Morgunblaðið - 22.12.2000, Blaðsíða 16

16 FÖSTUDAGUR 22. DESEMBER 2000
MORGUNBLAÐIÐ
AKUREYRI
Skinnaiðnaður hf. fær 100 milljóna lán
Ástæða til bjartsýni
þrátt fyrir tíma-
bundna erfiðleika
BÆJARRÁÐ Akureyrar samþykkti
á fundi sínum í gær að veita Skinna-
iðnaði hf. lán að upphæð 25 milljónir
króna úr Framkvæmdasjóði gegn
tryggu veði í fasteignum félagsins.
Þessu til viðbótar hafa Lífeyrissjóð-
ur Norðurlands og Samvinnulífeyr-
issjóðurinn veitt Skinnaiðnaði 12,5
milljóna króna lán hvor sjóður og þá
hefur Landsbanki íslands veitt
félaginu 50 milljóna króna rekstrar-
lán.
Bjarni Jónasson framkvæmda-
stjóri Skinnaiðnaðar sagði að á
haustin væri mun meiri fjárþörf hjá
fyrirtækinu, m.a. í tengslum við
gærukaup og þyrfti að brúa það bil,
þar sem tekjurnar kæmu inn í fyr-
irtækið um miðbik árs. Þarna væru
stærstu eigendur félagsins að koma
inn með fjármagn með þessum hætti.
„Menn væru þó ekki að lána okkur
þessa peninga ef þeir héldu að þeir
fengju þá ekki aftur til baka. En eins
og komið hefur fram er staðan erfið
og þrengra um rekstrarfé en oft áð-
ur. Það er þó ekki ástæða til annars
en bjartsýni og við erum nú að sjá
stöðu varðandi pantanir sem við höf-
um ekki séð sambærilegar síðustu
þijú ár.
Unnið úr ríflega
400 þúsund gærum
Einnig erum við að sjá hagstæða
þróun á okkar helstu sölumyntum og
evran hefur verið að bæta sig gagn-
vart dollar,“ sagði Bjarni en helstu
markaðir íyrirtækisins eru í Evrópu.
Skinnaiðnaður flutti í Folduhúsið
á Gleráreyrum fyrr á árinu, eftir að
félagið seldi verksmiðjuhús sitt und-
ir verslunarmiðstöðina Glerártorg.
Bjarni sagði að flutningurinn hafi
gengið vel og að á þeim tíma sem
hann stóð yfir hafi verið farið í að
keyra upp vinnsluna aftur. Fyrir-
tækið keypti ríflega 400 þúsund gær-
ur í haust og þá eingöngu innanlands
og sagði Bjarni að það magn ætti að
duga, miðað við söluspár og vænt-
ingar. Hjá fyrirtækinu eru um 150
ársverk.
Aðalfundi Skinnaiðnaðar sem vera
átti í vikunni var frestað fram í miðj-
an janúar. Reikningsár félagsins
miðast við september en ekki ára-
mót. Bjarni sagði ekki standa til að
breyta því, „við höfum haldið okkur
við gæruárið".
Morgunblaðið/Bjöm Gíslason
Jólasveinarnir eru að tínast einn af öðrum til byggða og í gær kom
Hurðaskellir til Akureyrar með flugvél að vestan. Er hann skellti á eftir
sér flugvélarhurðinni urðu yngstu flugvallargestirnir dálítið hvumsa en
tóku hann þó f sátt áður en hann hélt ferð sinni áfram.
Hurðaskellir
kominn í bæinn
JÓLASVEINARNIR eru nú að
koma til bæjar einn af öðrum og í
gær var það hann Hurðaskellir
sem kom til Akureyrar með flugi
að vestan. Eitthvað urðu yngstu
flugstöðvargestirnir hvumsi þeg-
ar karlinn skellti á eftir sér flug-
vélarhurðinni en tóku hann þó í
sátt áður en hann hélt ferð sinni
áfram.
Morgunblaðið/Bjöm Gíslason
Ösin gctur orðið mikil í verslunum rétt fyrir jólin og þá getur verið gott
að fá sér sæti og kæla sig niður.
Jólainnkaupin í
auknum mæli
gerð á Akureyri
JÓLAVERSLUN hefúr farið vel af
stað á Akureyri og eru kaupmenn
sammála um að meira sé um utanbæj-
arfólk en áður. Verslun hefur dreifst
talsvert með tilkomu nýrrar verslun-
aiTniðstöðvar á Glerártorgi en kaup-
menn eru misánægðir með jólaversl-
unina þar sem af er.
