Morgunblaðið - 03.01.2001, Page 9

FRÉTTIR
MORGUNBLAÐIÐ MIÐVIKUDAGUR 3. JANÚAR 2001 9
LÖGREGLAN í Hafnarfirði þurfti
að beita maze-varnarúða til að
verjast hópi ungmenna sem gerði
aðsúg að lögreglumönnum í miðbæ
Hafnarfjarðar á nýársnótt. Tíu
ungmenni voru færð á lögreglu-
stöð og þrjú gistu fangageymslur
lögreglunnar.
Á annað hundrað ungmenni,
flest á aldrinum 15-18 ára, höfðu
safnast saman við Strandgötu.
Mörg voru áberandi ölvuð. Um kl.
5 um morguninn hafði lögreglan
afskipti af nokkrum í hópnum en
kvartað hafði verið undan hávaða.
Flöskum og fleiru lauslegu var þá
kastað að lögreglunni og brotnuðu
rúður í lögreglubíl.
Þegar lögreglumenn hugðust
handtaka þá sem mest höfðu sig í
frammi var gerður aðsúgur að
þeim. Lögreglumenn beittu þá
maze-varnarúða sér til varnar. Tíu
voru fluttir á lögreglustöðina, þar
af tveir 14 ára unglingar. Þrír
gistu fangageymslur lögreglunnar.
Útivistarreglur ekki virtar
Árni Guðmundsson, æskulýðs-
og tómstundafulltrúi Hafnarfjarð-
arbæjar, segir brögð að því að for-
eldrar hafi ekið börnum sínum að
Strandgötu og skilið þau þar eftir.
„Við höfum áhyggjur af því að
þarna var mjög mikið af ungum
krökkum langt fram eftir nóttu,“
segir Árni. Það sé umhugsunarefni
hvers vegna foreldrar sjái ekki til
þess að börn þeirra virði útivist-
arreglur. Nokkuð bar á 13-14 ára
unglingum í hópnum.
Skömmu fyrir áramót var orð-
sending borin í hús í Hafnarfirði
þar sem minnt var á útivistarregl-
urnar og að þær væru ekki síður í
gildi um áramót. Svo virðist hins
vegar sem foreldrar hafi sett aðrar
reglur á gamlárskvöld.
Árni Guðmundsson segir að slíkt
sé alvarlegt mál. Ungmennin hafi
greinilega haft vín um hönd og
jafnvel verið grunur um að ólögleg
vímuefni hafi verið í umferð hjá
þeim þótt erfitt sé að staðfesta
það. Árni segir að ef sá atburður
sem varð undir morgun þegar all-
nokkur hópur ungmenna lenti í
átökum við lögregluna sé undan-
skilinn hafi flestir unglinganna
hegðað sér vel.
Aðsúgur gerður
að lögreglunni
Fjöldi ungmenna í miðbæ
Hafnarfjarðar á nýársnótt
HANNES Hlífar Stefánsson sigraði
á nýársmóti Skeljungs með 16 og
hálfan vinning af 19 mögulegum, en
teflt var laugardaginn 30. desemb-
er. Jafnir í öðru til fjórða sæti með
14 og hálfan vinning urðu þeir Helgi
Áss Grétarsson, Helgi Ólafsson og
Margeir Pétursson. Alls voru tefld-
ar 19 umferðir og hafði hver kepp-
andi 5 mínútna umhugsunartíma í
hverri skák. Flestir sterkustu skák-
menn landsins tóku þátt í mótinu,
þar á meðal 7 stórmeistarar og 2 al-
þjóðlegir meistarar.
Morgunblaðið/Jón Svavarsson
Hannes Hlífar Stefánsson, til hægri, teflir við Jóhann Hjartarson á
nýársmóti Skeljungs á laugardag.
Hannes Hlífar sigraði á
nýársmóti Skeljungs
FORSÆTISRÁÐHERRA hefur á
ný skipað úrskurðarnefnd um upp-
lýsingamál til fjögurra ára frá 1.
janúar 2001.
Í nefndinni eiga sæti Eiríkur
Tómasson, prófessor við lagadeild
Háskóla Íslands sem jafnframt er
formaður, Valtýr Sigurðsson, hér-
aðsdómari í Reykjavík, sem jafn-
framt er varaformaður og Elín
Hirst fréttamaður. Varamenn
þeirra eru Steinunn Guðbjarts-
dóttir héraðsdómslögmaður, Arn-
fríður Einarsdóttir, skrifstofu-
stjóri Héraðsdóms Reykjavíkur,
og Ólafur E. Friðriksson blaða-
maður.
Úrskurðarnefnd um upplýsinga-
mál er starfrækt samkvæmt 5.
kafla upplýsingalaga til að leysa úr
ágreiningsmálum um aðgang að
upplýsingum hjá stjórnvöldum.
Úrskurðir nefndarinnar eru end-
anlegir á stjórnsýslustigi og hafa
því fordæmisgildi fyrir önnur
stjórnvöld við framkvæmd upplýs-
ingalaga. Frá því er upplýsinga-
lögin tóku gildi 1. janúar 1997 hef-
ur úrskurðarnefnd kveðið upp 110
úrskurði. Úrskurðir nefndarinnar
eru birtir í ársskýrslum hennar og
verða senn birtir á Netinu jafn-
framt.
