Ársrit Ræktunarfélags Norðurlands - 01.01.1985, Qupperneq 94

Hugsanlega má draga einhverjar ábúðamiklar ályktanir af
þessum tölum, en það verður ekki gert hér. Tölurnar eru hér
birtar mönnum til fróðleiks og viðvörunar svo þeir geti at-
hugað sína stöðu og gert viðeigandi ráðstafanir til að halda
sínu sveitarfélagi lifandi. *
Hér á vel við að vitna til Hávamála:
Sonr er betri,
þótt sé síð of alinn
eftir genginn guma;
Sjaldan bautasteinar
standa brautu nær,
nema reisi niðr at nið.
(Sonur er betri/ þótt seint fæðist á æviskeiði föðurins./
Eftir látinn mann/ standa sjaldan minnisvarðar/ við veginn/
nema hann reisi ættliður eftir ættlið).
Er ég var að fást við þessar tölur vaknaði hjá mér forvitni á y
að kanna hvaða Norðlendingar væru elstir. Þessar upplýs-
ingar fást ekki hjá Hafstofunni og varð ég að leita til ýmissa
kunningja og embættismanna á Norðurlandi til að finna elstu
einstaklingana í hverri sýslu. Án þess að nefna nöfn þá vil ég
hér með þakka þeim sem liðsinntu mér. Fyrst ætlaði ég mér
einungis að taka með þá sem fæddir voru 1895 og fyrr, en
fljótt kom í ljós að sá listi hefði orðið óþarflega langur og
líklega óöruggur. Ég minnkaði því fjöldann með því að taka
einungis þá sem fæddir voru 1891 og fyrr en þá kom í ljós að
þetta voru 54 einstaklingar og einnig sá listi var of langur. Ég
birti hér aldursröð þeirra núlifandi Norðlendinga sem ég tel
að séu fæddir árið 1890 og fyrr, alls 32 einstaklingar. Ég tek
það fram að vel geta verið villur í listanum, hugsanlega getur
einhverja vantað og einnig er hugsanlegt að einhverjir þeirra
sem á listanum eru hafi fallið í valinn þegar þetta kemur út. y
96