Morgunblaðið - 19.12.2000, Page 13

MORGUNBLAÐIÐ
FRETTIR
ÞRIÐJUDAGUR 19. DESEMBER 2000 13
Alþingi samþykkti 14 lög á seinasta starfsdegi fyrir jól
Þingið kemur aftur
saman 23. janúar
ÞINGMENN samþykktu sem lög
alls 14 lagabreytingar á þingfundum
sl. laugardag, sem var síðasti starfs-
dagur þingsins fyrir jólaleyfi. Þing-
fundi var síðan frestað á sjöunda t£m-
anum á laugardagskvöld og kemur
þingið aftur saman 23. janúar eftir
jólaleyfi.
Frestun sölu-
hagnaðar felld úr gildi
Meðal frumvarpa sem sem Alþingi
samþykkti sem lög eru breytingar á
lögum um tekju- og eignarskatt, sem
snúa að reglum um frestun á skatt-
lagningu söluhagnaðar hlutabréfa og
skattalegri meðferð söluhagnaðar-
ins. Skv. lögunum verður sú regla að
einstaklingar hafi heimild til að
fresta skattlagningu söluhagnaðar
um tvenn áramót felld úr gildi. Hins
vegar er gert ráð fyrir því að reglan
um frestun skattlagningar söluhagn-
aðar haldi áfram gildi sínu gagnvart
lögaðilum. Jafnhliða verður sölu-
hagnaður þeirra af hlutabréfum allur
skattlagður um 10% eins og aðrar
fjármagnstekjur í stað gildandi reglu
um að söluhagnaður yfir ákveðnum
fjárhæðarmörkum sé skattlagður
eins og um almennan tekjuskatt sé að
ræða. Einnig voru samþykktar sem
lög breytingar á tollalögum, sem fela
í sér að embætti ríkistollstjóra verði
lagt niður ft-á og með næstu áramót-
um og þeim verkefnum sem það hef-
ur haft með höndum skipt niður á
fjármálaráðuneyti og embætti toll-
stjórans í Reykjavík.
Þingið samþykkt einnig sem lög á
seinasta fundi þingsins frumvarp
sem efnahags- og viðskiptanefnd
flutti um breytingar á lögum um
verðbréfaviðskipti, rafræna eigna-
skráningu verðbréfa o.fl. Lögin veita
verðbréfafyrirtækjum heimild til að
halda utan um eignii- viðskiptamanna
sinna á eigin reikningi (safnreikn-
ingi) og taka við greiðslum fyrir hönd
viðskiptamanna sinna frá einstökum
útgefendum verðbréfa.
Einnig voru Iögfestar breytingar á
lögum um fjáröflun til vegagerðar
þar sem kílómetragjald þungaskatts
lækkar um 10% til að vega á móti
kostnaðaráhrifúm af hækkun sem
orðið hefur á útsöluverði dísilolíu.
Samþykktar voru breytingar á lög-
um um verðbréfaviðskipti sem varða
reglur um starfsskilyrði og viðskipta-
hætti á verðbréfamarkaði m.a. um
útboð verðbréfa, meðferð trúnaðar-
upplýsinga, viðskipti innherja og
markaðsmisnotkun og um aukin
verkefni Fjármálaeftirlits.
Loks má néfna að samþykktar
voru ýmsar breytingar á lögum
vegna ráðstafana í ríkisfjármálum í
tengslum við fjárlög næsta árs, und-
anþága frá gjaldstofni trygginga-
gjalds vegna fæðingarorlofsgreiðslna
og breytingar á lögum um innflutn-
ing dýra, breytingar á skipulags- og
byggingarlögum, breytingar á laga-
ákvæðum um fræðslusjóði sem miða
að því að styrkja átak í fræðslumál-
um ófaglærðra, og samþykkt fram-
lenging á markaðsgjaldi Utflutnings-
ráðs um eitt ár.
Tveir aðalmenn
kjörnir í Kjaradóm
Áður en þingfundi var frestað kaus
Alþingi þá Óttar Yngvason hæsta-
réttarlögmann og Jón Sveinsson hér-
aðsdómslögmann sem aðalmenn í
Kjaradóm til næstu fjögurra ára og
Hólmfríði Árnadóttur viðskiptafræð-
ing og Þuríði Jónsdóttur hæstarétt-
arlögmann varamenn við dóminn.
30 ára afmæli barna-
og unglingageðdeild-
ar Landspítalans
100 manns
í afmælis-
veislunni
BARNA- og unglingageðdeild
Landspítalans við Dalbraut hélt
upp á 30 ára starfsafmæli sitt í
gærdag. Magnús Ólafsson, fram-
kvæmdastjóri hjúkrunar, sagði að
dagurinn hefði verið einkar
ánægjulegur og að um 100 manns
hefðu mætt í afmælið, en boðið
var upp á veitingar, skemmti-
atriði og þá voru haldnar nokkr-
ar ræður.
