Dagblaðið Vísir - DV - 29.12.2001, Blaðsíða 22

22
LAUGARDAGUR 29. DESEMBER 2001
Helgarblað
I>V
Fullkomiö morð í vaskinn
Vinurinn
John Hawkings leiddi lögreglu og tryggingaeftirlit á villigötur.
Þegar Hollywoodlæknirinn Ric-
hard Boggs var fyrst kæröur fyrir
aö misþyrma ungum homma gerði
lögreglan lítið úr málinu og vildi
heldur trúa viröulegum og vel
látnum lækni en drykkfelldum
strák sem seldi samkynhneigöum
körlum þau gögn og gæöi sem
kroppur hans bauð upp á.
Barry Pomeroy hitti lækninn á
Spike Bar sem er í Norður-
Holiywood, í hverfi sem misjafnt
orö fer af. Barinn er sóttur af
hommum og aðrir sem villast þar
inn eru látnir vita aö þeir eru ekki
velkomnir. Þeim félögum leist vel
hver á annan og var það einkum
ríkmannleg framkoma Boggs sem
heillaði strákinn. Fljótlega bauð
læknirinn piltinum á læknastofu
sína og þar skáluðu þeir í kampa-
víni sem styrkt var meö deyfandi
lyfi.
Ungi gleðihomminn varð ekki
hissa þegar læknirinn fór að
faðma hann og jafnvel ekki heldur
þegar Boggs fór að gefa honum raf-
magnsstuð aftan á hálsinn með
tæki sem hann hélt á. Hann var
vanur að karlarnir sem borguðu
honum fyrir smágreiða væru með
ýmiss konar sérþarfir og kippti
sér ekki upp við tiltektir nýja
kunningjans. En rafmagnsstuðin
urðu sífellt öflugri og Pomeroy
fann að hann var að missa meðvit-
und vegna lyfja sem sett voru í
kampavínið. Hann varð hræddur,
tók á öllum kröftum sem hann
átti til og barði kvalara sinn í
kviðinn og komst út á meðan hinn
engdist. Strákur kærði Boggs fyrir
tilræðið en lögreglan gerði lítið úr
málinu og þótti ekki taka þvi að
gera viðamikla skýrslu eftir vitn-
isburði ungs homma sem seldi sig
og var drykkfelldur eituriyfjafíkili
að auki. Og síst vegna þess að sá
sem áskaður var um ofbeldi var
virtur góðborgari og einn af mátt-
arstólpum samfélagsins.
En læknirinn líktist meira sögu-
frægum kollega sínum í London,
doktor Jekyll og mister Hyde, en
vel látnum lækni í Hollywood.
Tílvalið fórnarlamb
Viku eftir að Pomeroy slapp úr
klóm Boggs var annar hommi, Ell-
is Greene, að leita uppi fjörið á
öðrum hommabar í Norður-
HoUywood. Honum brást ekki til-
breytingin þegar Boggs gekk inn í
The Bullet Club. Þá var hann bú-
inn að innbyröa sex bjóra og kom-
inn áleiðis með þann sjöunda.
Greene var 31 árs gamall bókari.
Hann var frá Columbus í Ohio,
sem var borg í daufasta lagi fyrir
framsækna homma. Tíu árum fyrr
hafði hann yfirgefið heimaborg
sína og fjölskyldu án þess að láta
nokkra sál vita að hann væri að
yfirgefa staðinn, enginn þar vissi
hvert hann fór. Piltur hélt til Los
Angeles og kunni vel við hið frjáls-
lega andrúmsloft þar og afskipta-
leysi fólks af misjafnri hegðun
þeirra afbrigöilegu. Þegar hér var
komið sögu var Greene kominn
Lœknirínn hringdi í lög-
regluna og tilkynnti að
sjúklingur hefði látist í
stofu sinni. Hann skýrði
svo frá að maðurinn
hefði hringt i sig og sagst
vera með verk fyrir
brjósti en Greene var með
veilt hjarta. Lögeglu-
mennirnir sáu ekkert at-
hugavert við dánarorsök-
ina og engum þótti und-
arlegt að veikur maður
gœfi upp öndina hjá
lcekni sem hann leitaði
ásjár hjá.
með eyðniveiru og drakk stíft til
að þurrka úr huga sér hvaða örlög
biðu hans.
Læknirinn og bókarinn yfirgáfu
barinn sinn í hvoru lagi en Boggs
bað nýja félagann sinn að bíða í
matvöruverslun þar rétt hjá og
mundi hann sækja hann eftir hálf-
tíma. Það stóð heima og sam-
þykkti Greene að fara með eldri
manninum á læknastofu hans til
að láta renna af sér áður en aðal-
skemmtun kvöldsins hæfist.
