Ársrit Ræktunarfélags Norðurlands - 01.01.1985, Síða 122

á Möðruvöllum með áburðar- og sláttutíma, allviðamiklar
tilraunir þar sem uppskeru lýkur ekki fyrr en um miðjan
september og mæling sýna að líkum ekki fyrr en eftir áramót
og því uppgjör ekki fyrr en síðla vetrar. Nokkrar tilraunir eru
unnar fyrir sérfræðinga á RALA. á
Framkvæmdir.
Haustið 1984 var unnið af fullum krafti í nýja fjósinu. Var
gengið frá öllum básum og kálfaplássi að norðanverðu í fjósi.
Mjólkurhús fullgert og allt málað í hólf og gólf. Eldvarnar-
hurð var sett á milli hlöðu og fjóss og önnur hurð í aðaldyr
vestan á hlöðu. Kýr voru svo fluttar í fjósið í nóvember.
I vor var hafist handa við að innrétta Eggertsfjósið. Verða
þar til húsa á austurenda Sauðfjársæðingar á Norðurlandi og
fá um helming hússins eða 130 m2. Vesturhlutinn er hugsaður
fyrir kalrannsóknir Bjarna og aðstöðu fyrir jarðræktartil-
raunir. Innréttingu á hluta Sauðfjársæðinga lýkur væntan-
lega í haust en lokafrágangur á vesturpartinum bíður næsta ^
árs.
Innréttað var refahús í fjárhúshlöðu vegna refatilrauna.
Smíðað var í sumar ristarhlið sem setja á i þjóðveg á
merkjum að norðan. Áætlað er að flytja ristarhlið sem er á
vegi upp í fjárhús og setja í þjóðveg sunnan bæja á Möðru-
völlum.
Frumdrög að skipulagi voru gerð síðastliðinn vetur en lítið
er byrjað að vinna eftir þeim enn. Vonast er til að nánari
útfærsla á skipulagi verði gerð á komandi vetri þannig að
hægt verði að vinna eftir því eitthvað næsta sumar.
124