Dagblaðið Vísir - DV - 14.12.1987, Blaðsíða 57

MÁNUDAGUR 14. DESEMBER 1987.
57
Tíðarandi
Koma þrisvar í viku frá
Grindavík til að hreyfa sig
Tíu grindvískar konur láta ekki sextíu kílómetra akstur aftra sér firá að stunda heilsurækt í Hafnarfirði
Hreyflng og líkamsrækt er öllum
Iroll og nauösynleg ef iðkendumir
kunna aö sníöa sér stakk eftir
vexti. Þaö er tiltölulega stutt síðan
heilsurækt fór aö komast í tísku.
Fram til þess tíma létu flestir sér
nægja þá hreyfingu sem þeir fengu
í vinnunni, ef hún var þá nokkur,
eftir að skólaleikfiminni lauk. Aö
vísu stunduöu margir sund og
skíði, en að ööru leyti voru þeir sem
hreyfðu sig meira en brýna nauö-
syn bar til yfirleitt taldir sérvitr-
ingar, íþróttamenn eða hvort
tveggja.
Nú er öldin önnur sem betur fer.
Fyrir nokkrum árum fór þaö aö
þykja fínt að stunda líkamsrækt af
ýmsu tagi og líkamsræktarstöðvar
spruttu upp um allt land. Allir fóru
af staö, keyptu sér æfmgagalla og
stormuðu í erobikk og megrunar-
leikfimi. Margir gáfust upp eftir
nokkra tíma en þeir sem héldu
áfram hafa örugglega ekki séö eftir
því. Það er nefnilega í tísku aö vera
í góðu formi og að tískunni slepptri
líður þeim sem er í góöu líkamlegu
ástandi betur en þeim sem vanræk-
ir þá höll andans sem líkaminn er.
Það er mjög algengt aö menn segi
aö nú veröi þéir að fara aö drífa sig
í líkamsrækt en bæta því svo við
Hér stjórnar kennarinn teygjuæfingum nemendanna. Þetta eru mikil átök sem geta valdið harðsperrum hjá
þeim sem eru að byrja. Smám saman liðkast likaminn og æfingarnar verða bara létt upphitun fyrlr frekari átök.
DV-mynd GVA
að þeir hafi bara svo lítinn tima og
gera því ekkert í málinu.
Svo eru til aðrir sem leggja tölu-
vert á sig til að komast í tíma og
láta ekkert aftra sér, hvorki vega-
lengdir né tímaleysi. Þannig er með
fríðan hóp kvenna frá Grindavík.
Tvisvar tii þrisvar í viku leggja þær
land undir fót og aka 50-60 kíló-
metra leið til að komast í leikfimi
í Hafnarfirði. Þetta eru tíu konur,
sú yngsta sextán ára en sú elsta
rúmlega fertug. Þær hafa stundað
megrunarleikfimi í heilsuræktar-
stöðinni Hress í Hafnarfirði frá því
stöðin var opnuð seinni hluta sum-
ars. Þær mæta í tíma á þriðjudags-
og fimmtudagskvöldum og oft í
opna tíma á laugardögum líka.
Þær vita sem er aö líkamsrækt
er nauðsynleg og þar sem aðstöð-
una vantar í Grindavík láta þær sig
ekki muna um að skreppa til Hafn-
arfjarðar nokkrum sinnum í viku.
Hjá þeim er líkamsræktin meira
en heilsurækt, félagsskapurinn
skiptir ekki minna máh. Þær hafa
gaman af því sem þær eru að gera
og vildu ekki fyrir nokkum mun
missa af tíma. En þeim er einnig
ljóst mikilvægi réttrar hreyfingar
fyrir líkamann og almenna vellíð-
an og nauðsyn þess að vera ekki
að draga það að drífa sig í heilsu-
ræktina. Því eins og máltækið
segir: Ef þú hefur ekki tima fyrir
heilsuna þína í dag hefur þú ekki
heilsu fyrir tímann þinn á morgun!
-ATA
Félagsskapurinn
er aðalatriðið
- segir hópur grindvískra kvenna sem finnst spottínn tíl Hafnarfjarðar ekkert tiHökumál
„Það er ekkert mál að koma hingað
til Hafnarfjarðar. Við höfum bara
gaman af, ökuferöinni enda skipt-
umst við á að keyra og erum ekki
nema um hálftíma hvora leið þó við
ökum að sjálfsögðu alltaf á löglegum
hraða," var einróma álit ellefu
hressra kvenna úr Grindavík sem
stunda leikfimi í heilsuræktarstöð-
inni Hress í Hafnarfirði tvisvar til
þrisvar sinnum í viku.