En þegar til kom var Boggs ekki
á höttunum eftir ástarleikjum.
Hann vantaði lík til að losa sig úr
fjárhagskröggum og drykkfelldur
og hjartveikur hommi var tilvalið
fórnarlamb. Galdurinn var ekki
annar en sá að veita byttunni
nokkur rafmagnsstuð og dánaror-
sökin var augljós, köfnun sem staf-
aði af veiku hjarta. Engir áverkar
voru á líkinu og áfengi var eina
eitrið sem var í líkamanum.
Læknirinn hringdi í lögregluna
og tilkynnti að sjúklingur hefði
látist í stofu sinni. Hann skýröi
svo frá að maðurinn hefði hringt í
sig og sagst vera með verk fyrir
brjósti en Greene var með veilt
„Líkið“
Melvin Hanson þóttist vera dauöur
og kunni ekki að skrifa nafniö sitt.
hjarta. Lögeglumennimir sáu ekk-
ert athugavert við dánarorsökina
og engum þótti undarlegt að veik-
.ur maður gæfi upp öndina hjá
lækni sem hann leitaði ásjár hjá.
En í skýrslunni sem Boggs af-
henti lögreglunni var nafn hins
látna Melvin Eugene Hanson. í
vasa hins látna fannst meira að
segja ljósrit af fæðingarvottorði
með þessu nafni svo ekki var um
að villast hver maðurinn var í lif-
anda lífi.
Líkið var ljósmyndað, fmgrafór
tekin eins og reglur segja til um og
dánarorsökin var skrifuö
hjartaslag.
„Líkið“ reyndist bráðlifandi
Brátt gaf ástmaður Hansons sig
fram við lögregluna. John Hawk-
ings fór í líkhúsið og staðfesti með
skjálfandi röddu þegar hann hélt í
hönd líksins aö þar væri elskhugi
sinn steindauður. Nú var búið að
staðfesta að líkiö af Greene væri af
Hanson. Hawkings hafði stutt
stopp í Los Angeles en hafði fljót-
lega samband við tryggingafélag
og tilkynnti að hann væri einka-
erfingi Hansons og krafðist einnar
milljónar dollara líftryggingar
sem hann fékk umyrðalaust því
pappírarnir voru í lagi. Hinn fúll-
komni glæpur hafði verið fram-
inn.
En síöar kom babb í bátinn.
Samkvæmt reglu var starfsmaður
samtaka tryggingafélaga að at-
huga fingraför látna mannsins,
sem skráður var Greene frá Ohio,
og bera saman i tölvukerfi alríkis-
lögreglunnar. Þá kom í ljós að
fingrafarið af þumalputta manns-
ins sem skráður var sem Hanson
var af Greene nokkrum sem var á
skrá yfir horfið fólk. Foreldrar
hans höfðu leitað til lögreglu til að
finna son sinn á sínum tíma.
Boggs læknir og félagar hans
höfðu haldiö að Greene væri að-
eins umkomulaus flækingsróni
sem enginn mundi sakna.
Nú fóru hjólin að snúst. Farið
var að svipast um eftir Hanson
sem greinilega var ekki í líkhús-
inu í Hollywood. Melvin Hanson
hafði tekið upp nafnið Wolfgang
Eugene von Snowden sem honum
fannst flott en kunni ekki að skrifa
rétt. Það vakti til að mynda at-
hygli að margar villur voru 1 nafn-
inu þegar hann undirritaði leigu-
samninga á lúxusíbúö á Florida
með því nokkru eftir að Greene
var myrtur. Þegar farið var að
rekja hvernig á því stóð að maður-
inn kunni ekki að stafa nafnð sitt
kom í ljós að þarna var Melvin
Hanson á ferð.
Rannsóknin var nú komin á
skrið og vissi lögreglan að allir
þrír hommarnir voru aðilar að láti
Greenes en erfitt var aö pússla
öllu sjónarspilinu saman. Hanson
var handtekinn á Dallas-flugvelli
og í fórum hans fannst há peninga-
upphæð og mismunandi persónu-
skilriki og meðal þeirra eitt með
nafiii Ellis Greenes.
Til að gera langa sögu stutta þá
var Boggs læknir handtekinn á
stofu sinni, þar sem hann tók á
móti sjúklingum, handjárnaður og
stungið inn. Hann var ákærður
fyrir átta alvarlega afbrot og með-
al þeirra morð af ásettu ráði. Hann
neitaði öllum kæruatriöum og við-
urkenndi aldrei að hann væri
samkynhneigður glæpamaður og
hélt fast í þá ímynd að vera virðu-
legur góðborgari. En sönnunar-
gögnin hrúguöust upp og var hann
dæmdur í lífstíðar fangelsi.
