Frjáls verslun - 01.03.1995, Síða 5

RITSTJORNARGREIN
NÝ RÍKISSTJÓRN
Þrátt fyrir að Frjáls verslun óski nýrri ríkisstjórn alls
hins besta er því miður ástæða til að hafa nokkrar áhygg-
ur af að hún nái ekki nægilegum árangri við að auka
hagsæld þjóðarinnar.
í leiðurum Frjálsrar verslunar hefur áður verið bent á
að þrennt þurfi að gera til að auka hagsæld þjóðarinnar;
eyða þurfi fjárlagahallanum, lækka þurfi matarkostnað
heimila með raunverulegu frelsi í innflutningi landbún-
aðarvara og korna þurfi á veiðileyfagjaldi í sjávarútvegi.
I stefnuyfirlýsingu ríkisstjórnarinnar er rnjög lagt upp
úr að halda þeim stöðugleika sem verið hefur í efnahags-
lífinu undanfarin ár. Telja verður líklegt að það takist.
Hins vegar verður að teljast ólíklegt að stjórninni takist
að eyða fjárlagahallnum á kjörtímabilinu eins og hún
boðar.
Ekki þarf að fara mörgunt orðum uni mikilvægi þess að
skera niður í ríkisútgjöldum og eyða fjárlagahallanum.
Ríkið þarf að stöðva skuldasöfnun sína svo hægt verði að
tryggja lága vexti og mynda svigrúm fyrir lækkun skatta.
Það eitt örvar fjárfestingu, framleiðslu og skapar ný störf.
Fráfarandi ríkisstjórn Alþýðuflokks og Sjálfstæðis-
flokks lýsti því yfir í upphafi starfsferils síns eftir kosn-
ingarnar 1991 að höfuðmarkmið hennar væri að eyða
fjárlagahallanum fyrir árslok 1993. Það tókst ekki og
ekki heldur á öllu kjörtímabilinu. Sörnu sögu er að segja
uni fyrri ríkisstjórnir.
Nýja ríkisstjórnin segir í stefnuyfirlýsingu sinni að ná
eigi jafnvægi í ríkisfjármálum á kjörtímabilinu. Takið
eftir, að aðeins er látið duga að segja „á kjörtímabilinu“.
Vissulega hefði verið betra að sjá skýr tímamörk í þessum
efnum, svo nauðsynlegt er að korna lagi á ríkisfjármálin.
Lækkun matarkostnaðar heimila með raunverulegu
frelsi í innflutningi landbúnaðarvara er brýn. Sömuleiðis
þarf að draga algerlega úr opinberum stuðningi við land-
búnað sem og aðrar atvinnugreinar. Astæða er til að ætla
að beinn stuðningur við landbúnaðinn muni aukast aftur
á næstu áruni sem þyngi róðurinn í baráttunni við ríkis-
útgjöldin.
Þá eru það niikil mistök hjá nýrri stjórn að taka ekki
upp veiðileyfagjald í sjávarútvegi. Það verður að verð-
leggja fiskimiðin. Ekki aðeins til að sporna við ofveiði
heldur líka til að nýta miðin á sem hagkvæmastan hátt og
ná upp nauðsynlegum vexti í greininni.
Jafnframt er veiðileyfagjaldið orðið slíkt réttlætismál
að búast má við að upp úr sjóði á nteðal þjóðarinnar á
næstu árum. Það er ótækt að ekki sé greitt fyrir afnotin af
fiskimiðunum, eign allra landsmanna, og að þjóðin horfi
upp á að farið sé að greiða eigna- og erfðaskatt af kvótan-
um.
Ævinlega þegar nýjar ríkisstjórnir taka við velta menn
því fyrir sér hvernig þeim takist upp. Þess vegna er ágætt
að minna á að eftir því sem frelsi í viðskiptum eykst og
ríkisafskipti minnka því minni áhyggjur þarf að hafa af
því hvernig ríkisstjórnum takist upp.
Því miður eru ríkisafskipti enn allt of mikil hér á landi.

TT
sm
ISSN 1017-3544
Stofnuð 1939
Sérrit um viðskipta-, efnahags- og atvinnumál — 56. árgangur
RITSTJÓRI OG ÁBYRGÐARMAÐUR: Jón G. Hauksson — AUGLÝSINGASTJÓRI: Sjöfn Sigurgeirsdóttir —
LJÓSMYND ARAR: Hreinn Hreinsson, Gunnar Gunnarsson, og Kristján Einarsson — ÚTGEFANDI: Fróði hf. — Tfmaritið er gefið út í
samvinnu við samtök í verslun og viðskiptum — SKRIFSTOFA OG AFGREIÐSLA: Ármúli 18, sími 812300, Auglýsingasími 875380 —
RITSTJÓRN: Bfldshöfði 18, sími 875380 — STJÓRNARFORMAÐUR: Magnús Hreggviðsson — AÐALRITSTJÓRI: Steinar J. Lúðvíksson —
FRAMKVÆMDASTJÓRI: Halldóra Viktorsdóttir - ÁSKRIFTARVERÐ: 2.895 kr. fyrir 1.-5. tbl. eða 579 kr. á blað. - 10% lægra
áskriftarverð ef greitt er með greiðslukorti. LAUSASÖLUVERÐ: 699 kr. —
SETNING, GRAFÍK, TÖLVUUMBROT, PRENTUN OG BÓKBAND: G. Ben. - Edda prentstofa hf. - LITGREININGAR:
Prentmyndastofan hf. — Öll réttindi áskilin varðandi efni og myndir.
5