Árbók Hins íslenzka fornleifafélags - 01.01.1993, Blaðsíða 128

132
ÁRBÓK FORNLEIFAFÉLAGSINS
Ljósmynd 1. Yfirlitsmynd yfir Höfnina. Tekin við Þýskuvör og horft til norðurs. Ljós-
myndari B.F.E.
Til íslands komu menn í upphafi á haffærum fleyjum og án þeirra hefði
búseta í landinu ekki hafist. Allt frá upphafi hafa þessi fley verið lífæð
landsins og snertipunktur við umheiminn til góðs og ills. Því er saga þess-
ara ferða yfir Atlantshafið saga landsins sjálfs og því mikilvægt að hlúa að
henni sem og öðrum þáttum sögunnar.
Án sjávarfornleifafræðilegrar reynslu verða fundir skipsflaka okkur til-
tölulega gagnslausir, enda við ófær um að rannsaka þau að gagni. Ef göm-
ul flök finnast og verða þekkt á meðal áhugamanna er hætta á að þeim
verði spillt af áhugasömum mönnum sem ekki vita betur. Hingað til hefur
enginn sinnt slíkum minjum sérstaklega. Það er að mörgu leyti skiljanlegt
að áhugamaður um köfun og gömul flök vilji fitla eilítið við flök sem talin
eru gömul. Ekki er það heldur til að draga úr áhuganum þegar óprúttnir
skálda gull og gersemar í flökin, rétt til að krydda tilveruna eilítið.
Þjóðminjalögin
Að gefnu tilefni þykir mér ástæða til að fjalla örlítið um þjóðminjalög
og hvað þar segir um fund eins og skipsflökin tvö við Flatey.