Morgunblaðið - 27.08.2000, Blaðsíða 14

14 SUNNUDAGUR 27. ÁGÚST 2000
KNATTSPYRNA
MORGUNBLAÐIÐ
Nær dýrasti leikmaður Chelsea að rjúfa tuttugu marka múrinn?
HVERFUM nokkur ár aftur í tímann. Það er æfing hjá portúgalska
félaginu Boavista. Ónefndur blaðamaður sem þekkir liðið eins og
lófann á sér, eða það heldur hann, er í heimsókn. Athygli hans
vekur sprækur blökkumaður sem fer mikinn. „Hver er þetta?“
spyr hann forvitinn. „Þetta,“ svarar þjálfarinn hikandi enda hvílir
mikil leynd yfir dvöl leikmannsins sem er til reynslu hjá félaginu.
„Þetta er Jimmi,“ segir hann loks eins og um margreynda kempu
sé að ræða. „Já, Jimmi. Auðvitað," segir blaðamaðurinn um hæl,
engu nær, en þorir ekki að afhjúpa fávísi sína. Leikmaðurinn hét í
raun, og heitir, Jerrel Floyd Hasselbaink en hefur eftir þetta
aldrei verið kallaður annað en Jimmi, þótt i-ið hafi tvöfaldast eftir
að hann færði sig yfirtil Englands.
OrriPáll
Ormarsson
skrifar
Ekki veit ég hvort þessi saga er
sönn eða login en góð er hún
eigi að síður. Boavista fékk Jimmy,
sem er hollenskur
miðherji, til liðs við
sig og þar sló hann í
gegn. Var dáður og
dýrkaður í Portúgal,
þar sem menn kunna eitt og annað
fyrir sér í sparkfræðunum, svo sem
sást á síðasta Evrópumóti.
Dvöl Jimmys í sólinni syðra varð
þó ekki löng. George nokkur Gra-
ham, sem þá var knattspyrnustjóri
Leeds United, kom auga á kauða og
keypti hann fyrir tvær og hálfa millj-
ón sterlingspunda sumarið 1997.
„Hvaða Jimmy?“ hváðu Engilsaxar,
sem aldrei höfðu heyrt minnst á
manninn, og búningaletrarar á Ell-
and Road supu hveljur, Floyd Hass-
elbaink, hvernig í dauðanum áttu
þeir að koma því nafni fyrir á bakhlið
búningsins. Sjálfur var Jimmy með
lausnina, þótti eðlilegt að letra bara
Jimmy. Pað viidi sá fágaði heims-
maður, Graham, aftur á móti ekki
hafa. Fannst það of „kammó“. Mál-
um var því miðlað: Hassei’bamk.
Jimmy skoraði strax í fyrsta leik
fyrir Leeds, gegn Arsenal, og þótt
hann væri mistækur fyrstu mánuð-
ina var tónninn gefinn. Alls gerði
hann 22 mörk í 33 deildarleikjum
fyrsta veturinn á Englandi sem er
frábær árangur. Þeirri frammistöðu
fylgdi hann eftir með 19 mörkum í 36
deildarleikjum árið eftir og skipaði
sér á bekk með skæðustu marka-
skorurum í úrvalsdeildinni. En þá
var ævintýrið úti. Jimmy, sem orð-
inn var burðarás í ungu liði Leeds,
vildi hærri laun og þótt félagið vildi,
að sögn Peters Ridsdale stjómarfor-
manns, gera hann að launahæsta
leikmanni þess frá upphafi var það
ekki nóg. Jimmy var því seldur til
Atletico Madríd á Spáni fyrir tólf
milljónir punda, þar sem Leeds vildi
ekki að hann færi til annars félags í
úrvalsdeildinni.
Aðdáendur Leeds vönduðu honum
ekki kveðjurnar, kölluðu hann
hrokagikk og aurapúka. Sjálfur
kannast Jimmy aftur á móti ekki við
að hafa farið í fússi. „Leeds vildi ekki
halda mér. Þannig lít ég á málið. En
þetta er liðin tíð og ég hef ekkert upp
á Leeds að klaga. Þvert á móti á ég
félaginu margt að þakka. Það gaf
mér tækifæri til að sanna mig í einni
bestu deild í heimi og ef ekki væri
fyrir George Graham væri ég líklega
enn í Portúgal."