Melvin Hanson fær að dúsa í
sínum klefa í 25 ár og er maðal
annars talinn meðsekur um morö.
John Hawkings var sloppinn úr
landi og lifði ljúfu lífi í Evrópu fyr-
ir sitt illa fengna fé en trygginga-
bótunum skiptu þeir félagar á
milli sín. Lokst tókst að hafa uppi
á honum og var skálkurinn grip-
inn þar sem hann var að sigla á
bát sem hann átti úti fyrir strönd
Sardínu. Hann var framseldur til
Bandaríkjanna og dæmdur til að
sitja í fangelsi í fjórðung aldar.
Furður fortiðar
Síðborin réttvísi
Gamall Ku Klux Klan-meðlimur var
nýlega dæmdur í lífstíðarfangelsi fyr-
ir morð á fjórum
ungum blökku-
stúlkum. Það var
árið 1963 sem of-
stopamenn köst-
uðu sprengju inn í
kirkju í Birming-
ham í Alabama.
Stúlkurnar, 11 til
14 ára gamlar,
voru þar á söngæfingu og létust sam-
stundis.
Viku síðar var á ailra vörum í borg-
inni hverjir voru þarna að verki en
ekkert var gert í málinu og enginn
handtekinn og engar yfirheyrslur fóru
fram. En málið vakti andstyggð um
gjörvöll Bandaríkin.
Árið 1977 var einn tilræðismann-
anna handtekinn og dæmdur fyrir
morð. Hann dó í fangelsi. Annar hvarf
burt úr heimi 71 árs að aldri og hinn
þriðji var ekki talinn sakhæfur vegna
geðröskunar. En nú var Thomas
Blanthon loks handtekinn og dæmdur
og þótti mörgum sem tími væri kom-
inn til.
Dauðasynd
Margur hefur þurft að greiða fá-
tæktina háu verði. Presturinn Willi-
am Dodd, sem uppi var í Englandi á
18. öld og var m.a. hirðprestur kon-
ungs, varð að greiða hana með lífi
sínu. Séra Dodd var örlátur og gaf til
góðgerðarstarfsemi. En hann oíbauð
fjárhag sínum og tók lán. Það þykir
engum mikið nú á dögum og afskrifa
bankar fúslega skuldir hinna stór-
skuldugu. Hinir smáskuldugu hljóta
lakari meðferð.
Þegar séra Dodd gat ekki staðið í
skilum blasti skuldafangelsið eitt við.
Þá greip hann til örþrifaráðs og fals-
aði nafn Chesterfields lávarðar undir
skuldabréf. Tiltækið komst upp og
Dodd var stungið inn. Lávarðurinn,
sem var einkavinur prestsins, harð-
neitaði að gangast við undirskriftinni,
kóngurinn vildi ekkert skipta sér af
vandamálum hirðprestsins og borgar-
stjóri Lundúna neitaði aö taka afstöðu
til málsins þrátt fyrir að stórmennin
væru sárbeðin að bjarga lífi hins guð-
hrædda og örláta prests. Var svo hirð-
prestur konungs hengdur á hásumar-
tíð árið 1777.
Ótímabært sjálfsmorö
Breskur maður, Parris að nafni,
skaut af sér höfuðið með haglabyssu
eftir að læknir hafði úrskurðað að
hann væri með krabbamein í ristli.
Við krufningu kom í ljós að ekkert
bólaði á meininu
sem sagt var að
fundist hefði mán-
uði fyrr.
Ekkjan Joanna
Parris sagði að
maður sinn hefði
ávallt haft áhyggj-
ur af heilsu sinni
og farið mjög vel
með líkama sinn en til einskis að hon-
um fannst eftir að meint krabbamein
kom í ljós. Læknirinn, sem rannsak-
aði hinn 57 ára gamla sjúkling sinn,
staðhæfði að þrátt fyrir niðurstöðu
líkskoðunarinnar hefði hann greint
krabbamein í ristli Parris nokkrum
vikum fyrir dauða hans.
Ódýr leikmynd
Verið er að kvikmynda glæpi
Kobba kviðristu (Jack the Ripper)
rétt einu sinni en þeir eru meðal
uppáhaldsfrásagna sannra Englend-
inga. Ekki verður myndin tekin upp
í sínu sögulega umhverfi, í London,
heldur í Prag þar sem er helmingi
ódýrara að mynda en í gömlu höfuð-
borg heimsveldisins. Spara á millj-
ón pund með því að flyta
fjöldamorðingjann til meginlands-
ins.
Læknlrlnn
Richard Boggs var virðulegur læknir í Hollywood en lenti í fjárhagskröggum.