Morgunblaðið - 07.10.2000, Qupperneq 27

MORGUNBLAÐIÐ
URVERINU
LAUGARDAGUR 7. OKTÓBER 2000 27
Arnar Sigurmundsson á fundi Samtaka fískvinnslustöðva
Auðlindagjald bætir ekki
stöðu sjávarútvegs
ARNAR Sigurmundsson, formaður
Samtaka fiskvinnslustöðva, sagði á
aðalfundi SH í Skíðaskálanum í
Hveradölum í gær, að afurðaverð í
útlöndum hækkaði ekki kæmi til
nýrrar gjaldtöku. „Eitt er víst að
staða sjávarútvegsins mun ekki
batna við upptöku auðlindagjalds,"
sagði hann.
I máli formannsins kom fram að
umtalsverðar breytingar hefðu orðið
í rekstrarumhverfi sjávarútvegsfyr-
irtækja undanfarna 12 mánuði. Um
6% hækkun afurðaverðs hefði orðið
á frystum botnfiskafurðum og salt-
fiski en hækkun hráefnisverðs og
annarra kostnaðarliða hefði gert
minna úr þessum ávinningi. I rækju-
vinnslu hefðu fyrirtækin mætt mikl-
um aflasamdrætti með auknum inn-
flutningi á iðnaðarrækju, en
rækjuafurðir hefðu lækkað að með-
altali um 5% á síðustu 12 mánuðum.
Á sama tíma hefði verð á innlendu
hráefni hækkað um 2%. Mikið verð-
fall á mjöl- og lýsisafurðum sem
hófst fyrir tæpum tveimur árum
hefði gjörbreytt stöðunni en fyrir-
tækin hefðu mætt þessu með lækkun
hráefnisverðs og dregið úr öðrum
kostnaðarliðum eins og mögulegt
væri. Miklar hækkanir á olíukostn-
aði að undanfömu hefðu hins vegar
komið illa niður. Saltfiskvinnslan í
heild ætti að vera réttum megin við
strikið, afkoma í frystingu væri mjög
misjöfn og þar réði trygg hráefnis-
öflun miklu eins og áður. Aftur á
móti væri töluvert áhyggjuefni að út-
flutningstekjur sjávarafurða hefðu
aðeins aukist um 6% á síðustu fimm
árum. Þetta hefði gerst þrátt fyrir að
afurðaverð á botnfiskafurðum hafi
verið hátt, en verðfall á mjöl- og lýs-
isafurðum ásamt aflasamdrætti í
rækju á síðustu árum hefði sett mik-
ið strik í reikninginn.
Eðlileg viðbrögð
Amar sagði að viðbrögð LÍÚ við
tillögum Auðlindanefndar væru
mjög eðlileg og þar væri engum dyr-
um lokað. „Verði niðurstaðan sú að
tekið verði upp veiðileyfagjald mun
það leiða til hærri útgerðarkostnað-
ar og koma síðan að hluta fram í
hærra hráefnisverði til fiskvinnsl-
unnar. Þetta mun þannig hafa víð-
tæk áhrif á allt starfsumhverfi sjáv-
arútvegsins. Þó skiptir máli hvort
gjaldtakan taki mið af afkomu og
takmarkist við skilgreinda kostnað-
arliði í sjávarútvegi. Það verður víst
aldrei fullkominn friður í þjóðfélag-
inu um fiskveiðistjórnunarkerfið.
Tillögur Auðlindanefndar geta lagt
grunninn að meiri sátt um kvóta-
kerfið í þjóðfélaginu, en það má ekki
verða til þess að raska um of starfs-
umhverfi sjávarútvegsins. Takist
það og verði hægt að byggja á því til
framtíðar er ýmsum óvissuþáttum
sem sjávarútvegur býr nú við rutt úr
vegi.“
Fram kom hjá Arnari að sjávar-
útvegurinn hefði verið mjög sáttur
við EES-samstarfið en þar sem fleiri
ríki stefndu að aðild að ESB myndi
það rýra gildi samstarfsins á næstu
árum. Þess vegna og með hliðsjón af
stöðu landsins í Evrópusamstarfi
væri nauðsynlegt að taka þessi mik-
ilvægu mál til umræðu á vettvangi
sjávarútvegsins.
Skynsamleg nýting fiskistofna
og öflugur sjávarútvegur
Hann sagði ennfremur að þenslan
í þjóðfélaginu með tilheyrandi kostn-
aðarhækkunum hefði neikvæð áhrif
á samkeppnisstöðu útflutnings-
greina og þann stöðugleika sem
treyst hefði afkomu atvinnurekstrar
og verið grundvöllur bættra lífskjara
hér á landi á síðustu árum. „Aukin
samkeppni á fjármálamarkaði og
vaxandi starfsemi áhættufjárfest-
ingarsjóða hafa skapað fyrirtækjum
nýja möguleika til nýsköpunar. Þró-
unarvinna og markaðsstarf hefur í
vaxandi mæli farið út í fyrirtækin
með breytingum á starfsemi sölufyr-
irtækja. Við þurfum að efla rann-
sóknir og menntun í sjávarútvegi.
Samhliða þessu hafa risið upp öflug
hátækni- og framleiðslufyrirtæki
hér á landi sem eru í fararbroddi í
hverskonar búnaði fyrir sjávarút-
veg. Við eigum að leggja áherslu á
það sem við kunnum best. Þess
vegna er útrás íslenskra sjávarút-
vegsfyrirtækja dæmi um styrkleika
og dugnað. Við höfum sýnt fram á
skynsamleg nýting fiskistofna og öfl-
ugur sjávarútvegur getur ef vel er á
málum haldið ráðið mestu um fram-
farir og farsæld hér á landi.“
Morgunblaðið/Porkell
Arnar Sigurmundsson, formaður Samtaka fiskvinnslustöðva.
Úrslilakeppni
í Shell Formula Grand Prix leiknum
■ jlggs m '
'
mmm
Keppt ver&ur til úrslita
í Shell Formula Grand Prix 3
tölvuleiknum
á Select Shellstööinni í Smára
kl. 15 í dag.
Æsispennandi leikur nær hámarki.
Tíu stigahæstu þátttakendur
keppa til úrslita.
Keppnin veráur sýnd á breiðtjaldi
í veitingasal stöávarinnar.
Þátttakendur keppa um þessi
glæsilegu verðlaun:
1. Ferð fyrir tvo, gisting og boðsmiðar
á Formúlu 1 í Silverstone á Englandi
íjúní 2001.
2. Compaq Presario ferðatölva frá BT.
3. -7. Tölvustýri frá BT.
Keppt verður á Compaq tölvur með Ferraristýri frá BT.
COMPAQ