Árbók Hins íslenzka fornleifafélags - 01.01.1909, Qupperneq 25

27
fjórþætt og all grófþætt. Hinn búturinn, sem er með króknum, er
af tólfþættu meni og hefir það verið snúið saman úr 4 snúrum, en
hver snúran þríþætt. — Endarnir síðan bræddir og slegnir sam-
an. Mestur skrautgripurinn hefir þó sá verið, sem fremstij bútur-
inn á myndinni er úr. Er þetta þunn plata með 2 bólum á og eins
og eyra eða hanka á einni hlið; beygist sá hanki í krók og hefir
verið höggvið af endanum. Virðist enginn vafi á því, að beygja
þessi hafi verið gerð á eftir að búið var að höggva af og gerð til
þess að búturinn færi betur í pung. Þó hefir álma þessi ekki verið
bein, heldur beygst áfram fyrir neðan plötuna (eins og hún stendur á
myndinni). — Inn úr bólunum ganga naglar í gegnum plötuna og
eru hnoð á að innan. Randirnar beggja vegna við efri bóluna eru
óskertar og sömul. röndin vinstra megin við neðri bóluna nokkurn
veginn, en hinar randirnar (3) bera þess merki, að þar hafi verið
höggvið af. Verkið á þessari hlið plötunnar sést á myndinni, strikin
í bekkjunum eru gerð með skörpum oddi (grafin) og sömul. er
gröftur á eyranu. Hins vegar á plötunni er einkar haglegur gröftur
gerður af verulegri list, — en þar eð svo mikið vantar, verður ekki
með vis8u ráðið hvað hér hafi verið, að líkindum dýramyndir þó,
en auðvitað hugmyndir einar (fantastiskar)1). — Verkið virðist vera
í fornírskum stíl og að líkindum hefir þetta verið fornírskur skraut-
gripur frá 9. öld, en fallið í víkingahendur og sætt verri meðferð
en skyldi.
Eg hefi gjört tilraun til að endurmynda (rekonstruere) þennan
grip (sjá myndina). Með því að gera annan hluta eins og þennan,
— og hinn hálfhringmyndaði bekkur á plötunni sýnir, að miðjan
hefir verið við brúnina hægra megin, — og með því að fylla svo
út í skarðið að neðan og barminn að utanverðu, eins og stefna strik-
anna í bekkjunum fram með heilu röndunum bendir til, kemur fram
mynd, er lítur allvel og eðlilega út. Álmurnar að ofan virðist sjálf-
sagt að sameina svo að úr verði hringur. Bólur er líklegt að hafi
verið á hornunum yzt beggja vegna, en á miðju virðist ekki hafa
verið bóla eins og hinar. Þó er þar gat og að líkindum hefir eitt-
hvað verið fest þar í og á, ef til vill steinn (eða gler) með umgjörð
utan um. Eftir þessari enduimynd að dæma hefir þessi skrautgrip-
ur verið hringja eða næla (broche). Má benda á svipaða nælu að
laginu til, sem hefir fundist í Þrándheimi, sbr. 0. Rygh, Norske Old-
sager, nr. 697; ennfremur eru myndir af tveim nokkuð áþekkum
l) Sbr. t. d. myndirnar 17. og 18. á bls. 295 i Proceedings of the Society of
Antiquaries, Edinburgb, Vol. III. (1881).