
hygli, bæði vegna umfangs við-
skipta á hans vegum og óvenju-
legra áhugamála eins og
hraðbátasiglinga og bjarndýra-
veiða. Rökke hefur nú fengið til
liðs við sig almannatengilinn Rolf
Nereng, sem aðstoðað hefur
norskar stórstjörnur í samskipt-
um við fjölmiðla og er mál manna
að viðmót milljónamæringsins
hafi mýkst í kjölfarið.
Hagnaður BP hefur
meira en tvöfaldast
Reuters
Talsmenn BP segja sameininguna við Amoco skila sér í
auknum hagnaði félagsins.
Lundúnum. AFP.
HAGNAÐUR BP á fyrra helmingi
ársins jókst um 175% miðað við
sama tímabil í fyrra eða úr 242
milljörðum íslenskra króna í 665,6
milljarða króna og er greinilegt að
sameining BP við bandaríska olíu-
fjrrirtækið Amoco er farin að skila
sér í bættri afkomu en félögin
gengu í eina sæng árið 1998. Neyt-
endasamtök á Bretlandi hafa
kvartað undan háu bensínverði hjá
allmörgum olíufélögum að undan-
förnu, þar á meðal hjá BP, en tals-
menn félagsins segja að aukinn
hagnaður sé að langmestu leyti til-
kominn vegna sameiningarinnar
við Amoco auk kaupa BP á Bur-
math Castrol. Þannig muni sam-
einingin við Amoco spara félaginu
um tæplega 80 milljarða í rekstr-
arkostnaði á ári. „BP, Amoco, Bur-
mah Castrol og allur annar rekst-
ur BP gerir okkur kleift að fara
fram úr þeim markmiðum sem við
höfðum sett okkur og auka fram-
leiðnina verulega," sagði John
Browne, aðalframkvæmdastjóri
BP. Stjórnendur BP stefna að því
að auka olíuframleiðsluna um 4 til
5% á ári og gasframleiðsluna um 8
til 10%. Sérfræðingar segja hins
vegar að BP eigi eftir að sýna fjár-
festum fram á að félagið geti hald-
ið kostnaði í skefjum og aukið
framleiðsluna við lægra olíuverð
en verið hefur. „Allir reikna með
að olíufélög skili góðum hagnaði
þegar verð fyrir tunnuna er 27 eða
28 dalir. Undanfarin ár hefur BP
verið að reyna að ná niður kostn-
aði en nú stefnir félagið að aukn-
um vexti og það verður spennandi
að fylgjast með því,“ sagði einn
markaðssérfræðinganna. BP er
síðast af olíurisunum þremur til
þess að birta milliuppgjör en
hagnaður Exxon Mobil jókst um
123% fyrstu sex mánuði ársins og
hagnaður Royal Dutch/Shell jókst
um 95%.
Nýttu
plássið
betur
Finnurðu allt
i tymrði i einhverju?
UMBOÐS- OG HEILD VERSL UN
AUBBREKKU 1 200 KÓPAVOGI
SÍMI: 544 5330 FAX: 544 5335
I www.straumur.is I