Magnús flutti stutt ávarp við
upphaf veislunnar, en auk vist-
manna var í afmælinu fólk úr
hcilbrigðisgeiranum og hélt land-
læknir t.a.m ræðu sem og Ólafur
Ó. Guðmundsson, yfirlæknir
deildarinnar. Þá var boðið upp á
tónlistaratriði með stúlknakór
Háteigskirkju og nokkrum hljóð-
færaleikurum.
I Morgunblaðinu á sunnudag-
inn kom fram að börnum og ung-
lingum sem þurfa á hjálp að
halda vegna geðröskunar fjölgar
sífellt og er um 500 nýjum til-
fellum vísað til barna- og ung-
lingageðdeildar Landspítalans á
hverju ári.
Stjórn Atvinnuleysis-
tryggingasjóðs
Frábiður
sér að vera
notuð sem
blóraböggull
STJÓRN Atvinnuleysistrygginga-
sjóðs frábiður sér að vera notuð sem
blóraböggull fyrir að ekki skuli hafa
verið unnt að greiða starfsmönnum
Isfélagsins í Vestmannaeyjum, sem
brann laugardaginn 9. desember,
kauptryggingu í stað atvinnuleysis-
bóta. Þetta kemur fram í bréfi sem
stjómin sendi ísfélaginu eftir að fyr-
irtækið hafði gefið út yfirlýsingu
ásamt verkalýðsfélögunum þar sem
lýst var yfir vonbrigðum með að hið
opinbera skyldi ekki hafa getað kom-
ið til móts við fyrirtækið og gert því
kleift að greiða kauptryggingu í stað
bóta. Kauptrygging er hærri en bæt-
ur og lagaheimild skortir til þess að
Atvinnuleysistryggingasjóður geti
endurgreitt, í þessu tilfelli ísfélag-
inu, kauptrygginguna að fullu.
„Stjóm Atvinnuleysistrygginga-
sjóðs frábiður sér að vera notuð sem
blóraböggull og lýsir jafnframt
undmn sinni á framkominni yfirlýs-
ingu fyrirtækisins, Verkakvenna-
félagsins Snótar og Verkalýðsfélags
Vestmannaeyja,“ segir í bréfi stjóm-
arinnar.“
Undrandi á bréfinu
Jón Kjartansson, fyrrverandi for-
maður Verkalýðsfélags Vestmanna-
eyja, svaraði bréfi stjórnar Atvinnu-
leysistryggingasjóðs.
„Eftir að hafa fengið að lesa þetta
nafnlausa bréf er ég litlu nær um
hvað er að bögglast fyrir brjóstinu á
bréfritara," segir í bréfi Jóns. „Eg á
bágt með að trúa því að þeir sem
sitja í stjóm Atvinnuleysistrygg-
ingasjóðs hafi lagt blessun sína yfir
þessi skrif, ég hefði haldið að hún
væri langt yfir slíkt hafin og hafi að
auki um margt þarfara að hugsa en
að lítilsvirða það fólk sem vinnur
hörðum höndum að því að aðstoða þá
sem um sárt eiga að binda.
Eflaust er skýringin sú að menn
þar á bæ eru að frábiðja sig ábyrgð
af þessum skammarlega lágu bótum.
En hver svo sem ber ábyrgð á þess-
um skrifum ætti að beina hneykslun
sinni annað.“.......
Morgunblaðið/Þorkell
Um 100 manns sóttu 30 ára afmælisveislu barna- og unglingageðdeildar Landspitalans á Dalbraut 12.
Flugslysið
í Skeijafírði
Skýrslu-
uppkast
senn tilbúið
RANNSÓKNARNEFND
flugslysa reiknar með að senda
í lok vikunnar frá sér uppkast
skýrslu vegna slyssins í Skeija-
firði 7. ágúst síðastliðinn. Fórst
þá tveggja hreyfla vél frá
Leiguflugi ísleifs Ottesen.
Fimm farþegar vom um borð
auk flugmanns og komust tveir
farþegar af en fjórir fórust.
Nefndin er að leggja síðustu
hönd á uppkast skýrslunnar og
hefur hún fengið niðurstöður úr
krufningaskýrslum og gögn
eftir rannsóknir á hlutum úr
vélinni sem sendir voru utan.
Bráðabirgðaskýrslan er send
flugrekanda og flugmálastjóra.
Andlát
SIGURÐUR
FINNSSON
SIGURÐUR Finnsson
útgerðarmaður frá
Siglufirði lést á heimili
sínu, Álftamýri 4, laug-
ardaginn 16. desember
sl.
Sigurður Finnsson
fæddist á Akureyri 24.
júlí 1927. Foreldrar
hans voru Sigurey Sig-
urðardóttir, f. á Akur-
eyri 11. nóvember
1899, d. 3. janúar 1959,
og Finnur Níelsson, f. á
Hallandi á Svalbarðs-
strönd 24. febrúar
1899, d. 18. marz 1966.
