Ársrit Ræktunarfélags Norðurlands - 01.01.1969, Qupperneq 108

110
þær eru af öðrum toga en t. d. Hrísey eða Grímsey. Þær
eru að líkindum myndaðar við eldgos úr sjó eða jöklum
seint á Jökulöldinni. í upphafi hafa eyjarnar verið miklu
stærri, en efnið í sumum þeirra er viðkvæmt fyrir ágangi
hafsins, og nokkrar eyjar eru nú algerlega horfnar undir
yfirborð sjávarins. Þeir sem séð hafa Surtseyjargosið, geta
getið sér til um hvernig þá hefur verið umhorfs í Skaga-
firði, er eyjar þessar mynduðust, og hvaða Skagfirðingur
vildi nú vera án þessa eyjaskrauts?
Fuglalif er með afbrigðum auðugt í eyjum þessum, og
í Drangey eru einhver auðugustu fuglabjörg landsins, sem
áður fyrr voru mikið nýtt. Eyjarnar eru nii í þann veginn
að verða vinsæll ferðamannastaður.
9. Blöndugil. Frá Sandárhiifða að eyðibýlinu Rugludal
er gilið um 20 km á lengd. Það er víðast hvar fremur þröngt
og erfitt niðurgöngu, enda mun nú litið um ferðir þangað.
Samkvæmt lýsingu Jóns Eyþórssonar sem hann hefur eftir
kunnugum mönnum, og birt var í Árbók Ferðafélagsins, er
gilið hin merkilegasta náttúrusmíð, sem vel væri þess virði
að vera könnuð nánar. Þar er og að finna nokkrar kjarr-
leifar, sem munu vera þær einu í Húnavatnssýslum, ef frá
er skilið jarðlægt smákjarr í Spákonufelli á Skaga. Sjálfsagt
væri gilið þess virði að friðlýsast, og mætti þá ef til vill
hugsa sér að nánasta umhverfi þess fylgdi með, þ. á. m.
einhver hluti Auðkúluheiðar með þeim fjölmörgu vötnum,
sem þar finnast. Þess má geta að þjóðvegurinn um Kjöl
liggur nú um Auðkúluheiði skammt frá gilinu, og er hann
nú þegar orðinn allfjölfarinn á sumrum.
10. Hópsvœðið. Þar er átt við Hópið, Nesbjörg, Sigríðar-
staðavatn og sandana norður af þessum vötnum. Hér er um
að ræða eitthvert stærsta og samfelldasta vatnasvæði lands-
ins, og þar eru einnig víðáttumiklir sandar. Nesbjörgin eru
sérkennilegur klettarani, sennilega eldstöðvar frá því
snemma á Jökulöldinni. Skammt frá þessu svæði er og hið
einkennilega náttúrusmíð, Borgarvirki, sem nú mun vera
iriðlýst sem þjóðminjar. Þá eru og Vatnsdalshólarnir í næsta
nágrenni svæðisins.