Ársrit Ræktunarfélags Norðurlands - 01.01.1965, Page 52

52
fyrstu undirbúin af milliþinganefnd Búnaðarþings, og var
Hafsteinn Pétursson á Gunnsteinsstöðum formaður henn-
ar. Hafsteinn hafði þá nýlega (1942) tekið við formanns-
störfum Búnaðarsambands Austur-Húnvetninga. Lét hann
ekki á sér standa með undirbúninginn heima fyrir, og voru
Austur-Húnvetningar tilbúnir með sínar samþykktir, þeg-
ar samþykktarlögin 1945 öðluðust gildi.
Upp frá þessu sér Búnaðarsambandið um allar helztu
jarðræktarframkvæmdirnar á sambandssvæðinu. Verður sú
saga ekki rakin hér, en aðeins bent á þessi almennu atriði:
Búnaðarsambandið kemur sér upp vélakosti til jarðvinnslu
og skurðagerða og hefir þegar frá líður margt vélamanna í
þjónustu sinni við jarðabótastörf úti um héraðið. En Bún-
aðarsambandið lét einnig byggingarmálin til sín taka. Þar
er merkast frásagna, að þegar vorið 1948 keypti sambandið
sér amerísk byggingamót, sem síðan hafa verið notuð á fé-
lagssvæðinu með ágætum árangri.
Eins og þá horfði í Húnavatnssýslu þurfti áræði og dugn-
að til þess að vélvæða Búnaðarsambandið. Fjárpestirnar
geisuðu í héraðinu og ollu ógurlegu tjóni. Var horfið að al-
mennum niðurskurði og fjárskiptum á árunum 1947 og
1948. Fjárhagur húnvetnskra bænda var þá næsta erfiður,
því að mjólkurafurðanna gætti enn mjög lítið, enda var
mjólkurstöðin á Blönduósi ekki reist fyrr en 1948. En, —
erfiðleikarnir voru yfirunnir og uppbyggingarstarfið er haf-
ið með fullri festu. Mjólkurstöðin rak einmitt á eftir með
framkvæmdirnar heima í sveitunum. Túnræktin stóreykst
og víða rísa upp nýjar og miklar byggingar nýtízku fjósa.
Dráttarvélarnar koma. — Vélaöldin.
Vorið 1944 voru haldnar almennar hrossasýningar á
Norðurlandi. I Húnavatnssýslu fór héraðssýningin fram á
Þingeyrum. Þar var tekin upp sú nýbreytni að haldin var
verkfærasýning að hinni sýningunni lokinni, og stjórnaði
henni Árni G. Eylands verkfæraráðunautur, en hann var
þá einnig framkvæmdastjóri Búvéladeildar SÍS, sem tók til
starfa á því ári.