Árbók Hins íslenzka fornleifafélags - 01.01.1984, Blaðsíða 28

32
ÁRBÓK FORNLEIFAFÉLAGSINS
3. mynd. Fyrsta tillaga Kirkerups. Framhlið og þverskurður. Þjóðskjalasafn íslands.
segja þeir umbúðalaust að: „Kirkjan er alltof lítil og að ýmsu leyti
hrörleg". Þeir telja því nauðsynlegt að kirkjan verði rifin og ný byggð
í hennar stað sem verði a.m.k. 30 álna löng og 20 álna breið. í bjartsýni
sinni telja þeir að bygging kirkjunnar muni kosta 2000 rdl. sem var
samanlagður sjóður dómkirkjunnar í Skálholti og Reykjavíkurkirkju.
Hannes Finnsson biskup sendi stiftamtmanni minnisblað dags. 18.
ágúst þar sem hann staðfestir að í sjóði dómkirkjunnar séu 1700 rdl. og
að Reykjavíkurkirkja eigi 285 rdl. Hinn 31. ágúst sendi Levetzow yfir-
lýsingu biskupsins til rentukammersins í Kaupmannahöfn og í bréfi
sínu mælir hann með því að Reykjavíkurkirkja verði rifin og stærri
kirkja byggð í hennar stað. Auk þess leggur hann til að útkirkjan í
Laugarnesi verði lögð niður því að allur söfnuðurinn muni rúmast í
hinni nýju dómkirkju. f bréfi sínu gerir stiftamtmaður nánari grein fyrir
þeim fjármunum sem runnið geti til kirkjusmíðinnar en samtals námu
þeir nákvæmlega 2082 rdl. og 18 mörkum. Hann bætir því við að lokum
að ef timbur í kirkjuna verði unnið í Kaupmannahöfn um veturinn og
sent með fyrsta vorskipi ásamt timburmanni og snikkara, geti kirkjan
verið fullbyggð 1. október 1886. Svona auðveldlega gekk kirkjubygg-
ingin þó ekki.
Fjallað var um málið í rentukammerinu og byggingarstjórninni falið
að gera tillögu að nýrri kirkju ásamt kostnaðaráætlun. Fyrir hönd bygg-