Ársrit Ræktunarfélags Norðurlands - 01.01.1965, Side 34

um búnaðarframkvæmdir. Voru nú öll önnur viðhorf gagn-
vart félagssjóði, og mun þar hvort tveggja hafa valdið,
reynsla fyrri ára og enn verri fjárhagsástæður. Verður nú
drepið á nokkur helztu atriði hinna nýju félagslaga.
Samkvæmt 2. gr. var það tilgangur félagsins „að efla vel-
megun og framfarir búenda í hreppnum, einkum með því
að slétta tún, hlaða túngarða, veita vatni á engjar, skera
fram of votar mýrar, plægja og herfa til gras- og matjurta-
ræktar, byggja sáðgarða, taka upp móskurð, auka allan
áburð og hagræða honum vel, grafa brunna, færa að grjót
til bygginga og byggja heyhlöður, leggja stund á fjárrækt
og kynbætur".
Við inngöngu í félagið greiðir hver félagi 2 króna gjald í
eitt skipti fyrir öll, en árstillög eru afnumin. í stað þeirra
er lögð skylduvinna á hvern félagsmann, 12 dagsverk á ári,
nema einyrkjar sluppu með 6 dagsverk. Vinna þessi var
umfram skylduvinnu þeirrar, er hvíldi á leiguliðunum,
„samkvæmt byggingarbréfunum og óumflýjanlegra húsa-
bygginga og endurbóta á húsum“. Félaginu var skipt í
flokka undir stjórn flokksforingja, er að haustinu skulu
skoða unnar jarðabætur og gefa skýrslu um. Þannig var lagt
í dagsverk, að eitt dagsverk var talið hvert fyrir sig: 8 fer-
faðmar í túnasléttum, 3 faðmar í venjulegum túngörðum
og 1 faðmur í tvíhlöðnum grjótgörðum. Aðrar jarðabætur
varð flokksforingi að leggja í dagsverk.
Stjórn félagsins var skipuð þrem mönnum og jafnmörg-
um til vara.
A þessu tímabili, eða fram að 1925, eru félagslögin þrisvar
endurskoðuð. Fyrsta endurskoðunin fór fram 1889. Helztu
breytingar eru: Inntökugjald er lagt niður, en tekið upp
fast árgjald, 1 króna á félaga. Skylduvinnan er hækkuð: 12
dagsverk í 15 dagsverk og 6 dagsverk einyrkja í 7 dagsverk.
Onnur greinin, sem fjallar um tilgang félagsins, er stytt og
verður almennara eðlis, en samkvæmt henni ber félaginu
„að efla búnaðarlegar og verklegar framfarir meðal félags-
manna í öllum greinum".
Árið 1905 er skylduvinnan aftur færð í upprunalegt horf,