Ársrit Ræktunarfélags Norðurlands - 01.01.1978, Page 20

1 1976. Ýmsar fleiri smærri rannsóknir hafa verið gerðar, en
hér verður ekki fleira talið.
Þjónustuefnagreiningar.
Þegar rætt var á fundum Rf. um stofnun rannsóknarstofu á
vegum félagsins er það orðað svo í fundargerðum að gerðar
verði jarðvegs og fóðurrannsóknir. Ekki verður fundið í bók-
um öllu nánari skilgreining á því starfi sem rannsóknarstofan
skyldi að vinna og má segja að þarna hafi verið rúmur rammi.
Strax á fyrsta sumri stofunnar 1965, var safnað allmörgum
sýnum af heyi, vítt og breitt af Norðurlandi. Þá var einnig
strax haustið 1965, tekið mikið af moldarsýnum úr túnum til
rannsóknar. Með niðurstöðum þessara rannsókna voru síðan
sendar ábendingar um fóðrun og áburðargjöf eftir því sem
þekking og geta leyfð. Frá upphafi var það stefnan í þessum
leiðbeiningum útfrá niðurstöðu efnagreininga, að þær færu
um hendur ráðunautanna á hverjum stað og niðurstöðum
skilað til hvers og eins bónda persónulega. E.t.v. hefur einhver
misbrestur orðið á þessu í tímans rás en í öllum höfuðatriðum
hefur þetta þó verið haldið. Til þess að gefa yfirlit yfir þær
efnagreiningar, sem gerðar hafa verið fyrir bændur er sýndur í
töflu 1, 2 og 3 fjöldi hey- og jarðvegssýna, sem rannsóknar-
stofunni hefur borist frá bændum.
Eins og töflurnar sýna hefur öll ár frá stofnun stofunnar
verið efnagreint allmikið af sýnum. Þó hefur nokkur breyting
orðið í tímans rás. Eins og tafla 1 sýnir eru tekin allmörg
heysýni 1965 en næstu fimm árin eru þau harla fá og ekki
kerfisbundið. Frá 1971 hefur skipt hér um. Það ár eru sýnin
allmörg, tæp níu hundruð og fjölgar ár frá ári til 1976. Fyrstu
tvö ár þessa tímabils 1971 og 1972 eru efnagreind steinefni í
heyinu og eggjahvíta ákvörðuð og leiðbeiningar gefnar til
bænda samkvæmt því. Á árinu 1973 er hins vegar auk
nefndra greininga tekin upp mæling á meltanleika heysins í
glösum og þar með verða þáttaskil í möguleikum til leið-
beininga um fóðrun. Eins og sést í töflu 3 fækkar jarðvegs-
sýnum verulega 1974 og eru ástæður þær að um þetta leyti er
búið að taka úr flestum túnspildum á Norðurlandi og mörg-
22