Jimmy ætti eigi að síður ekki að
búa sig undir elskulega endurfundi á
Elland Road undir lok tímabilsins.
Markakóngur á Spáni
Framherjinn hélt uppteknum
hætti hjá Atletico, raðaði inn mörk-
um og lét það ekki trufla sig að liðið
gæti lítið sem ekkert. 25 mörk gerði
hann og tryggði sér gullskóinn á
Spáni, skaut skyttum á borð við
Kluivert, Raúl og Claudio Lopez ref
fyrri rass. Ekki amalegt. Það dugði
þó ekki til, Atletico féll.
Ljóst var að Jimmy myndi ekki
fylgja félögum sínum niður um deild.
Upphófst æsilegt kapphlaup um
krafta hans. Real Madríd og Val-
encia á Spáni, Lazio á Ítalíu og ensku
félögin Chelsea, Tottenham og
Middlesbrough. „Lazio kom aldrei
til greina. Mig langar ekki að leika á
Ítalíu. Enska deildin er skemmti-
legri og stemmningin meiri. Real
Madríd vildi fá mig en bað mig að
bíða uns þeir höfðu selt Nicolas An-
elka. Það vildi ég ekki gera. Totten-
ham spurðist fyrir um mig og það
hefði verið gaman að leika undir
stjórn Georges Grahams á ný. En
þegar Chelsea kom inn í myndina
þurfti ég ekki að hugsa mig um leng-
ur. Chelsea er stærra félag en Tott-
enham og hefur mun betri leikmönn-
um á að skipa.“
Og Jimmy, sem er 28 ára gamall,
er ánægður með að vera kominn aft-
ur til Englands. „Ég hef yndi af
enskri knattspyrnu. Hún hentar mér
vel. Það er mikill metnaður hjá
Chelsea og félagið hefur fullan hug á
að vinna til metorða. Ég skrifaði
undir fimm ára samning og geri mér
grein fyrir því að mikils verður
vænst af mér. Það er eðlilegt. Og eitt
er víst, ég mun leggja mig allan
fram.“
Jimmy er langdýrasti leikmaður
Chelsea, fyrr og síðar, kostaði fimm-
tán mjljjónlr Dunda. Það er raunar
metfé sem enskt félag hefur greitt
fyrir leikmann. Newcastle borgaði
sömu upphæð fyrir Alan Shearer
fyrir fjórum árum. Ljóst er að hann
hefur burði til að styrkja liðið mikið
enda hefur Chelsea vantað stöðugan
markaskorara undanfarin misseri.
Frægar eru ófarir Pierluigis Casir-
aghis og Chris Suttons. Raunar hef-
ur enginn leikmaður félagsins rofið
tuttugu marka múrinn frá því Kerry
Dixon var og hét á m'unda áratugn-
um.
Gianluca Vialli, knattspyrnustjóri
Chelsea, er sannfærður um að Jim-
my, eða Jimbo, eins og hann kallar
leikmanninn, muni ná settu marki.
„Jimbo er markaskorari af Guðs
náð. Leikmaðurinn sem okkur vant-
aði. Hann hefur byrjað af krafti og
það ætti að auka sjálfstraustið. Hann
veit að hann getur skorað tuttugu
mörk fyrir okkur? jafnvel fleiri."
Að skora mörk
Vialli er frægur fyrir hrærikerfi
sitt, það er að breyta liðskipan milli
leikja. Það þekkja menn eins og Tore
Andre Flo og Gianfranco Zola mæta-
vel. Hvernig leggst þetta fyrirkomu-
lag í Jimmy? „Það er mitt hlutverk
Reuters
Jimmy Floyd Hasselbaink fagnar marki sínu í sigurleik Chelsea á Manchester United í viðureign-
inni um góðgerðarskjöldinn á dögunum; fyrsta marki sínu fyrir félagið í opinberum kappleik.
að skora mörk, ógna andstæðingum
Chelsea og stuðla að velgengni. Það
mun því ekki gleðja mig ef ég verð
tekinn út úr liðinu. Það eru hreinar
línur. Af því hef ég þó litlar áhyggj-
ur. Ef ég stend mig í stykkinu held
ég sæti mínu. Við knattspymustjór-
inn höfum ekki rætt þetta sérstak-
lega en þannig skynja ég stöðuna.“
Peter Osgood, gangandi goðsögn
á Stamford Bridge frá gamalli tíð,
tekur í svipaðan streng og Vialli.
