Ársrit Ræktunarfélags Norðurlands - 01.01.1978, Side 97

Rannsóknarverkefni.
Tilraunum með að gefa lömbum selenköggla í vömb ásetn-
ingshaustið, til þess að fyrirbyggja selenskort í þeim og af-
kvæmum þeirra um árabil, einkum stíuskjögur, er fram
haldið. Alls eru nú átta bæir með í rannsókninni. Náið sam-
starf hefur tekist við nokkra sérfræðinga Tilraunastöðvarinn-
ar á Keldum varðandi efna- og sjúkdómsgreiningar fjárins.
Vísindasjóður veitti kr. 1 milljón til þessa verkefnis í ár.
Þá eru í gangi rannsóknir á heilsufari og sumarbeit mjólk-
urkúa í samvinnu við B.S.E. Uppgjör þessara verkefna, ásamt
selenathugunum í Fjósatungu í Fnjóskadal og fleiri bæjum er
fyrirsjáanlega orðið mjög viðamikið verk. Að óbreyttu verður
því ekki farið út i fleiri rannsóknarverkefni af minni hálfu fyrr
en grynnt hefur verið til hins ítrasta á þeim niðurstöðum, sem
liggja fyrir eða sjá dagsins ljós á næstunni. Ekki nóg með það,
— fleiri verkum verður ekki sinnt fyrr en hinum sjálfsagða
tilgangi rannsóknanna er náð, — eða þegar niðurstöður
þeirra hafa verið „matreiddar“ og færðar bændum í sæmilega
meltanlegu formi svo að þeir geti haft af þeim raunveruleg
not.
Fundir, ferðalög o.fl.
Sat tvo fundi Félags íslenskra búfræðikandidata, fyrst hinn
27/11 1977, þar sem erindi og umræður snérust um fram-
leiðslumál landbúnaðarins og hinn 5/2 1978, en þar voru
stofnlán landbúnaðarins rædd. Sat haustfund Rala um til-
raunastarfssemina og verkefnaval í Reykjavik í desember
1977.
Dagana 6.-10. febrúar 1978 sótti ég ráðunautafund B.I. og
Rala í Reykjavík. Flutti ég þar erindi um sumarbeit mjólk-
urkúa. Að venju var mætt á aðalfundum nokkurra búnaðar-
sambanda á svæðinu, B.S.N.Þ. haustið 1977, B.S.E. 21 .-22./3
1978, auk flestra bændaklúbbsfunda B.S.E. Auk þess mætti
ég á fræðslufundi um beit á afrétt og fóðrun hjá Búnaðar-
sambandi Kjalarnesþings 1/4 1978.
Hins vegar var með minnsta móti um beina fræðslufundi
með þátttöku Rf.Nl. þó mætti ég á einum, tveim smáfundum
99