Árbók Hins íslenzka fornleifafélags - 01.01.1932, Qupperneq 35

35
breið og vöðin allt um kring. Þar hefði Ingjaldur aldrei að riðið, enda
mundi Flosi ekki hafa seinkað ferð sinni yfir vöðin á ánni, sem voru
þar svo nærri til beggja handa, og enginn farartálmi í milli, annar en
áin. Þar hafa víst aldrei verið rofbakkar (37) að henni, heldur allt
fram um Tungufoss, beggja vegna, lág hraunbrún, gróin.
Leið Flosa frá Vorsabæ til Þingvalla 1011. — Flest, ef ekki
allt, mælir á móti því, að Holtsvað hafi verið þar sem er Þorgeirs-
vað (37). Þar er ekkert holt og eflaust aldrei neinn áfangastaður.
Með ólikindum er og, að Flosi hafi riðið frá Vorsabæ norður fyrir
mitt Vatnsdalsfjall á Ieið til Þingvalla, og þá á bak við Árgilstaði,
um Skútuvað (39), og þess vegna á engan hátt getað komið vestar
að ánni en að Þorgeirsvaði (sbr. 6, 11, 37, 39.)
Ég hef talið veg Fiosa vera þjóðveginn upp fyrir vestan Völl,
fyrir norðan þann bæ yfir Fiská, í Krappasporðinn, og austur Krappa.
Þaðan, en ekki annars staðar að, mátti hann vel sjá bæði heim að
Keldum og yfir völlinn til baka, vitandi það, að Kári var enn á lifi.
Varlega hefir Flosi farið eftir ódáðaverkið, og því að .eins ætlað sér
heim að Keldum, að tækifæri byðist. Af þessum vegi var styttst og
greiðfærast heim þangað af leið hans. — Krappann, milli Fiskár og
Rangár, tel ég allt frá landnámstíð vel færan á ýmsum stöðum, þó
að skógur væri þar, sem ég ekki efa, að verið hafi. Hinar fornu göt-
ur um hann, upp að Haldfossavaði, sýna ljóslega, að fært var að
Rangá vestar en að Þorgeirsvaði (37). — Eftir að þrengt var að vegi
fyrir ofan Árgilsstaði, líklega nokkru fyrir aldamót, hafa Reynifells-
bændur ætíð farið með heylestir sínar úr Dufþekjumýri fyrir norðan
Völl og upp allan Krappa, svo sem nú var sagt, og lagað veginn
ofurlítið á einum stað, í brekku, sem baggar vildu rekast í á langri
lest. Það er fyrir ofan Haldfossavaðið.
Holt — Bergþórshvoll. — Bærinn Þórunúpur *) stendur undir felli
einu eða holti framan-í Vatnsfelli. Að eins undir suðvesturenda þess,
þar sem bærinn stendur, sýnist vera núpur, sem mun þó ekki eins
hár og holtið. Sögulega séð virðist því réttara, að bærinn hefði verið
kenndur við það, hitt líkara seinni alda tilbúningi, að kenna bæinn
við núpinn.
Þó að Höskuldur Njálsson hafi búið þar, álít ég, að hann, á leið
þaðan, hafi riðið austan að bænum Bergþórshvoli, og veginn vera,
eins og enn er, austan Alíalls (hafi það þá verið til). Þar er slétt og
þurlent fram, en þýfð mýri vestan fram. Álít ég, að Höskuldur hafi
ekki síður þess vegna átt leið um Sámstaði. Mun sú leið ekki liggja
1) Þóreyjarnúpur í Árb. 1928, 2, er ritvilla.
3*