Árbók Landsbókasafns Íslands - 01.01.1966, Síða 144

144
U M HANDRIT ÞORSTEINS ERLINGSSONAR
bindur Þorsteinn sig til þess að hafa kvæðin fullbúin til prentunar „innan ársloka
1895“ og einnig „áframhald af kvæðum“ fullbúið til prentunar 1896. En dráttur
nokkur varð á útgáfunni, því að kvæðin komu ekki út fyrr en árið 1897 undir heit-
inu Þyrnar og á kostnað Odds, en ekki gaf hann fleira út eftir Þorstein. Og þarna eru
námsferilsblöð, prófskírteini um heimspekipróf, Testimonium paupertatis og bréfið
frá Konsistoríinu, þar sem Þorsteinn er kallaður fyrir vegna Rask-málsins, og fleira.
Að síðustu skal hér getið nokkurra ósamstæðra greina og annars efnis (Lbs. 4186,
4to). Er sumt af því eftir Þorstein og með hans hendi, t. d. um móðurætt hans og
umsögn hans um safn Ólafs Davíðssonar af þulum og þjóðkvæðum. Má um leið
minna á, að i Lbs. 1201, 4to, er stutt ritgerð eftir Þorstein um leika. Þá er hér grein
um Gullfossmálið með hendi Þorsteins, minnisblöð um Jón í Gerði, Um vikurösku-
fall í Múlasýslum á annan í páskum (29. marz) 1875 eftir síra Sigurð Gunnarsson
yngra, Ritgjörð um skiptapa, skipalag og siglingar og um úrræði og umbætur á því,
eftir Jón söðlasmið, Um Þórsmörk, eftir sama mann og með hans hendi og sitthvað
fleira.
Eins og getið var í upphafi þessa greinarkorns, var ekki ætlunin að segja nákvæm-
lega frá handritum þessum og efni þeirra, heldur kynna þau að nokkru. Skal því
staðar numið, en til gamans er hér birt kveðja Jónasar Guðlaugssonar skálds til
Þorsteins fimmtugs.
TIL ÞORSTEINS ERLINGSSONAR
Þig hyllir ei skríðandi „höfðingjalið“
með hræsninnar uppgerð á tungu,
með krossa og skúfa og háan hatt,
þig hylla’ inir djörfu, ungu.
Því enn þá stendur þú ungur og frjáls,
þótt ýrð séu gráu hárin,
með heila brynju og hreinan skjöld,
sem þau hafa ekki flekkað árin!
Og enn þá logar und augabrún
sá æskunnar vígði bjarmi,
sem bauð þér í fyrstu að halda á haf
með hjörinn í sterkum armi.