Árbók Hins íslenzka fornleifafélags - 01.01.1927, Qupperneq 63

65
11. Nafnið „Varðabrunnur“ er talið allgamalt.
12. Kyndluteigur er túnið nefnt norður af Kyndluhól. —
13. Kyndluhóll er allstór, sléttur hóll í túninu vestur af staðnum,
suður við vestri heimreið. Við gröft í hól þennan hefir komið
í ljós, að hann er eintóm aska og brunnin bein. Mun hann
stafa frá tímum Skálholtsbiskupa. Nafnið er ef til vill afbakað
fyrir Kyndlahóll.
14. Þorláksbrunnur er enn eitt örnefni, kennt við Þorlák biskup
hinn helga. Brunnur þessi er sunnan undir Kyndluhóli, norðan
við hina vestri heimreið til staðarins. Var hann í ógáti fylltur
grjóti árið 1902 og ber síðan minna á honum en áður.])
15. Kringla nefnist hóll einn í túninu suður af staðnum.
16. Draugadý ber sennilega að setja í samband við nöfnin Drauga-
hver og Draugaslóð, sem bæði eru í Laugarásslandi. Hafa þau
varðveitzt i sambandi við þá sögn, að kölski hafi ætlað að
bera Draugahver alla leið til Skálholts, en orðið að snúa aftur,
vegna þess að kirkjuklukkunum á staðnum var hringt til að
skjóta honum skelk í bringu. Var það þó þarflaust, enda hafa
Skálhyltingar síðan lítt lofað það verk.
Að lyktum skal þess getið, að þeim, er þetta ritar, hefir eigi
tekizt að afla sér öruggrar vitneskju um það, hvar örnefnið Jólavallar-
garð sé að finna í landareign Skálholts. Örnefni þetta kemur fyrir í
heimildum1 2), og má af þeim ráða, að þess sé að leita mjög nærri
kirkjugarði. Nú vill svo til, að skammt fyrir sunnan Kringlu sézt enn
glöggt móta fyrir fornum garði. Gæti vel hugsazt, að þar væri kom-
inn Jólavallargarður hinn forni; en ekkert skal hér fullyrt um það mál.
Sigurður Skúlason
mag. art.
1) Sbr. Árbók hins ísl. Fornleifafélags 1904, bls. 22.
2) Sbr. Bps. Jóns Halldórssonar I. (Sögurit II.), bls. 265.
5