Karl Jónsson rekur leikfangaversl-
irnina Dótakassinn á þremur stöðum í
bænum, í verslunarmiðstöðinni
Sunnuhlíð, á Glerártorgi og í miðbæn-
um. „Mér fínnst verslunin vera svipuð
og áður en maður verður þó var við að
það er góð tíð. Einnig er meira af ut-
anbæjarfólki sem kemur í bæinn.“
Glerártorgið mikið að segja
Verslunin hjá Dótakassanum hefur
verið mest í miðbænum og segir Karl
að það sé eðlilegt þar sem þar sé
stærsta búðin.
„Ég tel að þrátt fyrir að verslun
færist að einhverju leyti frá miðbæn-
um yfir á Glerártorg þá njóti miðbær-
inn einnig góðs af torginu þar sem það
dregur talsvert af utanbæjarfólki til
Akureyrar sem verslar þá einnig í
miðbænum."
Hjónin Ulfar Gunnarsson og Vil-
borg Jóhannsdóttir reka tískuvöru-
verslunina Centro, bæði í miðbæum
og Glerártorgi. Úlfar segir að versl-
unin' hafi farið mjög snemma af stað á
Glerártorgi. „Það var mun meiri sala í
nóvembermánuði heldur en hefur
verið áður og því hefur verslunin farið
talsvert fyrr af stað. Það hefur heldur
dregist saman verslunin hjá okkur í
miðbænum með tilkomu nýju versl-
unarinnar á Glerártorgi en í heildina
er þó verslun meiri. Það virðist að
sökum þessarar nýju verslunarmið-
stöðvar og einmuna veðurbh'ðu hafi
fólk flykkst í bæinn til að gera jólainn-
kaupin. Því er heildarverslunin á Ak-
ureyri meiri en fyrri ár en ég tel að
kaupmátturinn sé svipaður og í
fyrra.“
Úlfar segir að þrátt fyrir að Gler-
ártorg laði fleira fólk til Akureyrar þá
séu færri heimsóknir í miðbæinn og
því þurfi miðbæjarsamtökin að gera
miðbæinn meira aðlaðandi fyrir fólk
og sé vinna þegar hafin við það.
Verslunin dreifðari
Birgir Reynisson, verslunarstjóri
Rúmfatalagersins á Glerártorgi, seg-
fr að verslunin hafi farið vel af stað.
„Það er ekki hægt að segja annað en
jólaverslunin hafi farið vel af stað hjá
okkur. Það er aukning frá fyrra ári
enda erum við nú betur staðsettir.
Það virðist sem verslunin nú sé jafn-
ari yfir desember og er það vel að
dreifa álagspunktunum. Margt fólk
hefur komið hingað á Glerártorg og
mér hefur heyrst á kaupmönnum hér
að þeir séu mjög sáttir."
„Það verður því miður að segjast
eins og er að verslunin hjá okkur hef-
ur farið heldur rólega af stað,“ segir
Einar Kristjánsson í Radiovinnustof-
unni í verslunarmiðstöðinni Kaup-
angi. „Nú eru enn annasömustu dag-
amir eftfr þannig að maður gerir sér
ekki alveg grein fyrir heildarmynd-
inni en mér sýnist að verslunin verði
síst meiri enn í fyrra.“
Tannlæknastofa Egils Jónssonar á hjólum tilbúin
Foreldrar
aðrir tann-
læknar
EGILL Jönsson tannlæknir á Ak-
ureyri kynnti í gær tann-
læknastofu sína á hjólum en hann
hefur látið innrétta 20 ára gaml-
an rútubíl sem keyptur var frá
Þýskalandi. í bflnum, sem er tæp-
lega 12 metra langur, er aðstaða
fyrir tvo tannlækna og hyggst
Egill nota bflinn við grunnskóla
bæjarins en einnig kemur til
greina að nota bflinn utan Ak-
ureyrar. Heildarkostnaður við
þetta verkefni er 7-8 milljónir
króna.
Skólanefnd Akureyrar sam-
þykkti í siðasta mánuði erindi frá
Agli, þar sem hann óskaði eftir
þvi að fá að koma upp tann-
læknastofu á hjólum við grunn-
skóla bæjarins. Ekki eru þó aliir
sáttir við þessa hugmynd hans og
fjölmargir tannlæknar á Ak-
ureyri hafa kvartað yfír þessari
ætlan hans og telja m.a. að með
slíkri starfsemi sé verið að stíga
skref afturábak. Egill hefur ekki
enn fengið starfsleyfí fyrir bflinn
en hann sagði að sú ákvörðun
væri í höndum Sivjar Friðleifs-
dóttur umhverfisráðherra. Það er
þó ljóst að bfllinn verður ekki
kominn í notkun fyrir áramót.
