Ársrit Ræktunarfélags Norðurlands - 01.01.1985, Page 72

nauðsynlegt að nota einnig verulegt magn af öðru fóðri eða
bindiefni (venjulega einhverskonar kolvetni, en einnig má
nota fiskimjöl að hluta) til þess að hægt sé að fóðra á því.
Þörfin fyrir bindiefni er mun minni þegar notað er meltu-
þykkni, sem er mikilvægt, þvi þær eldisfiskategundir sem
ræktaðar eru hér á landi nýta kolvetnafóður mjög illa.
Vandamál gæti skapast vegna sníkjudýra sem geta borist
úr meltunum i eldisfiskinn, því ekki er ljóst hvort sníkjudýr i
hráefninu drepast öll við meltugerðina. Vandamál varðandi
bragðgæði, líkt og hjá svinum og kjúklingum, virðast ekki
vera fyrir hendi. Bæði þessi atriði eru þó lítið rannsökuð.
Mikil áform eru nú á döfinni i fiskeldi. Reikna má með að
þróunin verði ör í þessum málum næstu 10-20 árin og mögu-
leikar á notkun meltu margfaldist í þvi sambandi. Það er því
aðkallandi að halda rétt á málum og hefja rannsóknir á
notkun meltu til fiskeldis hér á landi sem allra fyrst.
4.2.4. Loðdýr.
Tilraunir með meltur handa refum eru mjög fáar, en nokkrar
tilraunir hafa verið gerðar erlendis með meltur handa mink-
um. Hér verður því eingöngu fjallað um fóðrun minka, en
reiknað með að það fóður sem nota má handa þeim sé einnig
hægt að nota fyrir refi.
Nokkur reynsla hefur fengist við fóðrun loðdýra á meltum í
dönskum tilraunum, og hafa niðurstöðurnar yfirleitt verið
jákvæðar. Svipaðar niðurstöður hafa fengist úr norskum til-
raunum, en ekki er talið ráðlegt að próteingjöf úr meltum sé
meiri en 15-20% af heildarpróteingjöfinni. Fituinnihaldið
ætti heldur ekki að vera hærra en 5-10%
Meltur geta haft óhagstæð áhrif á átgetu minka, sérstak-
lega hjá ungum hvolpum og er mikilvægt að nota frekar
þykkta meltu heldur en óþykkta. Áhrifin á átgetuna eru talin
stafa af sýruinnihaldi meltnanna. Bæði maurasýra og pró-
píónsýra hafa neikvæð áhrif á fóðrunina, en einnig virðist
brennisteinssýra geta haft áhrif.
Áhrif meltugjafar á pelsgæði hafa verið misjöfn, en ekki
hafa komið fram neikvæð áhrif innan þeirra marka sem gefin
74