Morgunblaðið - 21.10.2000, Qupperneq 24

24 LAUGARDAGUR 21. OKTÓBER 2000
VIÐSKIPTI
MORGUNBLAÐIÐ
Kaupmannahöfn. Morgnnblaðiö.
Umferðaröngþveiti og deilur um Fiskitorg, nýjustu verslanamiðstöð Kaupmannahafnar
Neyðast til að loka
á sunnudögum
FAA hefur líklega órað fyiir því um-
ferðaröngþveiti og þeim deilum sem
nýjasta verslanamiðstöð Danmerkur,
Fiskitorgið, hefur valdið. Hún er
staðsett við höfnina við svokallaða
Dybbölsbrú, skammt frá Vesturbrú,
og hefur nú þegar valdið nágrönnun-
um mikilli armæðu vegna umferðar-
þungans sem hún hefur í för með sér.
Pá hefur verslanamiðstöðin einnig
vakið heita umræðu um afgreiðslu-
tíma verslana, en breyting á lögum
um hann liggur nú fyrir danska þing-
inu.
Nágrannar Fiskitorgsins eru allt
annað en hrifnir og segjast þurfa að
reikna með allt að hálfri klukkustund
til að komast frá heimilum sínum á bíl
eftir að miðstöðin var opnuð. Við-
skiptavinirnir eru þó á öðru máli,
enda er þetta stærsta verslanamið-
stöð Danmerkur, með 100 verslanir
innanstokks. Þar á meðal er stærsta
kvikmyndahús Danmerkur, Cine-
maX, sem margir telja að muni sigla
smærri kvikmyndahús í kaf.
Umfangsmikil kynning á verslana-
miðstöðinni fór fram áður en hún var
opnuð og kom fram að hún yrði opin á
sunnudögum, sem hefði verið alger
nýjung. Hugðust eigendur hennar
notfæra sér glufu í lögum um af-
greiðslutíma verslana sem segir að
hafa megi verslanir á hafnarbakkan-
um opnar á sunnudögum gagnstætt
því sem gildi um aðrar verslanir. Al-
menna reglan er sú að ekki er leyfi-
legt að hafa búðir með ársveltu yfír
140.000 milljónir ísl. kr. opnar á
sunnudögum. Þessi ákvörðun mælt-
ist illa fyrir hjá stjórnvöldum og þá
ekki síður verkalýðsfélögum sem hót-
uðu að koma í veg fyrir opnun versl-
anamiðstöðvarinnar. Vinnumálaráð-
herrann Pia Gjellerup, kynnti þá nýja
tillögu um afgreiðslutíma sem lokaði
hafnaropnunarglufunni, en bauð þess
í stað að leyfilegt yrði að hafa opið
fjóra sunnudaga á ári. Hafa stjóm-
endur Fiskitorgsins nú fallist á þessa
tillögu, sem verður lögð fyrir nýhafið
þing. Reyndar lá við að illa færi við
opnun verslanamiðstöðvarinnar í síð-
ustu viku, hreinlega vegna troðnings,
en þúsundir manna hugðust nýta sér
opnunartilboð verslananna.
Lögin um afgreiðslutíma verslana
eru mun strangari í Danmörku en t.d.
í nágrannalandinu Svíþjóð, einkum til
þess að vemda kaupmanninn á hom-
inu sem á undir högg að sækja í sam-
keppni við verslanamiðstöðvar sem
spretta nú upp. Em nú uppi áætlanir
um að reisa slíkar miðstöðvar í
Rpdovre, Kolding, Taastmp, Lyngby
og við hina nýju Eyrarsundsbrú.
Safnar ryki.
Við ábyrgjumst hvert einasta smáatriði Dell netþjóns I þrjú ár. Hann vinnur stöðugt allan sólarhringinn og heldur tölvukerfinu þlnu
gangandi á meöan hann situr óhreyfður inni I skáp og lætur lltið fyrir sér fara. Pað er þvl hætt við að þú gleymir að þurrka af honum
vikum og mánuðum saman.
Dell Power Edge
3ja ára ábyrgð
D&U.
EJS vinnur samkvæmt ISO 9001 vottuðu gæðakerfi 4- EJS hf. + 563 3000 + www.ejs.is + Grensásvegi 10 + 108 Reykjavik
■■■■■■■■■■■■■■■■■■■■■■
Streymi í
samstarf
við The
Romann
Group
Margmiðlunarfyrirtækið
Streymi áformar stofnun nýs
fyrirtækis á Bandaríkjamarkaði
í samstarfi við auglýsingasam-
steypuna The Romann Group.
Nýja fyrirtækið Romann
Architecture mun sérhæfa sig í
framleiðslu háhraða breiðban-
dsvefja sem notað verður við
kynningar, auglýsingar og
markaðssetningu á hinum ört
vaxandi breiðbandsmarkaði.
I fréttatilkynningu kemur
fram að æ fleiri tengjast nú
Netinu með háhraðatengingum
og þar með opnast nýir mögu-
leikar fyrir auglýsendur til að
ná og halda athygli hugsanlegra
viðskiptavina. Hið nýja fyrir-
tæki, Romann Architecture,
mun byggja á tækniþekkingu
og þróunarvinnu sem orðið hef-
ur til hjá Streymi og nýta mark-
aðs- og auglýsingaþekkingu og
viðskiptatengsl The Romann
Group.
„Samstarfið við The Romann
Group og stofnun fyrirtækis
með þeim í Bandaríkjunum er
afar mikilvægur áfangi fyrir
áframhaldandi þróunarvinnu
Streymis og rennir styrkari
stoðum undir rekstur fyrirtæk-
isins,“ að því er fram kemur í
fréttatálkynningu.
3p fjárhús
kaupa 35% hlut
í Mecca Spa
FJÁRFESTINGARFÉLAGIÐ 3p
fjárhús hefur keypt 35% hlut í
heilsuræktarfyrirtækinu Mecca
Spa. 3p fjárhús eru í meirihluta-
eigu bræðranna Sigurðar Gísla
Pálmasonar, Jóns Pálmasonar og
Páls Kr. Pálssonar framkvæmda-
stjóra.
Að sögn Páls hafa 3p fjárhús í
allnokkurn tíma haft hug á að fjár-
festa í heilsurækt og afréðu að lok-
um að fjárfesta í Mecca Spa.
Mecea Spa hefur verið starfrækt
síðan í ágúst 1998 og er þar boðið
upp á alhliða heilsurækt. Fyrir-
tækið sérhæfir sig sérstaklega í
líkamsmeðferð sem tengist að
miklu leyti vatni og þarf sérhann-
aðan tækjabúnað til að ná sem
bestum árangri.
Á Mecca Spa er einnig starfrækt
nudd- og snyrtistofa og einkaþjálf-
arar leiðbeina viðskiptavinum um
æfingar og mataræði.
Aðaleigendur Mecca Spa eru
hjónin Undína Sigmundsdóttir og
Jóhann Þór Halldórsson. Páll Kr.
Pálsson mun taka sæti í stjórn
Mecca Spa fyrir hönd 3p fjárhúsa.
■