Árbók Hins íslenzka fornleifafélags - 01.01.1984, Blaðsíða 89

ÞRJÚ VESTFIRSK HJÓNASÆTI OG EINN STÓLL
93
11. mynd. Hluti af bakslá stólsins á 10. mynd. Ljósm. Gísli Gestsson.
nefna hvolfstrikun stönglanna, hin tungulöguðu blöð með skorningum
í líkingu þrepa, auk þess eru blöð með skipaskurðarstungu og kringlur
í.
Stærsta sætið, frá Hrauni (5.-6. mynd), er prýtt sérlega glæsilegu og
líflegu vafteinungsskreyti, og samhverfir pílárarnir eru gerðir af sömu
jurtaskreytiseiningum. Áhrifa gætir frá blómsturbarok í hinu stóra
blómi í túlipanalíkingu á miðri bakslánni. Sú stefna er ofurlítið seinna
á ferðinni en brjóskbarokinn. Arinars er skurður þessi mjög sérstakur
ásýndum og ber ekki svipmót ncinnar einnar stílstefnu. Til eru nokkrir
hlutir með skornu skreyti sem er áberandi líkt því á sætinu. Þetta eru
tveir kistlar, annar með ártalinu 1758 en hinn með ártalinu 1795 (12.—
14. mynd). Smáatriðin í jurtaskreytinu eru þau sömu: bjúgir stönglar
með mjórri skoru í miðju og hvolfstriki á hlið, langir oddmjóir eða
kringlulaga flipar, pældir niður, með kringlum og tiglum í. Hin sam-
hverfa skipan með uppréttri jurt í miðju er endurtekin. Auk þess eru á
kistlinum frá 1758 menn, ljón, fuglar og englahöfuð en á þeim frá 1795
fuglar. Maður gæti freistast til að halda að sami meistari hefði gert sætið
og báða kistlana, cn því verður ekki neitað að langur er tíminn á milli
1758 og 1795. Hvað sem því líður er nærri lagi að telja hjónasædð frá