Úrskurðar-
nefnd um
upplýsinga-
mál skipuð
 HAFDÍS Guð-
jónsdóttir varði
þann 28. júlí síð-
astliðinn dokt-
orsritgerð í sér-
kennslufræðum
við University of
Oregon, í Eu-
gene, Oregon,
Bandaríkjunum.
Ritgerðin nefnist: Responsive pro-
fessional practice: Teachers analyze
the theoretical and ethical dimens-
ions of their work in diverse class-
rooms.
Markmið rannsóknarinnar var
m.a. að öðlast betri skilning og þekk-
ingu á því hvernig íslenskir kenn-
arar sem glíma við þann vanda að
koma til móts við þarfir allra nem-
enda í mikið getublönduðum bekk
móta og þróa kennsluna, innleiða og
nota fræðilegan skilning og vinna að
faglegri þróun. Hafðir voru í huga
tveir andstæðir pólar fræðimanna,
þeirra er álíta kennara byggja starf
sitt á fræðilegri þekkingu og sið-
ferðilegum skilningi, og hinna sem
álíta kennara lítið ígrunda fræði-
legan bakgrunn kennslunnar og séu
fyrst og fremst að koma til skila
ákveðinni þekkingu og færni.
Rannsóknin var byggð á að-
ferðafræði eigindlegra þátt-
tökurannsókna og unnin í náinni
samvinnu við sex grunnskólakenn-
ara. Umræðurammi var þróaður og
notaður í endurteknum viðtölum við
kennarana þar sem þeir greindu
starfskenningu sína og ígrunduðu
framkvæmd, siðferðileg rök og
fræðilegan grunn starfsins. Með því
að ganga út frá sérþekkingu og fag-
mennsku kennaranna og innleiða
félags- og menningarlega sýn á
starfið þróaðist ferli til að skoða,
greina og fjalla um hið margbrotna
kennarastarf á gagnrýninn, upp-
byggilegan og heildrænan hátt.
Rannsóknin leiddi í ljós að kenn-
ararnir sex sinna margvíslegu hlut-
verki til viðbótar við kennslu- og
uppeldishlutverkið, m.a. taka þeir
þátt í rannsóknum, skólaþróun, ný-
sköpun þekkingar, ígrundun og
lausnaleit, ritun greina og bóka,
kennslu fullorðinna og samfélags-
legri umræðu. Einnig kom í ljós að
þeir deildu með sér ákveðinni fag-
legri reynslu og þeir töldu hafa haft
mikil áhrif á viðleitni sína við að
skapa námsumhverfi fyrir alla nem-
endur, þ.e.a.s. virkt skólaumhverfi,
samvinnu, símenntun og tækifæri til
þátttöku í nýsköpun þekkingar.
Niðurstöður benda til þess að
mikilvægir þættir í að skapa náms-
umhverfi fyrir alla séu jákvæð við-
horf gagnvart margbreytileikanum
og kennslu- og uppeldisfræðileg
þekking sem dugar kennurum til að
bregðast við þeim margvíslegu mál-
efnum sem upp geta komið í mikið
getublönduðum bekkjum.
Aðalleiðbeinandi við ritgerðina
var dr. Robert Horner. Andmæl-
endur við doktorsvörnina voru dr.
Deborah Olson, dr. Diana Oxley, dr.
Virpi Zuck og dr. Rannveig Trausta-
dóttir.
Verkefnið var styrkt af: Claire
Wilkins Chamberlin Memorial
Graduate Research, Minningarsjóði
Heiðar Baldursdóttur, Orlofssjóði
menntamálaráðuneytisins, Náms-
leyfasjóði sveitarfélaga og Verk-
efna- og námsstyrkjasjóði Kenn-
arasambands Íslands.
Hafdís Guðjónsdóttir fæddist
þann 26. maí 1952 á Akureyri. For-
eldrar hennar eru Guðjón K. Þor-
steinsson, kaupmaður og bryti, og
Björk Arngrímsdóttir húsmóðir.
Eiginmaður Hafdísar er Þór Braga-
son, rafvirki og verslunarmaður,
börn þeirra eru Helga Sigríður og
Nína Björk háskólanemendur og
Jón Grétar framhaldsskólanemi.
Hafdís lauk kennaraprófi 1973,
stúdentsprófi 1974 frá Kenn-
araskóla Íslands og B.A.-prófi í sér-
kennslufræðum 1990 frá Kenn-
araháskóla Íslands. Hún lauk
M.A.-prófi í sérkennslufræðum frá
University of Oregon 1993. Hafdís
starfaði sem grunnskólakennari frá
árinu 1974 við Fellaskóla í Reykja-
vík, Engidalsskóla og Lækjarskóla í
Hafnarfirði. Hún hefur stýrt kenn-
aranámskeiðum, þróunarverkefnum
og verið stundakennari við Kenn-
araháskóla Íslands. Þann 1. ágúst
hóf Hafdís starf sem lektor við
Kennaraháskóla Íslands.
Doktor í
sérkennslu-
fræðum
FÓLK
Bankastræti 14, sími 552 1555
Útsala
– sérverslun – Fataprýði
Álfheimum 74, Glæsibæ, Reykjavík, sími 553 2347.
Útsalan byrjuð
Frábært fataúrval
Sérhönnun St. 42–56
Suðurlandsbraut 6
Sími 568 3841
AUKIN ÖKURÉTTINDI
(MEIRAPRÓF)
Leigubíll, vöru
bifreið,
hópbifreið og
eftirvagn.
Ný námskeið
hefjast vikulega.
Fagmennska í fyr i r rúmi