Ársrit Ræktunarfélags Norðurlands - 01.01.1985, Side 118

Norðurlandi. Hef ég nokkuð reynt að skoða það vandamál
undanfarin ár og átta mig á hvernig við skuli bregðast. Er-
lendis hefur litlar upplýsingar verið hægt að fá um þetta
fyrirbæri, en í vor bárust spurnir af því að danskur vísinda-
maður væri allvel á veg kominn með að rannsaka þetta á
Grænlandi, en þar er ástandið eitthvað svipað því sem hér er.
Hef ég skrifast á við danann og sent honum nokkur maurasýni
til skoðunar og vænti þess að rannsóknir hans verði okkur að
gagni.
Ég hef nokkuð sinnt tilraunum með berjarækt á Möðru-
völlum. Jarðarber komu illa undan hinum snjólétta vetri og
var tilraun með þau hætt, en bæði ribs og sólber virðast ætla
að gefa allmikla uppskeru og er hún mjög misjöfn eftir af-
brigðum. Þá gerðist það einnig í sumar að örfá stöngulber
mynduðust á einu afbrigðinu.
Lokaorð.
Ætíð þegar mannaskipti verða hjá fámennri stofnun sem
Ræktunarfélaginu, skiptir miklu hvaða stefna verður mörkuð
félaginu í framtíðinni. Mín skoðun er sú að tryggja verði góða
og lipra þjónustu rannsóknastofunnar með góðu starfsliði.
Þetta er forgangsverkefni sem fjárhagslega getur að mestu
staðið undir sér. Síðan á Ræktunarfélagið að hafa möguleika
á að takast á við einstök áríðandi og aðkallandi leiðbeininga-
verkefni og kalla tímabundið til starfa sérfróða menn á því
sviði. Ráðunautastöðurnar tvær sem félagið hefur yfir að ráða
bjóða upp á þetta.
Að lokum vil ég þakka öllu starfsfólki Ræktunarfélagsins
fyrir gott samstarf. Þórarinn Lárusson sem unnið hefur fé-
laginu af mikilli elju um langt skeið fær sérstakar þakkir.
120