Árbók Hins íslenzka fornleifafélags - 01.01.1909, Qupperneq 24

26
Þar eð gripir þessir báru öll einkenni þess, að þeir væru mjög
fornir, bað eg Erlend um að vitja rústa þessara aftur í sumar og
tína með sér fleiri smágripi, er vænta mætti að þar kynnu að finn-
ast. Hann varð við bón minni og leitaði nokkuð ofanjarðar í rúst-
unum um miðjan september síðastl. áður hann fór í skólann. En er
hann kom suður afhenti hann Forngripasafninu það er hann hafði
með sér úr rústunum, og voru þar á rneðal þeir gripir helztir, er
nú skal skýrt nokkru nánar frá: Járnmél með hringum, hafa verið
slegin ferstrend og hringarnir flatir; lengd milli hringa 13 sm., en
þeir eru 7 sm. að þverm. að utan. Hnífblöð 3 lítil með tanga aftur
úr hvert. Lítill öngull (silungsöngull), 1. 4,9 sm. Járnró ferhyrnd.
Járnnaglar 5, virðast vera hófnaglar, 2 þeirra að minsta kosti. Járn-
kengir 2 og um 30 litlir járnbútar enn, torkennilegir af hverju sé.
Brýnisbrot 6 (úr 4 brýnum?), steinsnúðar 3 litlir og beinsnúðar 2
(eða hnútukúlur), gat á hverjum. Greiðubrot 5 lítil, úr beini, og
lítil beinnál með auga á öðrum enda. Og um 300 (304) gr. (20 lóð
eða 60 kvint) af fornu gangsilfri. Silfur þetta er í smábútum, sam-
tals 36, en var alt í lítilli hrúgu í sandinum og mun því hafa verið
í pung eða pússi, sem fúnað hefir utan af. Lögun gripa þessara má
sjá af meðf. mynd, eru sumir þeirra bersýnilega bútar af skraut-
gripum, en flestir eru sívalir eða ferstrendir bútar, meitlaðir, brotnir
eða kliptir að öðrum lengri bútum. Hér á meðal eru 6 hringar eða
baugar; er einn þeirra minstur og hefir verið settur á einn hinna.
Þeir tveir hafa ef til vill verið notaðir sem eyrnahringar, en ekki
ekki geta þeir þó kallast neinir skrautgripir. Einn hringanna er
slönguhringur grannur; brotinn hefir verið bútur úr einum þeirra.
Þessir 4 bera þess glögg merki, að þeir hafi verið bornir á fingri og
slitnað, einkum slönguhringurinn og sá sem honum er næstur.
Baugar þessir eru aðeins 1,7 sm. að þverm. að innan, og hafa því
ekki orðið bornir af karlmönnum nema á litla fingri. Bútarnir í
neðstu röð á myndinni eru með verki og virðast að vísu vera úr
skrautgripum. Ur hverju minsti búturinn sé er óvíst, en sá sem
honum er næstur mun vera úr tvíþættum armhring; ber hann glögg
merki slits1). Næstu bútarnir báðir virðast án efa vera úr menjum
(hálshringum). Er annar flatur og með auga á enda og hefir í það
verið krækt krók, sem verið hefir á hinum enda þessa mens, —
svipaður krókur að líkindum þeim sem einmitt er á hinum men-
bútnum2). Men það er þessi bútur með auganu er af, hefir verið
‘) Sbr. D. Kygb, Norske Oldsager, nr. 716.
s) Sbr. D. Rygh, Norske Oldsager, nr. 703.