Ársrit Ræktunarfélags Norðurlands - 01.01.1969, Qupperneq 2

4
hafi verið neitt fast form á útliti ritsins. Með þessu hefti
er gerð útlitsbreyting á kápu enda sú kápumynd, sem gerð
var 1952 orðin úrelt.
Frá fyrstu tíð hefur Prentverk Odds Björnssonar á Akur-
eyri prentað ritið og hefur hlutur þess verið með miklum
ágætum. Auk þess að prentun og allur frágangur hefur
ætíð verið sérdeilis vel af hendi leystur, þá hafa forráðamenn
Prentverksins veitt beinan fjárhagslegan stuðning við út-
gáfu ritsins. Vil ég færa Prentverki Odds Björnssonar, for-
ráðamönnum þess og starfsfólki, beztu þakkir fyrir gott
starf og stuðning við Ársritið og vænti þess, að svo megi
haldast um langan aldur enn.
Áskrift ritsins hefur nú í nokkur ár verið áttatíu krónur
til áskrifenda. Ljóst er, að erfitt reynist fjárhagslega að gefa
ritið út fyrir þessa upphæð og versnar þó enn, því allt hækk-
ar. Að ráði hefur þó orðið að hækka ekki áskriftargjaldið
að sinni, en lengur getur það vart dregizt. Með þessu hefti
verða sendar út póstkröfur til innheimtingar á áskriftar-
gjaldi fyrir 65. og 66. árgang. Væntum við þess að allir kaup-
endur Ársritsins bregðist vel við og greiði póstkröfurnar
skilvíslega um leið og þær berast.
Sá árgangur, sem nú er hafinn, verður sextugasti og sjötti
og er með honum ætlunin að víkja ögn út frá þeirri venju
er verið hefur næstliðin ár, og gefa hann út í tveim bindum,
það fyrra nú á vordögum en hið seinna væntanlega á jóla-
föstu.
Efni þessa heftis, sem nú sér dagsins ljós, er að nokkru
eftir gamla kunningja Ársritsins, en líka eru hér kynntir
nýir menn.
Garðyrkjuskólinn á Reykjum í Ölfusi er nýorðinn 30 ára.
í tilefni þess ritar núverandi skólastjóri skólans, Grétar J.
Unnsteinsson, grein um skólann, ágrip af sögu hans og sögu
staðarins Reykja í Ölfusi. Auk þess koma í grein þessari
fram sjónarmið skólastjórans á hvernig haga beri garðyrkju-
fræðslu og garðyrkjurannsóknum í framtíðinni. Cxrétar ].
Unnsteinsson er sonur Unnsteins Olafssonar, sem var fyrsti
skólastjóri Garðyrkjuskólans og sem stýrði honum þar til