Sigurður fluttist barnungur með for-
eldrum sínum og systur, Erlu, sem
lifir bróður sinn, til Siglufjarðar. Þar
ólst hann upp og var um árabil mik-
ilvirkur útgerðarmað-
ur.
Sigurður Finnsson
nam loftskeytafræði.
Hann starfaði sem loft-
skeytamaður við Siglu-
fjarðarradíó og síldar-
leitina á Raufarhöfn en
þó einkum á togurum
og farmskipum Eim-
skips. Lengstan hluta
starfsævi sinnar átti
hann og gerði út tog-
skipin Dagnýju og sið-
ar Sigurey, sem voru
gildur þáttur í atvinnu-
lífi Siglfirðinga um ára-
tugaskeið.
Sigurður var ókvæntur. Sonur
hans með Hrafnhildi Þorsteinsdótt-
ur er Arnar Sigurðsson.
Verkfall framhalds-
skólakennara
Undanþág-
ur vegna
einhverfra
nemenda
VERKFALLSSTJÓRN Félags
framhaldsskólakennara hefur af-
greitt þrjár umsóknir um undanþág-
ur frá verkfalli, frá því að kennarar
lögðu niður störf 7. nóvember síðast-
liðinn. í lögum um kjarasamninga
opinberra starfsmanna segir að að-
eins sé heimilt að kalla fólk til starfa
ef upp koma neyðartilfelli. Einni um-
sókninni hefur verið hafnað, en hún
kom frá Fjölbrautaskóla Suðurlands
á Selfossi vegna netstjóra skólans.
Mun tölvukerfið hafa verið í ólagi frá
því í haust, að því er fram kemur í
Verkfallspósti Kennarasambands
íslands.
Samþykktar hafa verið beiðnir um
undanþágur vegna tveggja kennara
við sérdeild Menntaskólans í Kópa-
vogi og tveggja við sérdeild Fjöl-
brautaskólans í Garðabæ en í þess-
um deildum eru einkum einhverfir
nemendur. Fulltrúi Kennarasam-
bands í verkfallsstjóm taldi að ekki
væri um neyðartilfelli að ræða í
skilningi laganna þar sem fyrirséð
hefði verið hvað gerðist með þessa
nemendur í verkfalli. Ef afleiðingar
þess hefðu í för með sér beint heilsu-
tjón, eins og fullyrt var í umsókn-
unum, taldi fulltrúi KÍ að starfsemi
sérdeildanna ætti að vera á lista yfir
þjónustu sem væri undanþegin verk-
falli. I Verkfallspóstinum segir að
viðkomandi stofnanir og fjármála-
ráðuneytið hafi vanrækt skyldur sín-
ar gagnvart nemendum sérdeild-
anna. Fulltrúi KÍ taldi hins vegar
ekki rétt að sú vanræksla bitnaði á
nemendunum og samþykkti undan-
þágumar á þeim gmndvelli og af
mannúðarástæðum.
------*-+-*---
Formenn
þingflokka á Alþingi
Frumvarp
lagt fram
um stofnun
kristni-
hátíðarsjóðs
FORMENN þingflokka á Alþingi
lögðu skömmu fyrir frestun á
fundum Alþingis fram framvarp til
laga um stofnun kristnihátíðar-
sjóðs til að minnast þess að 1.000
ár eru liðin frá því kristinn siður
var lögtekinn á Islandi. Er frum-
varpið lagt fram í samræmi við
ályktun Alþingis á Þingvöllum
hinn 2. júlí sl. um að kristnihátíð-
arsjóður skyldi stofnaður. í frum-
varpinu er gerð tillaga um að sjóð-
urinn heyri stjórnskipulega undir
forsætisráðuneytið og að honum
skuli kosin þriggja manna stjórn.
Ennfremur er gert ráð fyrir að
starfstími sjóðsins verði frá árs-
byrjun 2001 til ársloka 2005.
Eins og fram kom í tillögu Al-
þingis frá því í sumar á hlutverk
sjóðsins að vera tvíþætt. Annars
vegar að efla fræðslu og rann-
sóknir á menningar- og trúararfi
þjóðarinnar og stuðla að umræðu
um um lífsgildi hennar, siðferði og
framtíðarsýn. Og hins vegar að
kosta fornleifarannsóknir á helstu
sögustöðum þjóðarinnar, m.a. á
Þingvöllum, í Skálholti og á Hól-
um. Ríkissjóður leggur sjóðnum til
100 millj. kr. ár hvert samkvæmt
sérstökum fjárlagalið og mun
stjórn sjóðsins ákveða skiptingu
fjárins milli þeirra tveggja meg-
insviða sem honum er ætlað að
sinna.