Morgunblaðið - 05.01.2001, Blaðsíða 54

54 FÖSTUDAGUR 5. JANÚAR 2001 MORGUNBLAÐIÐ
VIÐ hjónin héldum til Puerto Vall-
arta í Mexíkó 20. nóv. og komum
heim 6. des. eftir frábæra dvöl þar.
Þetta átti að vera sannkölluð há-
tíðarferð þar sem frúin átti 60 ára
afmæli í ferðinni og ekki mikið úr-
val ferða á þessum tíma árs.
Það var því mjög gleðilegt þegar
þessi valkostur bauðst. Nýr stað-
ur!
Við höfum ferðast heil ósköp og
sérstaklega nú á síðustu árum þar
sem við erum nýhætt að vinna og
t.d. á þessu ári höfum við farið í
fjórar ferðir til útlanda.
Við förum árlega á seinni árum
til Kanaríeyja og Portúgal og víð-
ar. Áður var Flórída okkar staður.
Til Mexíkó fóru 150 farþegar í
fyrstu ferðina en farnar verða
ferðir þangað í beinu leiguflugi
með Flugleiðum á 14 daga fresti til
marzloka.
Við, ásamt fimmtán öðrum hjón-
um og einum 14 ára dreng, völdum
gistingu á hótel Allegro Resort,
sem er 5 stjörnu hótel með fullu
fæði. Meira að segja ein hjónin
höfðu verið á sama hóteli með okk-
ar ferðaskrifstofu á sama tíma í
fyrra og voru komin aftur, jafn-
ánægð og þá.
Það var samdóma álit allra Ís-
lendinganna sem þarna dvöldu að
þetta tæki öllu fram.
Fimm stjörnu hótelið var með
glæsilegum garði, tveimur upphit-
uðum sundlaugum, þremur veit-
ingastöðum, hverjum öðrum betri,
og var þjónustan frábær og elsku-
leg.
Alla eftirmiðdaga er skemmti-
dagskrá við sundlaugina sem er
ekki yfirþyrmandi í hávaða (14 ára
drengurinn, sem við öll eignuðum
okkur, tók þátt í öllu sem fulltrúi
okkar).
Á kvöldin var ávallt kvöld-
skemmtun með prógrammi sem
aldrei var það sama í þá 15 daga
sem við dvöldum þarna.
Hótelið stendur á glæsilegri
strönd með pálmatrjám, fallegri en
við höfum áður séð. Möguleikum á
göngu á stöndinni voru engin tak-
mörk sett. Til vinstri 30 mín. til
hægri 3-5 klst. Á daginn var alltaf
30+ hiti. Aldrei dró ský fyrir sólu.
Við fórum í nokkrar ferðir og
nutum þeirra enda þessi hluti
Mexíkó eitt fegursta land sem við
höfum komið til.
Þrír íslenskir elskulegir farar-
stjórar sáu um ferðirnar og að auki
var dugnaðarleg og ábyrg innlend
stúlka alltaf til taks, hún Ana Rosa
sem kom frá umboðsskrifstofunni í
Mexíkó. Fararstjórarnir voru
ávallt tilbúnir fyrir okkur ef við
þurftum á þeim að halda.
Þegar afmælisdagurinn rann
upp langaði okkur að gera eitthvað
sérstakt.
Annar ferðafélagi átti merkisaf-
mælisdag sama dag. Fararstjór-
arnir sáu um að velja veitingastað-
inn og sjá um pantanir. Þetta
kvöld var okkur ógleymanlegt á
veitingastaðnum Panorama í
gamla bænum.
Fararstjórarnir komu daglega í
heimsókn til að ræða við hópinn
okkar, einnig komu þeir daglega
með fréttafax frá Íslandi.
Íslendingarnir 32 sem bjuggu á
Allegro Resort héldu oftast hópinn
og oft var borðað saman og mikið
rabbað við sundlaugarnar.
Einn framtakssamur ferðafélagi
er búinn að bjóða hópnum heim
þann 12. janúar nk. og til stendur
að hafa myndakvöld og rifja upp
minningar um frábæra ferð, ynd-
islegt land og þægilega þjónustu.
Við spáum því að flestir sem
upplifa ferð til Puerto Vallarta vilji
fara sem fyrst aftur þangað, alla
vega bíðum við hjónin með óþreyju
eftir að sjá staðinn og fólkið aftur.
MARGRÉT OG
PÁLL JÓNSSON
Kringlunni 79,
103 Reykjavík.
Puerto Vallarta
– Frábær ferð
Frá Margréti og Páli Jónssyni:
Þakkir til Úrvals-Útsýnar
og fararstjóra
Frá Puerto Vallarta – Það var samdóma álit allra Íslendinganna sem
dvöldu þarna, segja greinarhöfundar, að þetta tæki öllu fram.






 
   





     



 
  


  
       

     BRÉF
TIL BLAÐSINS
Kringlunni 1 103 Reykjavík  Sími 569 1100  Símbréf 569 1329
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.