Árbók Hins íslenzka fornleifafélags - 01.01.1993, Blaðsíða 126

130
ÁRBÓK FORNLEIFAFÉLAGSINS
Áður en lengra er haldið er mér ljúft og skylt að þakka félögum mínum
og samstarfsmönnum fyrir einstakt og eftirminnilegt starf og ljúfa veru í
Flatey. Lögðu þeir tæki og búnað til rannsóknanna sem ekki var hægt að
vera án. Nefni ég köfunarbúnað allan, ryksugumunnstykki, o. s. frv. Flest
var það eign þeirra sjálfra og sumt sérsmíðað fyrir þessa rannsókn. Slysa-
varnafélag íslands lánaði loftdælu og Breiðafjarðarferjan Baldur flutti
menn og tæki rannsókninni að kostnaðarlausu. Ýmsir einstaklingar í Flat-
ey lögðu rannsókninni lið á einn eða annan hátt og vil ég sérstaklega
þakka Dr. Karli Gunnarssyni og Gróu Þ. Pétursdóttur í Vertshúsi og Guð-
mundi P. Ólafssyni og fjölskyldu í Vorsölum.
Þjóðminjasafn íslands kostaði rannsóknina en Árbæjarsafn lagði til
skrifstofu og úrvinnsluefni. Kristín H. Sigurðardóttir forvörður í Þjóðminja-
safni Islands forvarði alla gripi sem skráðir voru. Auk Erlendar og Sævars
og undirritaðs tóku þátt í rannsókninni þeir Magnús A. Sigurðsson sagn-
fræðingur og nemi í sjávarfornleifafræði, Pétur Kristjánsson atvinnukafari
og Kristinn Guðmundsson myndatökumaður.
Teikning 1. Flatey
á Breiðafirði,
afstöðumynd.