Morgunblaðið - 08.10.2000, Side 25

MORGUNBLAÐIÐ
SUNNUDAGUR 8. OKTÓBER 2000 25
Það kemur fram í máli Bjargeyj-
ar að það fylgir því engin lágdeyða
að vera leikstjóri í Spuna. „Æfing-
arnar eru oftast haldnar í heima-
húsum og áður fyrr var algengt að
konurnar þyrftu að taka börnin með
sér. Stundum voru upp undir tíu
ung börn á æfingum og fjörið eftir
því. Leikklúbburinn hefur einnig
staðið nokkrum sinnum fyrir því, í
samvinnu við Islendingafélagið, að
fá leikhópa frá Islandi til að sýna í
Lúxemborg.“
Eftirsjá að prestinum
„Við höfðum hér ágætan prest á
meðal okkar, Flóka Kristinsson, en
ekki fékkst fjárveiting frá ríkinu til
að hafa hann nema í takmarkaðan
tíma og fór hann til starfa á Islandi.
Okkur er eftirsjá að Flóka en hinn
ágæti prestur í London, Jón A.
Baldvinsson, þjónar okkur. Hann
var okkar prestur áður en Flóki
kom til starfa. Okkur finnst nokkuð
langt að sækja prestinn alla leið til
London en það má geta þess að
flugsamgöngur milli þessara staða
hafa lagast mjög að undanförnu og
bætir það úr skák. Það eru því ekki
lengur fastar messur hér eins og áð-
ur en messað verður hér af og til og
sú næsta verður 17. desember næst-
komandi.
Það má líka geta þess að við höf-
um fengið inni í mótmælendakirkju
hér í borg þegar við þurfum að
halda kirkjulegar athafnir. Fram til
þessa höfum við verið á hálfgerðum
hrakhólum með slíka aðstöðu.
íslenskukennsla hefur farið fram
á vegum félagsins og er kennt einu
sinni í viku á veturna en námið er
styrkt af menntamálaráðuneytinu.
Islenskukennsluna sækja bæði börn
sem eru fædd í landinu og aðflutt og
menntaður kennari annast kennsl-
una. Við teljum nauðsynlegt að
halda málinu við, það tengir okkur
saman.“
Hittast þar sem
henta þykir best
Bjargey segir að lengi vel hafi
staðið til að íslendingafélagið færi í
eigið húsnæði en ekkert hefði orðið
af því ennþá. „Það er dýrt að kaupa
húsnæði hér og reka það og þyrftu
að koma til vegleg framlög ef það
ætti að takast. Nú hittumst við þar
sem henta þykir hverju sinni,“ segir
formaðurinn.
Bæði Bjargey og Agnar segja
mjög gott að búa í Lúxemborg.
„Eg ætlaði aðeins að dveljast hér
í tvö ár en er hér ennþá,“ segir Agn-
ar. „Hér búa börn og barnabörn
okkar hjóna.“ Agnar er kvæntur
Helgu Jónínu Walsh.
„Það er kostur að borgin er í
hjarta Evrópu svo það er stutt að
fara í allar áttir. Það tekur tvo tíma
að aka til Brussel, tvo og hálfan til
Frankfurt og tæpa fjóra tíma til
Parísar svo dæmi séu tekin. Hér er
líka langt og gott sumar og verðlag
er hagstætt, til dæmis er verð á
bensíni hér mun lægra en í ná-
grannalöndunum."
Velmegun mikil í landinu
„í þessu landi er mikil velmegun
og maður sér enga eymd á götum
úti,“ segir Bjargey.
„Fólkið er vingjarnlegt og landið
lítið og viðhorf íbúanna endurspegla
það.
Opinbera málið er franska en
hægt er að komast vel af með ensk-
una.
Meðallaun eru yflrleitt góð og
skattar sanngjarnir og það er hag-
stætt fyrir fjölskyldufólk að búa hér
því laun einnar fyrirvinnu nægja.
Fyrir þá sem eru mikið fyrir að
fara út að borða má geta þess að
hvergi eru fleiri veitingastaðir á fer-
kílómetra en í Lúxemborg og er
fjölbreytnin eftir því. Það stafar
ekki síst af því að rúmlega fjórðung-
ur af heildaríbúafjölda landsins er
útlendingar, en svo hátt hlutfall er
einsdæmi í heiminum."
Bæði Bjargey og Agnar sakna
þess að hafa ekki beint flug til ís-
lands frá Lúxemborg og segja það
hafa áhrif á ferðir Islendinga heim
og heimsóknir Islendinga til Lúx-
emborgar. „Nú tekur það 6-7
klukkutíma að komast milli land-
anna en áður tók það okkur þrjá
tíma. Það breytir því þó ekki að flest
förum við heim einu sinni til tvisvar
á ári því að það er alltaf gott að
koma heim til Islands."
Fundir um
bandarísku
forsetakosning-
arnar
BANDARÍSKI stjómmálafræðipró-
fessorinn dr. Howard I. Reiter mun í
vikunni halda erindi um ýmsar hliðar
forsetakosninga í Bandaríkjunum á
tveimur opnum fundum í Reykjavík.
Næstkomandi þriðjudagskvöld hinn
10. október mun dr. Reiter, sem er
prófessor við háskólann í Conn-
ecticut, flytja erindi sem hann nefnir
„The Clinton Administration in
History" í húsakynnum Reykjavík-
urAkademíunnar, JL-húsinu við
Hringbraut, fjórðu hæð kl. 20.30.
Miðvikudaginn 11. október mun
hann síðan halda annað erindi á veg-
um Félags stjómmálafræðinga og
stjórnmálafræðiskorar Háskóla Is-
lands, sem ber titilinn „The Presi-
dential Election of 2000 and what it
means for US foreign policy". Fund-
urinn fer fram í stofu 101 í Lögbergi
og hefst kl. 17.
Á fyrri fundinum mun dr. Reiter
fjalla um forsetatíð Clintons, m.a.
stefnu stjórnar hans í innanríkismál-
um og á alþjóðavettvangi. Viðfangs-
efni seinni fyrirlestrar dr. Reiters
verður fyrst og fremst kosningabar-
áttan sem nú stendur yfir og hvaða
áhrif kosningarnar framundan muni
hafa á bandaríska utannldsmála-
stefnu.
SP - kort Sparisjóðsins
Þann 18. október 2000 taka í gildi endurskoðaðir skilmálar SP-kortanna. Korthöfum hafa
verið sendar upplýsingar um breytingarnar í pósti og bárust þær með gíróseðli á gjaldaga
þann 4. október.
Athygli korthafa er hér vakin á hinum nýju skilmálum í samræmi við ákvæði 12. gr. upphafs-
skilmálanna og eru þeir hvattir til að kynna sér efni þeirra.
Upplýsingar um nýja viðskiptaskilmála er hægt að nálgast á næsta afgreiðslustað Sparisjóðsins.
'*Sí j r ^
»spk t spv
Frumsýnd sama dag og í Bandaríkjunum
föstudaginn 13. október
O
TtlLV'VE HAD TH-EIF ZOOO YEAKS...MOVV Jt'Á 0WR Tvi?H.
ÍM«r
IHASKOLABIOI