Frjáls verslun


Frjáls verslun - 01.03.1991, Síða 43

Frjáls verslun - 01.03.1991, Síða 43
með aðrar þarfir en t.d. Bandaríkja- markaður. Helsta nýjung Sharp í myndritum er tæki sem kallast FO 5200. Þor- valdur Birgisson, sölumaður hjá Skrifbæ, segir tækið vera búið nýrri tækni sem skili jafn miklum prent- gæðum og laser prentari gerir. FO 5200 myndritinn er hannaður fyrir venjulegan pappír. Tækið er búið minni sem tekur viðstöðulaust við 10 blöðum og sér sjálft um að senda þau þegar samband næst. Minni myndrit- ans gerir notanda einnig kleift að senda sama blaðið á 32 mismunandi staði þó því sé aðeins rennt einu sinni í gegn. Ef pappír myndritans klárast geymir hann aðsend bréf í minninu og rennir þeim sjálfkrafa út þegar pappír hefur verið látinn í vélina aftur. Tækið er einnig búið leyninúmerakerfi fyrir trúnaðarmál og hægt er að stilla það á sendingu fram í tímann. Sharp fyrirtækið setti nýverið tvær nýjar tegundir af ljósritunarvél- um á markaðinn. Annars vegar SF-9400, sem er hönnuð fyrir stærri fyrirtæki, og hins vegar SF-7800 sem hentar öllum meðalstórum skrifstof- um. SF-9400 er, að sögn Þorvaldar, geysilega öflug vél sem tekur 50 ein- tök á mínútu og raðar blöðum sjálf í sett og heftar þau saman án þess að mannshöndin komi nærri. Hún er búin svokölluðu stilliminni sem vinnur þannig að þó búið sé að mata vélina á 200 eintökum er hægt að stöðva ljós- ritunina hvenær sem er og skjóta öðru verkefni inn í og láta hana svo halda áfram þar sem frá var horfið. Vélin ljósritar báðum megin og snýr bæði afriti og frumriti við sjálfkrafa. SF-7800 ljósritunarvélin er fyrir- ferðarlítil og segir Þorvaldur að hún sé búin öllum nauðsynlegasta búnaði fyrir meðalstóra skrifstofu. Hún gef- ur m.a. möguleika á stækkun og minnkun texta og raðar blöðum einnig í sett. Benedikt Lövdahl, sölustjóri Umfangs, stendur hér fyrir framan Konica litaljósritunarvélina sem er sérlega fyrirferðarlítil. UMFANG HF. Umfang hf., er ungt fyrirtæki, stofnað af fyrrverandi starfsmönnum Skrifstofuvéla hf. KONICA heita skrifstofutækin, sem Umfang flytur inn, en enn sem komið er verslar fyrirtækið aðeins með ljósritunarvél- ar og myndrita. Að sögn Benedikts Lövdahl, sölustjóra fyrirtækisins, er ætlunin að flytja inn öll önnur skrif- stofutæki en tölvur og ritföng í nán- ustu framtíð. Byltinguna í Konica ljósritunarvél- um segir Benedikt vera nýju Konica 8028 vélina. Þetta er þriggja lita vél sem ljósritar með sömu gæðum og laserprentari. Litirnir eru svartur, blár og rauður. Venjulegir áherslu- pennar í sömu litum gera notandanum kleift að ráða í hvaða litum textinn á að ljósritast. Dugar að strika í eða í kringum þann part af textanum sem á að vera blár eða rauður, sama hvar á blaðinu hann er staðsettur. Það er einnig hægt að stilla vélina þannig að hún þurrki út þann part af texta sem strikað er í kringum. Benedikt segir vélina vera sjálf- virka að verulegu leyti sem gerir hana mjög einfalda í notkun. Hvert blað fer aðeins einu sinni í gegnum vélina þó hún prenti á það í þremur litum sem kemur í veg fyrir að blaðið verði stökkt og verpist, sér í lagi sé um endurunninn pappír að ræða. Aðra nýjung í Konica ljósritunar- vélum segir Benedikt vera meðal- stóra vél sem heitir Konica 3035. Vélin er fyrirferðarminni en hefur áður tíðkast en er búin nýjustu tækni sem völ er á fyrir meðalstóra skrif- stofu. Pappírsbakkarnirerut.d. látnir vera undir vélinni sem sparar pláss. Af myndritum er Konica Fax 120 nýjastur. Þetta tæki segir Benedikt vera lítið og nett með öllum þeim möguleikum sem skrifstofa þarf á að halda, svo sem 100 númera minni, 16 grátóna skala, sem gefur mjög skýra mynd, frumritamatara, sjálfvirkri endurhringingu o.fl. EGILL GUTT0RMS- S0N - FJÖLVAL HF Fyrirtækið Egill Guttormsson- Fjölval hf. flytur inn Riso fjölrita og Mita ljósritunarvélar. Að sögn Sturlu Eiríkssonar, forstjóra fyrirtækisins, hefur orðið bylting í þróun fjölrita undanfarin ár. Japanska fyrirtækið Ri- so hóf framleiðslu fjölrita fyrir 40 ár- um síðan og árið 1980 markaðssetti það stafræna fjölrita sem gáfu mun meiri myndgæði en áður hafði tíðk- ast. Sturla segir þessa fjölrita gefa ljósritunarvélum lítið eftir í prent- gæðum í dag og að prentsvertusmit úr þeim sé svo til úr sögunni. 43

x

Frjáls verslun

Beinleiðis leinki

Hvis du vil linke til denne avis/magasin, skal du bruge disse links:

Link til denne avis/magasin: Frjáls verslun
https://timarit.is/publication/282

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.