Árbók Hins íslenzka fornleifafélags - 01.01.1932, Qupperneq 56

56
ur Kristmundsson kennari, var við, að spjótsoddur og axarblað voru
í sandinum, nálægt hestsbeinunum, og er hann hróflaði við sand-
inum, komu þar mannsbein í ljós, en hjá hestsbeinunum skammt frá
fann hann járnmél. Hann skýrði mér frá fundinum 9. Júní, og fór ég
austur hinn 11. s. m. til að rannsaka þetta.
Hér var sýnilega um dysjar frá heiðni að ræða, eins manns og
tveggja hesta. Hestdysjarnar voru örfoka að kalla, og nær öll beinin
ofanjarðar, blásin og skinin, og öll molnuð, enda farin að fjúka.
Annar hesturinn, sem mélin og ein hringja hafði fundizt hjá, hafði
legið norðan-við fætur mannsins, tæpan einn metra frá, og höfuð
snúið til suð-vesturs, eftir því að dæma, hvar mélin höfðu fundizt,
en hinn hesturinn hafði legið tvo til þrjá metra fyrir suð-austan
manninn, snúið höfði til suðurs og fótum til austurs, frá manninunu
Leifar af járnnöglum úr söðlunum og járnhringjur, eða brot af þeim
og fleira, fundust hjá hestabeinunum, og um einn metra austur frá hin-
um syðri þeirra fannst lítið brot af skeifu, sennilega frá þeirri dys
og af þeim hestinum. Ryðmettaðar tréleifar voru um suma naglana.
Beinin voru öll tekin upp og sett í kassa til sendingar til Þjóðminja-
safnsins, og allir járnmolar og brot sömuleiðis.
Mannsbeinin voru enn hulin lausum sandi og komu í ljós, er hann
var hreinsaður ofan af þeim, en flest voru þau gjöreydd af fúa. Mátti
þó sjá, að maðurinn hafði legið á hægri hlið og hallazt nokkuð aftur
á bakið; fætur sneru til norðurs og voru krepptir dálítið um hnén
og mjaðmirnar. — Vinstri höndin hafði legið yfir hlið og mjöðm.
Höfuðbein voru mjög eydd, litlar leifar eftir af þeim, en tennur all-
margar; voru þær lítið slitnar, flestar, og virtist maðurinn varla hafa
verið eldri en um fertugt, er hann dó. — Af fótleggjunum mátti ráða,
að hann hefði verið fremur lágur vexti.
Spjótið og axarblaðið hafði fundizt nálægt fótleggjunum. — Við
vinstri mjöðm fannst tygilhnífur, og enn fremur blýmet, nokkrir tinnu-
molar og brot af lítilli, grænni glerperlu, og virðist maðurinn hafa
haft þetta í pússi sínum. Lítið vopnbrýni úr hein fannst þar einnig hjá,
og enn fremur brot af kambi úr beini, með dálitlu verki (kroti) á. Yfir
höfðinu, beinamolunum úr því, var skjaldarbóla, og í moldinni hjá,
um 30 centimetra frá miðju hennar, var sem rák, er virtist kunna
að benda til, að þar hefði skjaldarröndin verið. Eftir tönnunum að
dæma, má helzt ætla, að maðurinn hafi legið á hægri vanga og and-
litið snúið mót austri. — Spjótsoddurinn er 39 cm. að lengd, og fjöðrin
3,5 að breidd efst, en að lengd er hún 19—20 cm. (þ. e. hálfur oddur-
inn). Axarblaðið er mjög lítið bolaxarblað, lengd 13,5 cm. og breidd um
egg 6 cm., en nokkuð virðist eytt framan af því. í falnum og axar-