Ársrit Ræktunarfélags Norðurlands - 01.01.1985, Síða 69

væri ekki alveg sambærileg að gæðum við bygg, maís og
fiskimjöl.
I Noregi hefur verið á markaði um nokkurt árabil fóður-
blanda gerð úr meltu, möluðum fiskhausum, byggi og gras-
mjöli. Þetta fóður hefur reynst vel handa nautgripum, þó ekki
sé það sambærilegt við hefðbundna próteingjafa handa há-
mjólka kúm.
Ofangreindar tilraunir sýna að miklu skiptir með hvers-
konar fóðri meltur eru notaðar. I ljósi þeirra niðurstaðna sem
fyrir liggja verður að reikna með að nýting á meltum í eldis-
fóðri miðað við fiskimjöl sé ekki nema um 80% og jafnvel
minni í sumum tilfellum. Verið er að kanna þetta nánar
ásamt fleiri atriðum í samanburðartilraunum með meltu- eða
fiskimjölsgjöf með votheyi sem nú er verið að gera í Gunn-
arsholti.
Nautgripaeldi mun aukast í framtíðinni með tilkomu inn-
flutnings á Galloway gripum. Framleiðsla nautakjöts mun þó
væntanlega byggjast mest á einblendingsræktun við íslenska
mjólkurkúakynið. Nokkur markaður getur því orðið fyrir
meltur í eldisfóðri nautgripa. Þetta er þó mjög háð þvi hvort
aðallega verður byggt á beit eða innifóðrun sláturgripa í
framtíðinni.
4.1.4. Mjólkurkýr.
Engar rannsóknir hafa verið gerðar með notkun meltna
handa mjólkurkúm hér á landi. Erlendar tilraunaniðurstöður
eru einnig mjög takmarkaðar. Meftur hafa þó verið notaðar
handa mjólkurkúm í einhverjum mæli i Danmörku um ára-
bil. Einnig hafa meltur verið á markaði i fóðurblöndu í Noregi
eins og áður greinir.
Samkvæmt breskum rannsóknum virðist vera hægt að nota
meltur handa mjólkurkúm upp að vissu marki, en niðurstöð-
ur úr norskum tilraunum benda til þess að fituríkar meltur
henti ekki. Það er því mjög mikilvægt að nota eingöngu fitu-
snauðar meltur handa mjólkurkúm, bæði að þvi er varðar
fóðurnýtingu og áhrif á gæði mjólkurinnar.
Meltur geta ekki orðið nema tiltölulega lítill hluti af heildar
71