Morgunblaðið - 21.10.2000, Side 41

MORGUNBLAÐIÐ
VIKU
m
LAUGARDAGUR 21. OKTÓBER 2000 41
Martröð hin meiri
DRAUMSTAFIR Kristjáns Frímanns
ANGURVÆRÐ draumsins er
engu lík þegar ásókn þeirra er
brúa bilið milli lífs og dauða
verður raunveruleg og þyngd
næturinnar kæfir morgundaginn.
Asókn í draumi er löngu þekkt
fyrirbæri og er ekki séríslenskt.
Mörur eða þær verur sem ekki
komast héðan dauðar með góðu
móti (einnig kallaðar draugar),
sækja á menn í lifanda lífi sér til
fulltingis yfir móðuna miklu og
knýja menn til lags við sig.
Þeirra verk er ekki að hrella eins
og leikari í hryllingsmynd heldur
að ná sér í kraft til að komast
„yfir“, frá dauðanum sem var
óeðlilegur, yfir í það Nirvana
sem nefnt er Guðsríki, eða „líf
efth- dauðann“. Þessi tilfinning
getur verið lyginni líkust og
engu líkara en einhver sækist
eftir lífi manns fremur en miða
til framhaldslífsins. Maran er í
minnihlutahóp þess fólks sem
héðan hefur farið með skömm en
ekki komist lengra en að 29
megariðum þar sem skilin miklu
eru og þar situr hún föst í eigin
fordómum og kemst ekki yfir elf-
una sem skilur milli lífs og
dauða. Baráttan er því að finna
leið út úr völundarhúsi eigin
óhamingju yfir ána Styx að
strönd þess ríkis er hýsir alla
rétttrúaða og þar á meðal þig
þegar kallið kemur. En kallið
getur orðið gegnum þrönga pípu-
lögn ef þú ert einn hinna óham-
ingjusömu að velja veginn gegn
birtunni inn í myrkrið með eigin
hendi eða á vegum myrkra afla
eiturlyfja eða annars þess sem
andskotanum er þóknanlegt.
„Magný“ dreymdi
Mér fannst ég vera þátttakandi í
námskeiði sem ætlað var fyrir
eins konar andleg fræði. Þarna
var kennd saga eða bókmenntir -
ljóð að ég held og eitthvað fleira.
Mér fannst ég nú ekki standa
mig neitt sérstaklega vel og varð
þess vegna alveg hissa þegar for-
stöðukonan sagði við mig: „Ég er
nú alveg hissa að þú skulir
standa í því að fara á svona nám-
skeið“ - og lá í orðunum að ég
þyrfti þess alls ekki með. Ég hélt
nú samt áfram og gat alls ekki
fundið að ég stæði mig betur en
áður. í lok námskeiðsins áttum
við svo að taka próf - og ég nátt-
úrlega illa lesin og illa að mér
eins og venjulega. Þá biður mig
einn pilturinn í hópnum að
snerta sig (á ennið - að ég held)
og gerði ég það þótt mér fyndist
það fremur undarlegt. En þá brá
svo við að hann hrökk til, leit á
mig og síðan leit hann undan. Þá
fannst mér sem ég hefði gefið
honum sjónina - en hann hafði þá
verið blindur, þó ég hefði ekki
tekið eftir því.. Mér fannst þetta
ótrúlegt og spurði þá for-
stöðukonuna sem stóð þar hjá,
hvort verið gæti að ég hefði
læknað hann og hvað hún já við
og horfði á mig eins og ég hefði
Mynd/Kristján Kristjánsson
Hvað var þetta sem mig dreymdi?
átt að vita það og brosti daufu
dulúðarbrosi (samt ekki laust við
afbrýðisemi í brosinu). Þessu
næst sagði hún að hún þyrfti eig-
inlega að fækka í hópnum um
einn sem taka átti prófið - og
skildi ég þá að henni þótti
óþægilegt að láta mig taka próf
með hinum. Af einhverjum
ástæðum þurfti ég ekki að taka
prófið. Ég var auðvitað dauðfeg-
in að sleppa en eftir þetta fannst
mér léttara yfir konunni. Ég fór
að virða hana fyrir mér og sá að
hárið á henni var tvílitt. Hún
hafði nokkuð sítt hár og hafði lit-
að það svart en látið það vaxa
nokkuð lengi án þess að klippa
það og var það því rautt ofan til
en svart frá eyrum eða hálsi nið-
ur á herðar.
Ráðning
Ekki er allt sem sýnist með
drauma og ekki heldur í þínu til-
felli. Þetta litla leikrit gæti virst
vera um konu sem er á kafi
í Nýaldarhyggju eins og
andleg mál eru nú nefnd en
svo er ekki þótt andi og
hugsun komi inn í spfiið.
Draumurinn er um þig og
þann innri styrk sem þú
hefur til að bera en virðist
ekki nýta sem skyldi í því
lífi sem þú lifir og störfum
sem þú sinnir. Ef við skoð-
um leikmyndina þá er svið-
ið „námskeið“ (eitthvað
sem þú þarft að bæta), inn-
an þess er unnið með
„sögu/bókmenntir/ljóð“
(andlegt atgervi) og aðal
leikarinn með þér er for-
stöðukonan (þú sjálf). Það
sem fer fram er viss tog-
streita þín við að sinna því
sem þú þarft og átt að gera
(prófið) og þess sem þú
færð áorkað, takir þú þig á
(veittir blindum sýn). Það
sem er svo athyglisverðast
við drauminn og segir þér
kannski hvað mest um innihald
hans er hár forstöðukonunnar og
tvískipting þess sem gæti vísað
á; geðsveiflur, breyttan stíl, kraft
og orkuskort eða tíma.
• Þeir lescndur sem vilja fá drauma sína birta
ográðna sendi þá með fullu nafni, fæðing-
ardegi og ári ásamt heimilisfangi og dul-
nefni til birtingar til:
Draumstafir
Kringlunni 1
103Reykjavfk
eða á heimasíðu Draumalandsins
http://www.dreamland.is.
Laugardagar til lukku í ACO LEO 650
Laugardagstilboð ACO Opið frá kl. 11:00-16:00 139.900 kí.
—► 650mhz Pentium III
—► 128Mb vinnsluminni
—► 20,4Gb harður diskur
—► DVD geisladrif
Soundblaster hljóðkort
Creative hátalarar
-► 32Mb TNT2 skjákort - AGP
17“ skjár
56k mótald
Windows ME
DVD geisladrif
32Mb TNT2 skjákort - AGP
ACO er opið á laugardögum i allan vetur og mun alltaf hafa á boðstóium
eina eða fleiri vörutegundir á sérstöku laugardagstilboði.
Villidýr á vægu verði á meðan birgðir endast.
DVD mynd að eigin vali fylgir í kaupunum
EZ DV klippikort á 24.500 kr. ef keypt er tölva
Nú er að hreppa eða sleppa!
hugsaðu ! skapaðu \ upplifðu
Skaftahlfð 24 • Sími 530 1800 ■ Fax 530 1801 • www.aco.is