Morgunblaðið - 03.01.2001, Qupperneq 27

VIÐSKIPTI
MORGUNBLAÐIÐ MIÐVIKUDAGUR 3. JANÚAR 2001 27
FYRIRTÆKJUM í hefðbundnum
iðnaði í Noregi gengur nú mun betur
en fyrirtækjum nýja hagkerfisins að
því er fram kemur í nýrri umfjöllun
Aftenposten. Þar er einnig greint frá
því að alls framleiða álver norsku
fyrirtækjanna Elkem og Norsk
Hydro um 23,5 milljónir tonna af áli
á ári og þar af er eitt tonn framleitt í
Noregi.
Þessi hefðbundnu iðnfyrirtæki eru
fyrirtæki í málm- og efnaiðnaði
ásamt pappírsvinnslu en ekki olíu-
vinnslu. Þau sýna næstum tvöfalt
betri afkomu á þessu ári en því síð-
asta miðað við frumtölur en hagn-
aður þeirra á þessu ári er talinn
verða um 140 milljarðar íslenskra
króna, miðað við 75 milljarða í fyrra.
Fyrirtæki í upplýsingatækni eru
flest rekin með tapi, auk þess sem
markaðsverðmæti þeirra hrynur nú í
flestum kauphöllum heims. Gengi
hlutabréfa hefðbundinna iðnfyrir-
tækja hefur líka lækkað en ekki eins
mikið. Í Kauphöllinni í Ósló hafa
hlutabréf iðnfyrirtækja lækkað um
tæp 10% í ár en upplýsingatæknifyr-
irtækin um 33%.
Í ljósi þessa hafa fjárfestar reynst
viljugri til að setja fé í hefðbundin
iðnfyrirtæki og fögnuðu starfsmenn
álvers Elkem í Mosjøen í Noregi í
vikunni þegar ákveðið var að hefja
framkvæmdir við stækkun versins
og endurbætur á því. Elkem er eig-
andi álversins ásamt bandaríska ál-
félaginu Alcoa og munu fyrirtækin
setja um 17 milljarða íslenskra
króna í framkvæmdirnar. Álverið
hefur orkusamning við sænska Vatt-
enfall til ársins 2020 og hefur sýnt
fram á aukna framleiðni undanfarið.
Af þeim sökum samþykkti Alcoa að
leggja fram fé til að auka fram-
leiðnina enn frekar. Álverið er eitt af
25 í eigu Alcoa. John G. Thuestad,
deildarstjóri Elkem Aluminium, seg-
ist í samtali við Aftenposten vera
orðinn leiður á tali um nýja hagkerf-
ið og að álbræðslur séu risaeðlur at-
vinnulífsins. Álverið í Mosjøen sé vel
samkeppnishæft, ella hefði það ekki
fengið nýtt fjármagn.
Velgengni iðnfyrir-
tækja í Noregi
Ósló. Morgunblaðið.
Niðurskurður
hjá Ford
FORD, annar stærsti bílafram-
leiðandi heims, sendi nýlega frá
sér aðra afkomuviðvörun fyrir síð-
asta fjórðung ársins, þar sem segir
að hagnaður tímabilsins verði lík-
lega 10 sentum lægri á hlut en
fjármálasérfræðingar á Wall
Street gera ráð fyrir, eða um 64
sent.
Fyrirtækið lýsir því yfir að bíla-
framleiðslan í Bandaríkjunum
verði minnkuð um 9% á fyrsta
fjórðungi næsta árs og starfsemi
verði lögð niður í flestum verk-
smiðjum fyrirtækisins í Banda-
ríkjunum í eina viku. Þetta sé
nauðsynlegt til að laga fyrirtækið
að hægara efnahagslífi í Banda-
ríkjunum. Við aðgerðirnar missa
36 þúsund verkamenn vinnuna
tímabundið.
Ford er ekki eini bílaframleið-
andinn sem varar við lakari af-
komu og býst til að skera niður.
General Motors hefur tilkynnt
umfangsmiklar aðgerðir sem gera
um 17 þúsund verkamenn atvinnu-
lausa um tíma í Bandaríkjunum.
Idar Kreutzer
nýr forstjóri
Storebrand
Ósló. Morgunblaðið.
STJÓRN norska tryggingafélagsins
Storebrand hefur útnefnt Idar
Kreutzer næsta aðalforstjóra fyrir-
tækisins. Kreutzer tók við tímabund-
inni stöðu í október þegar Åge Kors-
vold var sagt upp störfum vegna
ólöglegra viðskipta með hlutabréf í
Storebrand. Kreutzer hefur starfað
hjá Storebrand í átta ár, síðast sem
fjármálastjóri. Það er þó ekki venjan
hjá Storebrand að ráða innanbúðar-
menn í forstjórastarfið, en stjórnin
lýsti því yfir að Kreutzer væri besti
kosturinn af hæfum einstaklingum
innan og utan fyrirtækisins.