Egill sagði að þeir foreldrar
sem hann hefði rætt við væru
mjög ánægðir með þetta framtak
en aftur hefðu margir kolllegar
sínir kvartað yfir því. „Þeir hafa
þó aldrei rætt við mig en sjálfur
hef ég margreynt að ræða þetta
við þá, bæði á fundum og við ein-
staka tannlækna en þeir fussa
bara og sveia yfir þessu. Það er
eðlilegt að tannlæknar tali um
afturför þegar þeir ekki líta fram
á veginn en ég hefði getað frætt
þá um ýmislegt ef þeir hefðu vilj-
að ræða málin.“
Egill segir að tannlæknar hafi
kvartað yfir vinnuaðstöðu í bfln-
um við Vinnueftirlitið og heil-
brigðiseftirlitið og að þessir að-
ilar hafi komið og skoðað
Morgunblaðið/Kristján
Egill Jónsson tannlæknir skoðar upp í Herdísi Maríu Sigurðardóttur í
tannlæknabfl sínum. Honum til aðstoðar er Anna Soffía Bragadóttir og
fyrir aftan þau situr Bryndís Yr Viggósdóttir.
aðstöðuna. „Heilbrigðiseftirlitið
fór fram á að það fengist úr-
skurður um að lofthæðin væri
boðleg. Ég hafði haft samband
við heilbrigðsfulltrúa á Suður-
landi þegar ég hóf þetta starf og
hann sagði mér að Iofthæðin væri
engin hindrun. En eftir að tann-
Iæknar bæjarins kvörtuðu við
heilbrigðiseftirlitið hér, þori ég
að fullyrða að þeir aðilar þorðu
ekki að taka þá ákvörðun sem
þeir þurftu að gera og vísuðu
málinu til ráðherra, ekki heil-
brigðisráðherra heldur umhverf-
isráðherra. Því þarf ég að sækja
um starfsleyfi fyrir bflinn til um-
hverfisráðherra og nú er bara að
vona að Siv (Friðleifsdóttir) sé
framsýnni en þessir 15 kollegar
minir í bænum og ég efast ekkert
um það.
Egill er mjög ánægður með
hvernig til hefur tekist með bfl-
inn og hann segir að þessi lausn
komi sér vel fyrir sjúklinga sína
(börnin), foreldra þeirra og
starfsfólk sitt. Foreldrar þurfi
ekki lengur að taka sér frí frá
vinnu til að fara með börn sín til
tannlæknis.
--------------
Móttaka
söfnunarkassa
HJÁLPARSTARF kirkjunnar mun
taka á móti söfnunarkössum og selja
friðarljós í göngugötunni á Akureyri
á Þorláksmessu og við kirkjugarðinn
á Akureyri á aðfangadag.
89 Akureyr-
ingar unnu
til Islands-
meistaratitils
ÁRANGUR akureyrskra
íþróttamanna var nokkuð góð-
ur á árinu sem nú er að h'ða.
Samkvæmt upplýsingum sem
borist hafa til Iþrótta- og tóm-
stundadeildar bæjarins hafa 89
Akureyringar unnið til íslands-
meistaratitils á árinu, auk þess
sem margir Akureyringar voru
valdir til að leika með landslið-
um í hinum ýmsu greinum.
Hin árlega úthlutun úr Af-
reks- og styrktarsjóði Akur-
eyrar fer fram í hófi sem haldið
verður í íþróttahöllinni
fimmtudaginn 28. desember
nk. kl. 16. Auk úthlutunar úr
sjóðnum verður nokkrum ein-
staklingum veitt sérstök viður-
kenning og einnig verður öllum
þeim Akureyringum sem unnið
hafa til Islandsmeistaratitils á
árinu 2000 afhentur minnispen-
ingur íþrótta- og tómstunda-
ráðs. Þá verður og tilkynnt val
ÍBA á íþróttamanni ársins. Það
er von ITA að þessir glæsilegu
afreksmenn, foreldrar og for-
ráðamenn þeirra og þjálfarar
sjái sér fært að koma til athafn-
arinnar á milli jóla og nýárs.
Þar verða bornar fram veiting-
ar í boði Akureyrarbæjar.