Frjáls verslun - 01.07.1989, Qupperneq 19

i 1 - s i ' Æ^ms~*** .* 1
WCS <v. ^ J8-' B
Heklusystkinin. Fyrir aftan standa Sverrir og Sigfús en fyrir framan eru Ingimundur og Margrét.
staklega vel. Við erum þó ekki alltaf sammála. En það er
alveg ljóst að sundrung meðal okkar og rifrildi myndi
eyðileggja fyrirtækið og þar með skemma fyrir okkur
sjálfum.
Ég tel að fjölskylduformið hafi ótvíræða kosti fyrir fyrir-
tæki þegar samhentir fjölskyldumeðlimir sjá um rekstur-
inn. Fjölskyldutengslin í þessu fyrirtæki hafa án efa orðið
því til framdráttar. Við systkinin viljum að fyrirtækið haldi
áfram að dafna og viljum alls ekki sjá það leysast upp. Það
eru allt of mörg dæmi til um það að fjölskyldur og fyrirtæki
hafi splundrast vegna ósamheldni og deilna.
En auðvitað er ekkert sjálfgefið að eigendur fjölskyldu-
fyrirtækja fæði af sér hæfa stjórnendur. Og stundum kæra
afkomendur sig ekkert um að koma nálægt rekstri fyrir-
tækis þótt um rótgróið fjölskyldufyrirtæki sé að ræða.
EKKIVÍST AÐ BÖRNIN HAFIÁHUGA
Þótt við systkinin höfum getað starfað saman og haft til
þess vilja þá er ekkert víst að börnin okkar geti það eða
hafi áhuga á því. Sjálfur á ég tvo syni og hef fram að þessu
ekki kært um mig um að þeir störfuðu hér. Og ég er
ekkert sannfærður um að farsælast sé fyrir þá eða fyrir
fyrirtækið að þeir helli sér út í reksturinn. Hins vegar tel
ég þá ekki útilokaða frá starfi hér einungis vegna fjöl-
skyldutengsla.
Við systkinin eigum nú samtals 13 böm og það er vart
við því að búast að öll fari þau að stjóma þessu fyrirtæki.
Þegar fjöldinn er orðinn svona mikill verður allt mun flókn-
ara og viðkvæmara. Það er alveg hugsanlegt að inn í
fyrirtækið komi sérfróðir menn um rekstur fyrirtækja og
taki við sjálfum rekstrinum þótt fyrirtækið verði áfram í
eigu fjölskyldunnar.
Ég held að það geti verið óheppilegt fyrir ungt fólk í dag
að vera ofverndað inni í fjölskyldufyrirtæki. Samfélagið er
orðið það flókið að ungt fólk verður að sækja sér menntun
og reynslu annars staðar til að öðlast nægilega yfirsýn svo
það geti stjórnað stóru fyrirtæki í nútíma þjóðfélagi.
Það má kannski segja að helsti gallinn við að reka svona
fjölskyldufyrirtæki í dag sé einmitt óvissan um framtíð
fyrirtækisins; óvissan um það hvort fyrirtækið haldi áfram
að vera fjölskyldufyrirtæki og ef sú löngun er fyrir hendi,
þá óvissan um það hvort afkomendurnir séu hæfir og
nægilega samstæðir til að taka við.
19