„Chelsea hefur vantað leikmann eins
og Jimmy. Manchester United hefur
marga slíka og hverjir hafa verið að
vinna titilinn?" spyr hann. „Honum
Ekki vinsæll heima fyrir
ENDA þótt Jimmy Floyd
Hasselbaink hafi náð
frammúrskarandi árangri
með félagsliðum sinum hefur
honum gengið illa að vinna sér
sæti í hollenska landsliðinu.
Fengið fá tækifæri.
Hann var í leikmannahópi
Guus Hiddinks á heimsmeist-
aramótinu í Frakklandi fyrir
tveimur árum og byrjaði raun-
ar inni á í fyrsta leiknum gegn
Belgum. Þá steig Dennis Berg-
kamp upp úr meiðslum og
Jimmy var komið kirfilega
fyrir á bekknum. Hann var
viðloðandi landsliðið í tíð
Franks Rijkaards en hlaut
ekki náð fyrir augum þjálf-
arans þegar lokahópurinn var
tilkynntur fyrir Evrópumótið í
sumar. Olli sú ákvörðun fram-
heijanum sárum vonbrigðum.
Landi Jimmys, Mart ijn
Reuser, leikmaður Ipswich
Town á Englandi, furðar sig á
þessu. „Jimmy nýtur ekki
sömu vinsælda í Hollandi og á
Englandi og Spáni. Kannski
stafar það af því að hann lék
aldrei í efstu deild í Hollandi.
Fólk kynntist honum ekki
heimafyrir og Iítur ekki á
hann sem dæmigerðan hol-
lenskan leikmann. Sumir segja
að hann þurfi mikið rými til að
njóta sín en ég er þeim ekki
sammála. Jimmy er einfald-
lega frábær framherji.“
Og Reuser er ekki frá því að
nú sé tími Jimmys kominn.
„Nú þegar Dennis Bergkamp
hefur lagt landsliðsskóna á
hilluna losnar sæti í liðinu. Að
mínu viti er Jimmy rétti mað-
urinn til að taka það. Það mun
í það minnsta ekki spilla fyrir
honum að leika með jafn
sterkum leikmönnum og
Chelsea hefur á að skipa.
Hann getur bara bætt sig.“
hefur vaxið ásmegin frá því hann var
hjá Leeds. Aðeins þarf að líta á getu
hans til að draga varnarmenn út úr
stöðum sínum, þar sem þeir eru sem
beljur á svelli. Haldi Jimmy áfram
að skora mun það efla liðið sem
heild. Það var ekki meira en 5-10% á
eftir Manchester United í fyrra,
þrátt fyrir mikinn stigamun í lokin.
Jimmy gæti brúað þetta bil.“
En Jimmy er ekki aðeins skytta,
af honum fer það orð að hann gefi
aldrei þumlung eftir. Það fékk hark-
an holdi klædd, Roy Keane, fyrirliði
Manchester United, að reyna í leikn-
um um Góðgerðarskjöldinn á dögun-
um. Osgood þykir það ekki miður.
„Framherjar verða að láta finna fyr-
ir sér. Góðir varnarmenn virða það.
Það verður líka að láta heljarmenni
eins og Jaap Stam hafa fyrir hlutun-
um. Annars komast menn ekkert
áleiðis. Það veit Jimmy.“
Leikmaðurinn veit þó mætave)
líka að hann má ekki fara yfir strikið.
Spurður um hinn nýja og þrönga
refsiramma enska knattspyrnu-
sambandsins svarar hann: „Hvaða
augum lít ég hann? Hann á eftir að
baka mér vandræði."
Svarinu fylgdi hann úr hlaði með
stóru glotti. Jimmy Floyd Hasselba-
ink er kominn aftur.