„Við höfum óskaplega gaman að
þessu og vildum ekki fyrir nokkurn
mun missa af tíma. Við lítum nánast
á þetta sem aukafrí frá heimili og
börnum, komum saman nokkrar
ungar konur, púlum dálítið, kjöftum
og höfum það skemmtilegt. Við byrj-
um meira að segja stundum heilsu-
ræktina með því að koma saman á
kjúklingastaðnum í Hafnarfirði og
fáum okkur að borða. Við erum þá
að vísu ofurlítið þyngri i byrjun tíma
en við brennum aukakaloríunum
Það er hvergi gefið eftir á æfingunum, svitadropar renna og blásið er úr nös.
DV-mynd GVA
Nýkomnar frá Grindavík, eldhressar og reiðubúnar í puðið. Rós Jóhannes-
dóttir er lengst til vlnstri, þá Lilja Kristinsdóttir, Anna Helgadóttir, Sólveig
Ágústsdóttir og móðir hennar, Hrefna Örlygsdóttir, Dagmar Edvardsdóttir,
Gunnhildur Guðlaugsdóttir, Fanný Erlingsdóttir, Sigriður Guðlaugsdóttir,
Jenný Jónsdóttir og Krlstin Edvaldsdóttir.
DV-mynd GVA
fljótt og vel í puðtimunum."
Grindvísku konurnar sögðust hafa
byrjað að æfa tiu saman í Hress í
september þegar stöðin var stofnuð.
Tvær þeirra æíðu áður í annarri lík-
amsræktarstöð og fylgdu svo kenn-
aranum, Önnu Haraldsdóttur, yfir í
Hress þegar hún stofnaði stöðina í
september. Svo fengu þær fleiri kon-
ur úr Grindavík til að koma með
sér. Þær eru nú orðnar ellefu og tleiri
ætla sér að byrja eftir áramót.
„Við erum allar í megrunarleikfimi
hjá Önnu. Við þurfum mismikið á
því að halda að missa aukakíló en
jafnframt því að grennast styrkjum
við hkamann með æfingunum. Tvær
okkar eru til dæmis að þjálfa sig upp
fyrir skiðaferð til Austurríkis. Þegar
þær koma heim aftur þurfa þær að
fara í leikflmina til að ná af sér bjór-
kílóunum.“
Þessar hressu konur vildu þó ekki
meina að heilsubótin væri eina
ástæðan fyrir því að þær drifu sig
bæjarleiö til að stunda leikfimi, en
grindvísku konumar eru duglegasti
hópurinn í heilsuræktarstöðinni
hvað mætingar snertir.
„Félagsskapurinn er aðalatriðið.
Það er svo gaman aö koma hingað,
hitta nýtt og hresst fólk og skemmta
sér. Þetta slagar bara hátt upp í gott
ball og svo líður manni svo vel á eft-
ir, þegar við erum búnar að fara í
gufubað og ljós.“
Konumar eru allar á besta aldri,
sú yngsta er sextán ára en sú elsta
rúmlega fertug. Þær sögöust ekki
vilja sjá það að taka karlana með,
þeir þyrftu að vinna fyrir leikfimi-
tímunum og passa börnin á meðan
þær skemmtu sér, sögðu konurnar
og hlógu.
Þær kváðu mikinn áhuga á heilsu-
rækt í Grindavík og fyrir utan þær
sem færu til Hafnarfjarðar væri all-
stór hópur kvenna sem sækti heilsu-
ræktartíma í Keflavík en aðstaöa til
líkamsræktar væri slök í Grindavík.
„Það er ekki eins mikið mál og fólk "
heldur að skreppa til Hafnartjaröar
frá Grindavík. Viö fórum á tvéimur
bílum og skiptumst á að keyra og
skemmtum okkur ágætlega á leið-
inni. Og svo erum við alltaf miklu
fljótari á heimleiðinni enda er bíllinn
hálfu léttari eftir alla megrunarleik-
fimina,“ sögðu þessar hressu konur
úr Grindavík. -ATA