Ársrit Ræktunarfélags Norðurlands - 01.01.1965, Qupperneq 103

104
Miklar umræður urðu um starfsemi ræktunarsamband-
anna.
Þessir tóku til máls auk frummælanda: Egill, Sig. Líndal,
Helgi, Teitur, Hermóður og Aðalbjörn aftur.
Eftirfarandi tillaga kom fram frá málshefjanda og var
samþykkt með samhljóða atkvæðum:
„Aðalfundur Ræktunarfélags Norðurlands haldinn á Ak-
ureyri 30. okt. 1965 beinir þeirri áskorun til vélanefndar
ríkisins að kalla sem fyrst saman landsfund fulltrúa frá rækt-
unarsamböndunum í landinu til þess að ræða starfsaðstöðu
þeirra og athuga möguleika á stofnun Landssambands rækt-
unarsambandanna."
7. Kosningar:
Úr stjórn átti að ganga Steindór Steindórsson. Var hann
endurkosinn. Sigurður O. Björnsson var endurkosinn í vara-
stjórn.
Björn Þórðarson og Eggert Davíðsson voru endurkosnir
sem endurskoðendur reikninga félagsins.
Fundarstjóri þakkaði stjórn félagsins fyrir vel unnin störf
á liðnum árum, árnaði heilla hinni nýju stofnun Rannsókn-
arstofu Norðurlands og forstöðumanni hennar, hvatti bænd-
ur til félagslegra átaka til eflingar íslenzkum landbúnaði og
íslenzkri sveitamenningu.
Fundarbók lesin. Fundi slitið.
Hermóður Guðmundsson
fundarstjóri.
Þórarinn Kristjánsson
Ketill S. Guðjónsson
fundarritarar.