Óðinn - 01.01.1934, Blaðsíða 2

2
ÓÐINN
þess koma, er þetta nýja skip kom hjer inn á
höfnina, eins og sjá má á grein í Lögrjettu 30.
jan. 1907. Með útgerð þessa skips hótst togara-
útgerðin hjer og gekk vel. Skipunum fjölgaði
brátt, og nokkrum árum síðar stofnaði Thor
Jensen það fjelag, sem orðið hefur stærsta tog-
arafjelag íslands, Kveldúlfsfjelagið. Það dafnaði
vel, svo sem kunnugt er, kom upp stórbygging-
um hjer í bænum fyrir útgerð sína og veitti
fjölda manna atvinnu. Nú hafa synir Thors
Jensen lengi veitt Kveldúlfsfjelaginu forstöðu,
en hann hefur snúið sjer að landbúskapnum
og orðið þar enn öllum öðrum stórvirkari.
Fyrst keypti hann Bjarnarhöfn á Snæfellsnesi
og reisti þar stórbú. Síðan keypti hann Mels-
hús á Seltjarnarnesi, og jafnframt því sem hann
hafði þar útgerðarstöð, stofnaði hann þar stórt
kúabú. Siðan keypti hann Korpúlfstaði í Mos-
fellssveit, sem hann hefur gert að stærsta land-
búnaðarbýli alls landsins. Hann hefur ræktað
þar stórt landsvæði og bygt þar dýrar stein-
byggingar, sem ekkert hefur verið til sparað.
Það er sama skoðunin, sem ráðið hefur hjá
honum þarna eins og þegar hann var að hrinda
togaraútgerðinni á stað: að landbúskapurinn hjer
ætti að rekast með fullkomnustu nýtískutækj-
um. Fjármagnið, sem hann hefur varið til land-
búnaðarfyrirtækja seinna, er frá sjónum komið.
Og þannig mun það verða í framtíðinni, að af
gróða sjávaraflans verði sveitirnar bygðar upp
og komið þar á nýtísku búskaparlagi. En Thor
Jensen er þar maðurinn, sem á undan hefur
gengið.
Það er ekki hægt í stuttri blaðagrein að Iýsa
framkvæmdum hans og fyrirtækjum. Þar væri
efni í stóra bók. Hjer er líka hlaupið yfir margt,
sem taka hefði mátt fram, svo sem þátttöku
hans í stofnun Eimskipafjelags Islands. En hann
var einn af þeim, sem mestan dugnað og áhuga
sýndu í þvi, að hrinda því þarfa fyrirtæki af stað.
Kona Thors Jensen er Margrjet Þorbjörg
Kristjánsdóttir, fædd í Hraunhöfn hjá Búðum á
Snæfellsnesi. Kristján faðir hennar var bóndi
þar og druknaði í Búðaós meðan hún var ung
að aldri. Voru ættmenn hans þar vestra þrek-
menn og dugnaðarmenn að kunnugra sögn. En
Steinunn, ekkja Kristjáns, fór eftir lát manns
síns norður að Borðeyri með börn sín, og ól-
ust þau þar upp. Hún var skyld Sveini Guð-
mundssyni frá Búðum, sem þá var verslunar-
stjóri á Borðeyri. Systkini frú Porbjargar eru
Steinunn, ekkja Alberts heitins Þórðarsonar frá
Fiskilæk, sem um eitt skeið var bókhaldari í
Landsbankanum, og Kristján Richter, sem fór
ungur vestur um haf.
Frú Þorbjörg er talin ágætis kona af öll-
um, sem henni hafa kynst. Hún hefur litið
komið fram út á við, en annast heimili sitt
með mestu prýði. Þau Thor Jensen ólust upp
saman á Borðeyri og giftust ung, hann 21 árs,
en hún 19 ára. Þau hafa eignast 12 börn og
lifa 11 þeirra. En þau eru þessi:
1. Kamilla, gift Guðmundi Tómassyni lækni á
Siglufirði.
2. Richard Thors, áður framkvæmdastj. Kveld-
úlfs, en nú formaður fisksölusambands ís-
lands, kvæntur Jónu Þórðardóttur Guð-
mundssonar frá Hóli í Reykjavik.
3. Kjartan Thors, framkvæmdastjóri í Kveld-
úlfi og ítalskur konsúll, kvæntur Ágústu
Björnsdóttur Jenssonar, sem lengi var kenn-
ari við Latínuskólann.
4. ólafur Thors, framkvæmdastjóri í Kveldúlfi,
alþingismaður og um eitt skeið ráðherra,
kvæntur Ingibjörgu Indriðadóttur rithöfund-
ar Einarssonar.
5. Haukur Thors, framkvæmdastjóri í Kveld-
úlfi, kvæntur Sofíiu dóttur Hannesar Haf-
stein, fyrrum ráðherra.
6. Kristín, gift Guðmundi Vilhjálmssyni íram-
kvæmdastjóra Eimskipafjelags íslands.
7. Kristjana, gift Gunnari Malström, sænskum
manni, og eru þau búsett í Svíþjóð.
8. Thor Thors cand. jur., framkvæmdastjóri í
Kveldúlfi og alþingismaður, kvæntur Ágústu
Ingólfsdóttur læknis í Borgarnesi.
9. Margrjet Þorbjörg, gift Hallgrími syni sjera
Friðriks Hallgrimssonar dómkirkjuprests.
10. Lorenz Thors bústjóri á Korpúlfsstöðum,
kvæntur Gyðu Jónsdóttur tollstjóra Her-
mannssonar.
11. Hilmar Thors cand. jur., málfærslumaður,
kvæntur Elisabetu Ólafsdóttur heitins Björns-
sonar ritstjóra ísafoldar.
SL