Ársrit Ræktunarfélags Norðurlands - 01.01.1985, Síða 32

Þegar fjárskipti voru vegna mæðiveiki á árunum milli 1940
og 1950 gerðu menn sér vonir um að unnt yrði að útrýma
riðuveikinni um leið og mæðiveikinni og garnaveikinni. Þessi
von brást. Riðuveikin kom aftur upp á mörgum bæjum þar
sem hún hafði verið skæðust. Að fenginni sárri reynslu mið-
uðust aðgerðir við það að hjálpa mönnum til að losna við
gjörsýktar hjarðir.
Árið 1978 varð stefnubreyting. Ráðist var í að lóga öllu fé á
sýktum bæjum í tveim varnarhólfum á N.-Austurlandi og
landnámi Ingólfs. Jafnframt var stóraukin áhersla lögð á
sótthreinsun húsnæðis og nánasta umhverfi fjárins. Stefnt var
að útrýmingu veikinnar með aðgerðunum. Fjárleysi skyldi
vera í 1 -3 ár.
Nú (1986), þegar senn eru liðin 8 ár frá því að hafist var
handa, eru að vakna vonir um að árangur verði af niður-
skurðinum og sótthreinsuninni. Riða hefur ekki komið upp
aftur þar sem lógað var og sótthreinsað eftir 1978.
Áhersla var lögð á að taka riðukindur í einangrun og lóga
strax og á þeim sá. Greiddar hafa verið bætur fyrir þessar
kindur. Hugað hefur verið að mismunandi næmi fjárstofna og
tekist hefur að sýna fram á mismikla mótstöðu gegn veikinni í
ættum íslenskra kinda.
Nú stendur yfir tilraun með sæðingu á riðubæjum á Aust-
urlandi og Norðurlandi og önnur með aðflutning líflamba frá
ósýktum svæðum til riðubæja, tilraun til fjárskipta í áföng-
um. Þessi tilraun fer fram í Svarfaðardal og á Dalvík.
Þessar síðastnefndu tilraunir hafa staðið á annað ár og
verða engar ályktanir dregnar fyrr en að nokkrum árum
liðnum.
Rætt hefur verið um að lóga öllu fé á riðubæjum í Skjálf-
andahólfi og framanverðum Eyjafirði haustið 1986. Enn-
fremur hefur Búnaðarþing 1986 skorað á Sauðfjársjúkdóma-
nefnd að gera heildaráætlun um niðurskurð á öllum fjár-
hjörðum þar sem riðuveiki hefur verið staðfest.
34