Ársrit Ræktunarfélags Norðurlands - 01.01.1985, Síða 68

Markaður fyrir meltur í gervimjólk ætti að vera nokkur, en
nú er gervimjólk handa kálfum framleidd úr undanrennu og
tólg hér á landi.
4.1.2. Sauðfé.
Fáar tilraunir hafa verið gerðar með að gefa sauðfé meltur.
Notkun þeirra kemur helst til greina við fengieldi á haustin og
um burð á vorin. Einnig geta þær nýst eitthvað með slæmum
heyjum á öðrum timum og ef til vill handa lömbum fyrir
slátrun ef veður hamlar beit.
Melturnar ættu að innihalda litla fitu. Sérstaklega á þetta
við seinni hluta vetrar og fyrir burð, þar sem hætta er á
selenskorti, ef ekki er notað E-vítamín til að hindra þránun.
Fyrir nokkrum árum voru gerðar athuganir á vegum
Rannsóknastofnunar fiskiðnaðarins í Stíflisdal í Þingvalla-
sveit með notkun á meltum í vetrarfóðri áa. Arangur var
viðunandi, en endanlegar niðurstöður liggja þó ekki fyrir.
Markaður fyrir meltur í sauðfjárbúskap verður trúlega
fremur takmarkaður, sérstaklega með tilliti til offramleiðslu i
greininni og takmarkaðrar notkunar próteingjafa, nema í
skamman tíma á ári.
4.1.3. Eldisnautgriþir.
Árið 1976 hófust á vegum Rannsóknastofnunar landbúnað-
arins rannsóknir á meltum í eldisfóðri nautgripa. Þær hafa
síðan verið gerðar með hléum, í Gunnarsholti á Rangárvöll-
um. I tilraun með fiska- og hvalameltu handa holdanautum
reyndust meltur ekki betur en loðnumjöl. (Ólafur Guð-
mundsson, Stefán H. Sigfússon og Jónas Bjarnason, 1979.
Fisk- og hvalmeltur sem próteinuppbót á fóður holdanaut-
gripa. Fjölrit RALA nr. 54, 16. bls.). Þá tók lengri tima að
venja nautin á að éta melturnar heldur en mjölið. I framhaldi
af þessu voru gerðar tilraunir með meltugjöf með og án sem-
entssalla. Einnig tilraunir með blöndun á meltu og mysu-
þykkni í grasmjöl. (Sveinn Runólfsson, Ólafur Guðmundsson
og Sigurjón Arason, 1984. Melta og mysuþykkni í grasmjöli.
II. Fóðrunartilraunir með holdanaut. Ráðunautafundur B.I.
og RALA 1984, bls. 106-114). Þessi blanda lofaði góðu þó hún