Ársrit Ræktunarfélags Norðurlands - 01.01.1985, Page 89

BJARNI E. GUÐLEIFSSON:
ALDUR NORÐLENDINGA
Það er fróðlegt að virða fyrir sér tölur um aldur fólks í hinum
ýmsu byggðarlögum á Norðurlandi. Aldurstölur segja nokkuð
um þá þróun sem hefur átt sér stað og á sér stað í búsetu fólks.
Til að athuga þetta nokkuð hef ég fengið upplýsingar frá
Hagstofunni þar sem mannfjöldi er talinn 1. desember 1985.
Ekki er hægt að reikna út meðalaldur vegna þess að skýrsl-
urnar gefa einungis upp fjölda íbúa i 5 ára aldursþrepum.
Fólkinu er skipt eftir hreppum, en kaupstaðir og þéttbýli yfir
50 manns eru tekin sér.
Ég hef reiknað út hvernig íbúarnir skiptast í þrjá flokka,
þ.e. hve mikill hluti íbúanna er undir þrítugsaldri, á milli þrítugs
og sextugs og hve margir eru sextugir og eldri. Má nefna flokkana
þrjá ungt fólk, miðaldra og gamalt, enda þótt ekki myndu allir
sætta sig við þær nafngiftir. I töflu 1. er þéttbýlisstöðum með
yfir 1.000 íbúa raðað eftir því hve ungir íbúarnir eru. Þessir
þéttbýlisstaðir eru kaupstaðirnir norðlensku ásamt Blöndu-
ósi. Húsavík og Blönduós eru með yngstu íbúana og þurfa síst
að kvíða endurnýjuninni en Siglufjörður er með minnst af
ungviði.
Á sama hátt er minni þéttbýlisstöðunum raðað í töflu 2.
Þar sést að Svalbarðseyri ásamt Hauganesi og Árskógssandi
eru unglegustu þéttbýlisstaðirnir en lökust er staðan á Hjalt-
eyri og Kópaskeri. Þá er röðin komin að dreifbýlinu, og er
athygli vakin á því að í tölum þar eru þéttbýlisstaðirnir ekki
taldir með jafnvel þótt þeir séu hluti af sveitarfélaginu.
91