Árbók Landsbókasafns Íslands - 01.01.1970, Síða 164
164
FRÁ HALLGRÍMISCHEVING
síðan hafi allt prófið farið fram á latínu. Sumir segja, að Madvig hafi sagt að lokum:
„Plus quam egregie meruisti“ [Þú hefur unnið til meira en ágætlega], en ekki man
Þórður kammerráð það.“
Vegarnestið frá Hallgrími Scheving hefur þannig enzt Konráði vel - og það í
ýmsum skilningi. Hallgrímur studdi hann að nokkru fjárhagslega, og hið sama gerði
Isleifur Einarsson yfirdómari og síðar dómstjóri, og vottar Konráð þeim fagurlega
þakkir sínar í bréfi til ísleifs 17. marz 1836,1 þar sem hann segir m. a.:
„Hvurn’ á ég betur að reyna til að sýna mig þakklátan en með því að vera íslandi
þarfur í því sem ég get og efla eftir veiku megni það, sem þér viljið að verði eflt og
hvetja af öllum mætti aðra til hins sama? Geti ég nokkurn tíma nokkru góðu til leiðar
komið, þá er það næst guði yður að þakka og dr. Scheving. Ykkar beggja minning
verður mér ævinlega blessuð.“
Svo virðist sem Konráð hafi verið kaupamaður hjá Hallgrími Scheving flest sumur
þau ár, sem hann var í Bessastaðaskóla. Hann var þar eins og fyrr segir sumarið 1826,
og ummæli hans í hréfi til föður síns 16. marz 1828 (pr. í ritinu Undir vorhimni)
benda til, að hann hafi einnig verið þar sumarið 1827, því að hann segir föður sínum
það, sem honum muni „þykja einna mestar fréttirnar, nl. að ég verð ekki hjá Scheving
í sumar“. Astæðan var sú, að sr. Jón Jónsson á Grenjaðarstað hafði beðið Hallgrím
„að taka af sér son sinn Magnús, sem er í neðribekk — og segja hönum til í sumar . . .
segir þar hjá, að hann geti látið hann skrifa fyrir sig annað veifið. Fyrst nú svona er
varið, tekur hann kaupamann til að slá fyrir sig og þarf mín ekki við — enda langar
mig í rauninni til að koma norður'4.1 Yorið eftir er þó komið annað hljóð í strokkinn,
því að í óprentuðu bréfi til föður síns 29. maí 1829 segir Konráð m. a.: „Ég hefi
lofað Dr. Scheving að vera hjá hönum í sumar afdráttarlaust, veit, að hann má ekki
missa mig, og má ég því með engu móti bregða loforði mínu, allra sízt fyrst hann á
í hlut.“
Og í bréfi til Gísla 11. júlí 1829 (einnig óprentuðu) sjáum vér, hvert viðfangsefni
Konráðs liefur verið m. a., því að heyskapurinn var ekki ýkja mikill hjá Hallgrími,
Schevingstún fóðraði að sögn Gröndals í Dægradvöl ekki nema eina kú. í bréfinu
segir Konráð svo:
„Nú hefir ég ærið að vinna - því að Scheving hefir nýlega fengið Stjórn hjá
biskupi og þarf henni bráðum að skila. Þó má það ekki minna vera en ég þakki þér
tilskrifið.“
Sennilegt er, að Konráð hafi verið hjá Hallgrími sumarið 1830, en sumarið áður en
hann sigldi, 1831, virðist hann hafa verið hjá ísleifi Einarssyni á Brekku. Kemur fram
í (prentuðu) bréfi Konráðs til föður síns 11. des. 1830, að það stæði til og ennfremur,
að þá hefur verið ráðið, að Skafti Tímótheus Stefánsson yrði heima hjá Hallgrími
1 Bréfið er prentað í því úrvali bréfa KonráSs, er ASalgeir Kristjánsson annaðist og nefndi Undir
vorhimni, en það kom út 1961.
1 Bréf Konráðs til Gísla Konráðssonar eru varðveitt í Lbs. 1163 4to.