Eimreiðin - 01.09.1914, Qupperneq 39

i95
hættulegri og, skaðlegri fyrir magann og öll meltingarfærin en
áfengisnautnin.
Lifrin er það líffæri, sem oftast sýkist af völdum áfengis,
og hinn tíðasti sjúkdómur hennar er hin svonefnda lifrarfita. í
heilbrigðri lifur eru vanalegast ekki nema 2—4°/o af fitu, en eftir
langvinna ofdrykkju getur fitumagn hennar orðið 43°/0. Lifrarfit-
an er þó, sem betur fer, enginn alvarlegur eða hættulegur sjúk-
dómur, og talið óvíst, hvort hann í sjálfu sér stytti lífið að nokkr-
um mun. Helzta sjúkdómseinkenni hans er þrýstingur og útþensla
undir hægra rifjabarði. Lifrarbólgan (Cirrhosis hepatis) er aftur
á móti mjög hættulegur sjúkdómur, er heita má ólæknandi. Er
það flestra álit, að áfengisnautnin, einkum ofdrykkjan, sé mjög oft
völd að upptökum þessa sjúkdóms. Hinir frægu frönsku læknar
Charcot og Dieulafoy hafa haldið því fastlega fram, að vín-
drykkjan væri hin langalmennasta orsök til lifrarbólgunnar. Pví
fer þó fjarri, að allir ofdrykkjumenn fái lifrarbólgu, og skal hér
getið eins dæmis í því efni: Franskur læknir einn, Boix að nafni,
hefir skýrt frá manni einum, sem um 30 ára bil drakk 11000
flöskur af konjakki og jafnmargar flöskur af brennivíni og whiský,
ennfremur 5000 flöskur af kampavíni og öðrum vínum, 20000
flöskur af »líkjurum« og rúmar 30000 flöskur af bjór. Prátt fyrir
þessa feikilegu ofdrykkju, sem samsvarar 2 flöfkum af konjakki,
fl. af víni, 2 fl. af líkjurum og 3 bjórflöskum á dag, fékk þessi
drykkjurútur enga lifrarbólgu, sem krufning á líki hans sýndi.
Algerðir bindindismenn fá á hinn bóginn eigi allsjaldan lifrar-
bólgu, svo að minsta kosti má fullyrða, að fjarri fari, að áfengi sé
hin einasta orsök þessarar alvarlegu og þungbæru veiki. Aðrar
orsakir til hennar eru oftast annaðhvort bakteríueitrun, eða eitur-
efni frá þörmunum, sem kemst á einn eða annan hátt inn í blóðið
(Autointoxication).
Áhrif áfengis á hjartað, blóðkerin og blóðrásina
eru mjög margvísleg, en ekki altaf eins skaðvænleg og bindindis-
menn halda fram. Nautn smáskamta af víni, t. d. 2—4 staup af
konjakki, hefir engin, eða nálega engin, áhrif á slög lífæðanna.
Aftur á móti er auðvitað hægt að drekka svo mikið af áfengi, að
sláttur og allar hreyfingar hjartans örmagnist; en það þarft. a. m.
sex sinnum meira af hreinum vínanda enaf»eþer« til þess að lama
hjartað, og tvö hundruð sinnum stærri skamt af honum en af
klóróformi til að stöðva hreyfingu hjartans. Pað er skoðun margra